خريجة ادارة عامة ارجوا افادتي ؟

[nova11]

السلام عليكم

انا متخرجة من سنة انتساب وكل ما اقدم على مكان ما يقبلوني بسبب اني ما عندي لغة انجليزي كل ما اقدم في مكان ما يهمهم المعدل اهم شيء يهمهم اللغة الانجليزية

جاتلي وظيفة في مصانع في شركات في مستشفى سليمان فقيه وظيفة في النادي الرياضي بس ما قبلوني لاني ما عندي لغة اكتئبت دحين جالسة اطور نفسي في الانجليزي وكل شوية تجيني وظيفة استقبال

ريسبشن يعني ايش الفرق بيني وبين الي عنده شهادة ثانوي اهم شيء عندهم الانجليزي عشان اقدر اشتغل بشهادتي ووظيفة محترمة لازم يكون عندي لغة انجليزي حتى جاتلي وظيفة سكرتيرة لكن رفضوني ما عندي

لغة التعامل كله باللغة الانجليزية حاسة اني نادمة اني ما دخلت اداب انجليزي

[shosha777]

كيف م يقبلوكي مو انتي بتقدمي ع تخصصك ايش الشي الغريب دا
طيب ادخلي معاهد انجليزي معتمدة وربي يوفقك والله شي يحرق الدم

[nova11]

والله قدمت كتير وما قبلوا ليه عشان ما عندي لغة انجليزي حتى في مستشفى سليمان فقيه جاتلي وظيفة حلوة بس ما اتصلوا فيا ليه ما اعرف اتكلم انجليزي
حتى في المصانع المسؤلة تقولي تعرفي انجليزي كانت وظيفة في المبيعات ما اتصلت فيا تاني ووظيفة سكرتيرة لازم الكلام بالانجليزي اكترهم ما يطالعوا في المعدل اغلببهم يبغوا لغة
وجاتلي وظيفة في النادي الرياضي تبع سليمان فقيه وظيفة حلوة برتاب فوق ال5 الاف بس غيروا رايهم وما اتصلوا بيا ودحين بطور نفسي بالانجليزي والله جالي اكتئاب
ومازلت بطور نفسي بالانجليزي ونادمة اني ما دخلت تخصص انجليزي كان حالي أفضل وجاتلي وظيفة اني اشوف ملفات المرضى بالانجلش في المستشفى واترجم يعني مشكلتي هيا مع اللغة الانجليزية

[shosha777]

لاتزعلي نفسك ان شاء الله خيرة ليكي واسمعي كلامي ادخلي معهد انجليزي معتمد ومعروف واتحملي بالطول والعرض منو تطوري نفسك ومنو تقوي شهادتك والله يوفقك ويسهل عليكي يارررب

[SULT2N]

اختي الانجليزي الحين يعادل التخصص بالتوظيف
حتى طلاب الانتظام ببعض التخصصات ما يتوظفون الا وهم عندهم خبره بالانجليزي فالجامعه اختصرتها وخلت الدراسه للانتظام بالانجليزي

وتخصصك ماشاء لله مرغوب فالقطاعين الحكومي والخاص
قدمي على اي وظيفه تطلب تخصصك وبتلاقين كثير يتغاضون عاللغه ان شاء لله تابعي هالقسم http://www.skaau.com/vb/forumdisplay.php?f=81
وتابعي وظيفه دوت كوم ولاتنسين البنوك ترينها تطلب تخصصك ومايشترطون اللغه

والله يوفقك ويسهلك

[nova11]

يعني جاتلي وظايف كتيرة بالسكرتارية بالمبيعات ومسؤلة في النادي الرياضي وفي الموارد البشرية ما عندي لغة انجليزي مكاني فين في الاستقبال ايش الفرق بيني وبين الي معاه شهادة ثانوية
شيء لا يطاق هل لو دخلت اداب انجليزي كان حالي أفضل

[فندام]

اطلعي على المواضيع المطروحة بأكاديمية اللغة الإنجليزية بهذا المنتدى واتوقع انها حتفيدك وتساعدك على تقوية لغتك الإنجليزية

هذا الرايط تبع الأكاديمية

http://www.skaau.com/vb/forumdisplay.php?f=152

[nova11]

ممكن اعرف فين يقبلوا وظايف شهادة ادارة عامة الي يعرف ويقبلوا بدون لغة

[nova11]

جاتلي وظيفة استقبال يا كرهي للاستقبال ايش الفرق بيني وبين الي معاه شهادة ثانوية عامة اطور نفسي في الانجليزي احسن واشتغل شغلانة كويسة أحسن كل ما اقدم في مكان يقولي استقبال
وانا فاشلة في الاستقبال اصلا كل ده عشان مو معايا لغة اربع سنين دراسة طارت في الهوا حتى مساعدة المدير او السكرتارية لازم اعرف انجليزي