علامات إستفهام ... ولكن!

[Ela]

أسأل مين؟
لأنّي من يوم ما سجّلت في الجامعة ... والسؤال دا في بالي يصيح و ما يستريح
وكل ما سألت أحد يقولّلي:
........."ابتسمي فأنتِ في السعودية".........
المهم، سؤالي هوّ:
ليش مافي تخصص "هندسة" للبنات ؟؟؟؟؟؟؟؟؟
اشمعنا بس للأولاد!؟
لا تقولولي ماينفع للبنات والخرابيط هادي... <<كلام فاضي و ما يدخل عقلي
طيب انا في السعودية ومبتسمة .. بس ايش دخّل السعودية في التخصص
يعني حرام للبنات حلال للأولاد؟ ولّا عشان البنات هِنا ما يستاهلو؟؟؟!!
مو بس الهندسة... كل التخصصات المتاحة للأولاد، المفروض تكون متاحة للبنات كمان...
انا في انتظار الجواب
وأأسف ازا ضيع عليكم موضوعي شوية من وقتكم =)
بس إن شالله في الآخر احد يعبرني ويرد عليّا

احتـرامي للجميـــع
~و سلامتكم~

[mzat kau]

خلاص هوا كدا بس اتوقع حيكون في تطوير السنوات الجايه ان شا لله ليش لا

[صمت الاحساس]

المشاركة الأصلية كتبت بواسطة ela أسأل مين؟ لأنّي من يوم ما سجّلت في الجامعة ... والسؤال دا في بالي يصيح و ما يستريح وكل ما سألت أحد يقولّلي: ........."ابتسمي فأنتِ في السعودية"......... المهم، سؤالي هوّ: ليش مافي تخصص "هندسة" للبنات ؟؟؟؟؟؟؟؟؟ اشمعنا بس للأولاد!؟ لا تقولولي ماينفع للبنات والخرابيط هادي... <<كلام فاضي و ما يدخل عقلي طيب انا في السعودية ومبتسمة .. بس ايش دخّل السعودية في التخصص يعني حرام للبنات حلال للأولاد؟ ولّا عشان البنات هِنا ما يستاهلو؟؟؟!! مو بس الهندسة... كل التخصصات المتاحة للأولاد، المفروض تكون متاحة للبنات كمان... انا في انتظار الجواب وأأسف ازا ضيع عليكم موضوعي شوية من وقتكم =) بس إن شالله في الآخر احد يعبرني ويرد عليّا احتـرامي للجميـــع ~و سلامتكم~

صباحك سكر يا قمر ..
احس السؤال ده ماله اجابه ف السعودية وبالذات ف جامعتنا بالرغم انه ف الجامعات الاهليه هنا موجود القسم ده للبنات..وماشالله قادرين عليه
مع انه احنا كمان قدها ومافيش حاقة مستحيله بس عاد ما بدهم نتقدم عن الغرب

ضلنا هيك نجلس ع التقليد الاعمى ف اشيا مالها داعي وبس..

مع خالص حبي وتقديري للكل،،،

[ro0onee_roon]

فتحتي جروح انتي والله
حلم حياتي هندسه معماريه بس مشي حالك حالك يمشي

[funtoon]

عندك عفت للي يبو هندسة معمآرية وهندسه ألكترونيآت =)
---

[soma al7elwa]

زي ما قالت funtoon موجود في عفت وممكن تقدمي على منحة هناك

بالنسبة للهندسة

قبل اكتر20 سنة فتحت هندسة بجامعة الملك سعود للبنات

وقامت الدنيا وما قعدت

وهيئة الامر بالمعروف والنهي عن المنكر ومجلس الشورى

وسكر القسم

الكلام دا متأكدة منو 100% لانو خالتي كانت تدرس فيها

وبصراحة في الين اليوم عوايل مخها "اعزروني على دي الكلمة " مسكر ومقفل بعشرمية قفل

وما يرضو بناتهم يشتغلوا دكتورات وممرضات

ويمكن الجامعه لما دحين حاسبة حساب دول الناس

وياارييييييييييييت وأتمنى أتمنى أتمنى يطنشوا دول الاهالي ويفكروا بمستقبل البنات التانيين اللي حلمهم يكونوا "باشات مهندسات" p=

[تخصص 13]

من جد شي يقهر

مره كاان نفسي هندسه بس

ع الاقل لو فتحوا يخففوا الضغط ع الكليات الصحية

[][_ غــــــيــــــر _ ][]

السلام عليكم ورحمة الله وبركاته ..

بداية الله يعطيك العافية على موضوعك..سـيـتـم نــقـــله لـلـ قــســم _بشكل تلقائي_
المخصص للحوارات الجامعية ( مـلـتـقـى الحوار الجامعي ).
.. دمــــــــــ ـ ت بــــــــــــــــود..

[* تركي *]

/

بِلآ شَك التَعليم حَق مشترك لـِ الجَميع بـِ غض الطرف بنت أو ولد ،’ ..
الهَندسة مِهنة مِيدآنية أَكثر مِن انهآ اشرآفية ،’
وَ مِثل مآهو مَعروف مُجتمعنآ يرفض عَمل المَرأة المِيدآني .. ‘
لَكن عُموما ، أنآ أَشوف ان المَرأة قَآدرة وبشكل فَعآل أَن تَشغل مهنة الهَندسة ،’ ..
لَكن لـِ الأسف فِي السعودية هنآ لآ يوجد مَجآل لـِ هذآ ،’ .. !




::

[شوشو0]

انا اعتقد انه مهم سامحين لنا لانه إذا دخلنا هندسه حنجيب معدلات اعلى من معدلات الاولاد
وبعد كذا مااعتقد احد من الاولاد حيشتقل بالشهاده إلا نادر(يعني حنحطمهم <حرااااااااااااام>)