استفسارات عامة خاصة بطالبات التعليم عن بعد ..

[حطام أنثى]

المشاركة الأصلية كتبت بواسطة ام البطلات وربي كلامك درر...يعطيك الف عافيه... طيب ...سؤالي الواجبات نرسلهم على ايميلاتهم... والا كيف.!!! وفيه شئ محيرني بس لاتضحكين.. الحين لو كان عندي اختبار والاتصال عندي انقطع راح يلغونه..!! وبصراحه زوجي مستغرب يقول كيف فيه اختبار ..؟!! يعني ماشاء الله عليهم كلهم مافي احد يغش.. طبعا مو قدح ولا سوء نيه في الناس بس اعتبريه مجرد سؤال فضولي..؟!! وموفقــــــــه يالغاليه,,,

الله يعافيك يارب ...

نظام الايميس مقسم عده اقسام قسم على الجنب للبريد بينك وبين الطلبه وبينك وبين الاساتذه .. وقسم فيه كل ماده لحال ولما تدخلي على الماده تلقي جوا عده اقسام مثلا( قسم اختبارات \ قسم واجبات \ قسم منتديات \ قسم الماده فيه ملخصه كلها \ ... ) يمكن 10 اقسام بس دي اهم الاقسام واللي تستعمليها كل يوم تقريبا.. قسم الاختبارات والواجبات ينقسم قسمين ( قسم واجبات-اختبارات مكتمله \ وقسم واجبات-اختبارات غير مكتمله ) الواجبات والاختبارات توصلك على غير المكتمله وانتي تحليها وهي تنرسل دغري على المكتمله مجرد ماتقولي تم بعد ماتخلصي حل اما قسم الواجبات انتي تاخذي الواجب وتحمليه وتحليه في الوورد وترجعي ترسليه بطريقه معينه وترسليه على الواجبات المكتمله ...

الاختبارات كل وحده وامانتها واللي تبغى تغش تقدر تغش بسهوله...

الله يوفقك يارب..

[حطام أنثى]

المشاركة الأصلية كتبت بواسطة غاوية دراسة والله افدتينا عزيزتنا حطام انثى جـــــــــــزاك الله ألف خير من جد كنا محتاجين نسمع رأي مجرب كلامك راح اذاكره مذاكرة ههههه ودي اسألك سؤال متى تبدا الدراسة بالتعليم عن بعد مع بداية الدراسة في المدارس والجامعات ولا نتأخر عنهم ؟ والله لايحرمنا من طلتك علينا

ان شاء الله دايما اقدر افيدكم يارب..

ههههههههههه ايوا احفظي كلامي عدل .. انا الكلام دا كنت بنزله قبل اسبوع من بدأ الدراسه بس انتوا سألتوني وقلت خلاص انزله دحين ان شاء الله ماتنسوه ... وسجلوه في دفتر احسن لكم ..

تبدأ الدراسه مع الجامعه بعد ماتبدأ المدارس بأسبوع والاغلب نحنا التعليم عن بعد نبدأ بعد ماتبدأ المدارس بأسبوعين...

ولا يحرمني منكم يارب..

[حطام أنثى]

المشاركة الأصلية كتبت بواسطة المتميزة 2009 اختى حطام أنثى الله يجزيك الجنه - ويارب يجعلها في ميزان حسناتك معلوماتك مفيده -والف مليون شكر عشان خصصتي من وقتك تشوفي احوال اخواتك سوال صغيرون في كتب خاصة لتعليم عن بعد ولا نفس كتب الانتساب اطال الله في عمرك

امين والجميع يارب...

لا شكرا على واجب...

تعرفي بسؤالك حسستني اننا من كوكب غير ...

نحنا دراستنا زي الانتظام وكتبنا وحتى اساتذتنا نفس اللي يدرسوا الانتظام والانتساب... مافي اي فرق غير ان ندرس من البيت وبفلوسنا...

[فاقدة أبوها]

جزاك الله خيرا أختي حطام أنثى
وربي ماقصرتي معنا الله يعطيك العافية.

[غاوية دراسة]

والله اني نسخت كلامك امس ولصقته في مستند نصي وحفظته على سطح المكتب
ههههههههههههه كأنك حسيتي بيا
طيب عزيزتي نسيت اسألك السؤال المهم هذا
واش نوع اتصالك واش سرعته
انا dsl وسرعتي 256 مدري تخارج مع المحاضرات والاختبارات ولا لا؟
عاد يقلك اسأل مجرب
ربي يسعدك ..

[المتميزة 2009]

باااااااااااااااااااااااااركولي يابنات تم وضع علامة صح على ارسال البطاقه الجامعيه
الحمدالله بكره بروح واخذها وانتم ايش صار معاكم بشروني

[حطام أنثى]

غاويـه دراسـه

هههههههههههههههههههههه ايوا كدا انتي طالبه مجتهده سمعتي الكلام...

.. انا اتصالي dsl سرعته السنتين اللي فاتت 256 ودحين خليناها 500 السرعـه كويسـه ... بس نصيحـه لاتبعدوا عن المودم يعني خلوا وقت المحاظرات الاشارة ممتازة او جيد جدا .. لان جيد او منخفض محا ينفعكم يقعد يقطع معكم...

[حطام أنثى]

مبرووووووك يالمتميزة وعقبال البقيـه يارب ..

[وئام الخير]

[align=center]مبارك عليك القبول يالمتميزة وعقبالنا..[/align]

[وئام الخير]

مشكوررررة أختي حطام أنثى على المعلومات المفيدة والله ما قصرتي معانا الله يعطيك من خيري الدنيا والآخرة