(تجمع) الطالبات اللي اتخصصوا لغه انجليزيه حياااااكم =)

[ريانــه]

مرحبا ..
لجميع الطالبات اللي اتخصصوو لغة انجليزيه ..
الف مبروووك .. القسم مرره حلو وممتع .وما يخوف ابدن. و الاستاذات طيبوبات ..
بس الهمه و المذاكره اول بأول .. ما يبيله لعب ..


انا سنه ثالث و اللي حابه تستفسر او عندها سؤال أنا جاهزه .. =)

[حنان الريم]

هلا ريانه الله يسعدك من زمان ادور احد انجلش عندي اسئله ياكثرها الله يعينك علي بس

كيف الاستاذات وانا نزلي القراه والكتابه والمحادثه والاستماع واللغه الفرنسيه تنصحيني مع مين اخذهم
وكيف اللغه الفرنسيه سهل صعب ولاشلون والاختبارات وشلونها

ادري صدعت راسك بس الله يجزاك خير

[ريانــه]

هلا حنان ..

بالعكس جدولكم مره حلو ..

الاستاذات مااقدر انصحك بأحد معين لان كل سنه استاذه تدرس ماده معينه مو ثابتات ..
لو نزلت لكم مواد ادب كان دليتك بس مواادكم مالها استاذات معينات ,,


بالنسبه لموداكم ..

القراءه : اول سنه مررره سهله .. وان شاءالله ماتدرسكم د - بهية قشقري مررره شديده .. ومايعجبها شئ ..

الكتابه : هذه المادة على حسب الاستاذة انا درستني أ- منى ماويه مررره عسوله مع البنات .. وطيبه .. مع ان اسئلتها في النهائي شوي صعوبه ..

المحادثه : كمان دي الماده حلوه و ممتعه .. والاستاذات اللي بيدرسونها جيدات ..

الفرنسي : سهل مبدئياً .. في استاذتين وحده فرنسيه اسمها شانتال بدوي ماتعرف عربي ابدن و وحده مغربيه .. انا درستني الفرنسيه و تعبنا كيف نتفاهم معاها .. ان شاءاالله تدرسكم المغربيه نسيت اسمها اظن حنان

[حنان الريم]

مشكوره ماقصرتي يالغلا

[ريانــه]

حياكي =)

[Mo0oNE]

مرحبا ريانه

ممكن آسآلك سؤال<<اجل ليش داخله هههه

ابغى اعرف لو رحت اول يوم وتكلمت مع المسؤلات هناك عشان يحولوني انجليزي ممكن يحولوني ولا راح يعقدو معايا

ولك مني الف شكر

وادعيلي احول

c.yaa

[عزة نفسي_تكفيني]

الله يعطيكـِ العافيه يالغلا على هذا التجمع والفائدهـ لقسمكـ

ان شاءالله يكوون تجمع مثمر بالفااائدهـ

تم وضع رابط الموضوع هنااا

http://www.skaau.com/vb/showthread.php?t=101915

بالتوفيق لكم

[::اللؤلؤة ::]

السلام عليكم جميعاً ..
هاي .. ترى أنا طالبة في كلية التربية , وسنة ثالثة ..~
بصراحة , حبيت استفسر عن الجداول الحالية , وهل بإمكاننا الاضافة والحذف , وأيضاً المواد السابقة المحذوفة , هل تدخل في حساب المعدل ...!!!
:::::::::::::::::::
يعني درسنا مواد في قمة الصعوبة ... سهرنا وتعبنا ,, وفي النهاية ., تنحذف ولا يعطى لها أي اهتمام !!!
::::::::::::::::::
بالنسبة للغة الفرنسي :) أنا درست مع المغربية , اسمها مينا ابراهيم ..

كويسة وطيبة , وأسألتها في قمة السهوووووووووولة ,,, والحمد لله الدرجات كلها كانت مرتفعة لأنها كانت بتعطينا مبادئ في اللغة الفرنسية .~

أ. بهية ., حدِّث ولا حرج عن أسئلتها التعجيزية التي ليس لها أول من آخر !!!!!

أ. منى ., شاطرة في الكلام , أسئلتها ليست معقدة ,, وفي نفس الوقت تحاول ان تشاركنا همومنا ,, وفي التقييم هي شديدة
حتى أفتكر انها خسفتني في مادتها الليسيننج !! :( مع اني كنت جايبة من 30 في الاختبار 27 !!!

ههههههههه ,,, مواد الأدب الانجليزي حدث ولا حرج عن دكاترة النثر والشعر والدراما (المسرحية ) ...!!!

^
^
^

أتمنى تستفيدو من هالمعلومات ..

تقبلو تحيات ::اللؤلؤة ::

[ريانــه]

المشاركة الأصلية كتبت بواسطة Mo0oNE مرحبا ريانه

المشاركة الأصلية كتبت بواسطة Mo0oNE ممكن آسآلك سؤال<<اجل ليش داخله هههه ابغى اعرف لو رحت اول يوم وتكلمت مع المسؤلات هناك عشان يحولوني انجليزي ممكن يحولوني ولا راح يعقدو معايا ولك مني الف شكر وادعيلي احول c.yaa

هلا حبيبتي =)

امممم الحين مااعرف اذا نظام التحويل تغير ..
قبل سنتين صديقتي كانت جغرافيا و طلبت تحويل اول ما بدأت الدراسه .. حولوها
بس بعد ما طلعوا روحها ... في البداية قالوا لها ماتقدرين تحولين وان القسم مليان و هاتي لك بديل ومن هالكلام المأخوذ خيره وكانت دايم تراجعهم الا يحولونها وقعدت على راسهم ماكملت اسبوع في الكليه الا وهي اتسجلت في قسم انجليزي ..
انتي اذا تأكدتي اذا في تحويل راجعيهم كل شوي واستحملي رزالتهم لان اخلاقهم هناك شوي شينه p:


موووفقه حبيبتي ..

[ريانــه]

عزة نفسي_تكفيني


يا هلا فيك اختي ..

مشكووره ما قصرتي

وان شاء الله الفائده تعم عالجميع ..