اللي تخصصها كيمياء حيوية تدخل

[R-Kh]

الله يبشرك بالخير .. طيب مع مين أخذتي bio 202 ..

د.سهيلة قاري
...
تخرجي من المحاضرة وانت فاهمه كل كلمة
ويوم الاختبار ماتتعبي في الحفظ لانك فاهمه المقرر بشكل عام
...
بالتوفيق
..
:)

[همسة حراير]

أنا اخذت احياء202 الترم اللي فات مع الدكتورة: عواطف كانت المادة مرة روعة وكمان وحدة من صحباتي اخذوا مع الدكتوره :سناء ترك

[لحن الرحيـــل]

انا الانزيم اخذته مع سوسن محاسني مررررررررره خطيره تعطيك المفيد واسئلتها حلوه حتى تجيب الاسئله في الاختبار بتسلسل المحاضرات يعني ما تلخبطي واكتبي معاها في المحاضره وباذن الله تضمني درجه حلوه في الماده
كيمياء 202 اخذته مع صفاء الجمل يعني ماشي حالها


عربي مع تيسير الشريف مرررررررره خطيره بس اهم شي الحظور مررره تدقق فيه والا المنهج والاسئله حلوه

وبالتوفيق للجميع يارب

[مارية]

المشاركة الأصلية كتبت بواسطة قطرة مطر دكتورة امينة مدحت معمرها درست ايض دايم تدرس انزايم او كيمياء حيوية عامة او مصطلحات او تقارير فنية ومواد تانية بس ايض معمري سمعتها درستها

مشكورة ياعسل على المساعدة ..

[مارية]

المشاركة الأصلية كتبت بواسطة calbooza السلام عليكم.. شوفي ياعسل انزيم خذيه مع استاذه سوسن محاسني مره تماام وتعيد كل سنه اسالت السنه اللي قبلهابس تغير شويه فيها... انتي اهم شي اكتبي كل شي معاها في المحاضره حتى في الاختبار تجيب الاسئله اختياري بالترتيب من محاضره 1 الين المحاضره اللي تحددها وسوال واحد فراغات او حاجه بسيطه...والمعمل حلو وممتع اخذته مع استاذه خديجه بالعمش.. (نصيحه لازم تاخذي ايض مع انزيم وبالعكس مو صعب مع بعض انا ايض اخذته مع استاذه هناء قشلان قمه في الاحترام وشرحها روووعه واسالتها حلوة بس ما اعرف حتعطي لترم هذا او لا والمعمل تافه اخذته مع استاذه سمر صح انها ترفع الضغط بس اسالتها رووووعه) العربي انا راح اخذه هالترم ان شاء الله مع استاذه فوزيه صحباتي اخذو عندها الترم اللي فات وكلهم جابو a و a+ لانها تعطيكي المفيد وهيا اللي كانت تكتب اسالت الاختبارات انا راح اتوكل واخذ معاها... والاحياء 2 مو صعب كفايه انه اختياري انا اخذته مع سهيله قاري محاضراتها ممتعه وتخرجي وانتي فاهمه اول مره احب الاحياء في حياتي كان عندي عقده منه...:) اما الكيمياء اخذته مع صفاء الجمل مره ممتازة الحمدلله بس كان الترم اللي فات اخر سنه ليها اتقاعدت لكن المنهج كان تقريبا سهل بس يحتاج تركيز... امن وسلامه ماده سهلـــــــه صح اننا تعبنا في الاول لان ماده جديده ومو عارفين راسنا من رجولنا لكن عموما مره حلوة..والاسئله تمام... وبس هذا اللي اخذته.. وعلى فكره انا الترم اللي فات كنت منزله احياء2 وكيمياء2 وايض1 وانزيم وامن وسلامه والجدول كان تمام مو ضغط والحمدلله الاستاذات كلهم كانو رائعين...يلا عقبالك ان شاء الله ويارب يوفقك ويوفق الجميع..:)

وعليكم السلام ..
هلا أختي calbooza ..
بالنسبة لسوسن محاسني >> إن شاء الله بنأخذ معها ..
والايض مع الانزيم >> مع بعض الله يعين عليهم ..
بالنسبة لسهيلة قاري الكل يمدح فيها .. إن شاء الله وقت شعبتها يناسبني ..

حبيبتي calbooza ..

مشكورة على ردك .. جعل الله التوفيق حليفك .. أمين

[northstar]

الايض جدا ممتع
وخذي الانزيم لازم الاتنين مهمه
بالتوفيق

[مارية]

المشاركة الأصلية كتبت بواسطة بنت السكن خذي مادة اختيارية وراح تنفعك بالتخصص اللي هيا مصطلحات طبية مع الدكتورة امينة مدحت والله عسل bioc391 ونصيحة خذي الانزيمات معاها كمان

مرحبا اختي بنت السكن ..
أغلب المواد الاختيارية لها متطلب ..
وأنا باقي ما تدرست من التخصص إلا مادة وحدة هي (( كيمياء حيوي )) ..

طيب أختي خبريني عن مصطلحات طبية ..
هل هي ((صعبة ..سهلة ..مصطلحاتها تلخبط ..ألخ ))؟

وشكرا على ردك .. وموفقة ياعيوني ..

[مارية]

المشاركة الأصلية كتبت بواسطة r-kh د.سهيلة قاري ... تخرجي من المحاضرة وانت فاهمه كل كلمة ويوم الاختبار ماتتعبي في الحفظ لانك فاهمه المقرر بشكل عام ... بالتوفيق .. :)

شكرا .. تعبتك معي ..

[مارية]

المشاركة الأصلية كتبت بواسطة همسة حراير أنا اخذت احياء202 الترم اللي فات مع الدكتورة: عواطف كانت المادة مرة روعة وكمان وحدة من صحباتي اخذوا مع الدكتوره :سناء ترك

ايوا سناء ترك يمدحونها ..
عموماً مشكورة أختي على ردك ..

[مارية]

المشاركة الأصلية كتبت بواسطة لحن الرحيـــل انا الانزيم اخذته مع سوسن محاسني مررررررررره خطيره تعطيك المفيد واسئلتها حلوه حتى تجيب الاسئله في الاختبار بتسلسل المحاضرات يعني ما تلخبطي واكتبي معاها في المحاضره وباذن الله تضمني درجه حلوه في الماده كيمياء 202 اخذته مع صفاء الجمل يعني ماشي حالها عربي مع تيسير الشريف مرررررررره خطيره بس اهم شي الحظور مررره تدقق فيه والا المنهج والاسئله حلوه وبالتوفيق للجميع يارب

الكل يمدح سوسن محاسني.. بالنسبة عندي أهم شيء اسئلة الاختبار ..
وبعدين خسارة أنوا صفاء الجمل تقاعدت مــــرة عسل ..
الله يعوضنا خير ..

موفقة يا أخت لحن الرحيـــل ..