هل رحت للمسؤول ؟

[بوليمر®]

المشاركة الأصلية كتبت بواسطة igouana أنا أفضل انو التواصل يكون تدريجي ,,, يعني مانفع مع دا نروح لإلي أعلى منو مانفع مع إلي أعلى نروح لإلي بعدو وزي كدا .... بكدا نكسب احترام الأشــخاص وحتى لمن توصل شكوانا ((لأعلى الهرم))<< على قولتك >>> نكون سوينا إلي علينا ومانحس بتأنيب الضمير لو حصلت مشاكل أو شي للموظفين ... دا يــ ع ــتمد على نوعية الشخص المقصر,,, * في واحد يكون مقصر ولمن تنبهو يعتذر منك ويستسمح ويطيب خاطرك ,,, ودا النوع تستحي حتى تحط عينك في عينو,, * وفي واحد يكون مقصر وإذا نبهتو ,,, يقولك أنا فاهم شغلي حتجي إنتا تفهمني ومن دا الكلام ولا يكلمك من طرف خشمو (( أنفو)) ,,, ودا الصراحة لو بالإيد موبس نشتكيه للمسؤلين لو في شي اكتر حنكون راضين تقبل مروري,,, ودا مجرد رأي شــ خ ـــصي معرض للقبول ومعرض للانتقاد ,,, ودمت في ح ــفظ الرح ــمن

التدرج في تقديم الشكوى من افضل الامور حتى لا تكون مُلام من قبل البعض في انك تجاوزته .. يعطيك العافية ع المشاركة

[بوليمر®]

المشاركة الأصلية كتبت بواسطة never hide ايوا .... مره كان لنا حق عند مسؤؤل ما ووالدي ما كان متواجد و لا احد من اخواني ( بالأصح ماما هي اللي راحت للمسؤؤل و شرحت له الوضع بكل لباقة و احترام) و انا كنت معاها و كان انسان راقي و متفهم و اعطانا حقنا وزيادة كمان الانسان اللي عندو دم و ذوق ينحرج من الأسلوب المؤدب في المطالبة بالحق و بعدين بغض النظر سواء كان معاي حق او لأ ... ليش فيه ناس تعتقد ان المطالبة بالحق تقتضي بالضرورة عمل بلبلة و تشوية سمعة المكان اللي ما اخذت حقي منو و الله ... عمر الحقوق ما اتاخذت بالغلطة و العنف ( و لو كنت فظا غليظ القلب لانفضو من حولك ) تعلمت من الموقف انه : لا يضيع حق وراءه مطالب ان المحافظة على الاحترام بين الحق و صاحب الحق مطلب اخلاقي و اجتماعي و ديني في الاصل رغم اني ما احب اشتكي احد لكن من الضروري الابلاغ عن بعض القصور من باب انصر اخاك ظالما او مظلوما و طبعا لازم يكون التواصل بطريقة حضارية و لبقة حتى لا يلومك احد و يركبك الحق و تطلع انت الغلطان و شكرا الموضوع دا مره مهم

الحمدلله الدنيا لسى بخير ،، والطيبين موجودين في كل مكان وان شاء الله الدنيا ما تخلى منهم .. وزي ما اتفضلت اللي يكون على حق يقدر يتكلم بكل ادب ولباقة ويكون معاه كل الاثباتات وان شاء الله راح ياخذه حقه ومافي شي يجي بالعنف والصراخ ورفع الصوت.

شاكر لك مشاركاتك ومروك

[بوليمر®]

المشاركة الأصلية كتبت بواسطة da_joker هههههه مرة احد الزملاء يحكي عن موقف,,, يقول بسأل عن المدير ,,,راح السكرتير الخاص بمكتبه يقول له المدير بي اجتماع ,,وفي نفس اللحظة يحط يده على فمه ,,, يعني المدير بيفطر,,ههههههه حزنت عالمدير المتفاني في عمله بالنسبة لموقفك مع المستشفى الالماني وبقية المستشفيات الخاصة ’’اغلبية المراجعين يتبعو نفس الاسلوب القديم ليش احرج نفسي واكلم المدير واهين نفسي عشان شوية بيزات ودراهم؟؟؟!!! اهين قرشي ولا اتشحتهم فالمشكلة تكون في عقلية المجتمع في تربيته ,,,منذ ايام الابتدائية الى ان يموت بعد عمر مديد مجيد والسبب في التربية القمعية ,,,مثلا,,خلاص اصصص عيب يا ولد,,,عيب يا بنت ,,,ما يسير تتكلم كده فيه ادب وفيه حقوق وفيه خطوط حمراء والمشكلة اننا ما بنعلمهم الا الادب ومن دون ما يعرفو الحقوق ما كأنك سويت شي اتعلمنا حقوق الام والاب علينا ولكن لما اخذنا حقوقنا عليهم في الدرس مشينا عليها مشي الكرام وبسرعة بسرعة لو نروح الاحوال ونشوف الطلبات بتغيير الاسامي كمثال بسيط يحدد لنا المشكلة فخلاص الواحد والوحدة تكبر على قولة طيب,,شكرا,,جزاك الله خير,,,الله يوفقك,,,وينكتمو ولا يطالبو في اي تفسير مثلا ايام الاختبارات الشهرية الطالب ينقص علامات ودرجات طيب وبعدين الاستاذ يقول الدرجات ويخطئ لانه بشر فيظل الاستاذ رافض للمراجعة وتحت التهديد والوعيد ,,ترى لو الدرجة اقل راح اكتب لك درجتك الجديدة فكيف تبغى الواحد يعرف يفكر ويسأل مين ويشتكي مدام منذ صغره هو متربي على كلمة قول طيب وشكرا,,,؟؟!! صحيح كلامي ولا انا اهذي واغرد خارج السرب؟؟؟ انت مثلا تعتبر مسؤول في المنتدى ولو اخطأت يجب ان تعاقب والعقاب مهو شي شخصي لا لانه هناك قوانين فالقوانين يجب ان تطبق ومنها مبدأ العقاب عالكل اما انها المسألة مجرد مزاجية كما يحدث عندنا في كثير من الاماكن فلا تستغرب وجود من لا يكترث بالمواطنين بالرغم من وجوده في منطقة خدمية كالاحوال المدنية كمثال بسيط واذا اشتكيته زاد في غيه وغلب عليه التعند بالبلدي ما يبغى يشتغل ,,وروح فكني منك,,فتلاقيه يقولك جيب صورة من الهوية وصورة شمسية مقاس 6في 4 ويحاول يعجزك في طلباته مع انه وظيفته خدمة للشعب الشي التالت بعد ما ذكرنا التربية وغياب القوانين الواضحة للكل نتكلم عن الحل هل يعني اننا ما اتربينا على ثقافة نسأل ليش كده ونعترض؟؟!! لازم من حل والحل هو اتباع الوسائل السلمية في كل معاملة والبعد عن النرفزة والعصبية كل البعد لكن برضو لازم تظهر انك جدي في مطالبك مو تكون ضعيف ومهزوم الكلمة الحلوة الاسلوب الراقي المفردات البسيطة والبعد عن التكلف طبعا عندنا في بلدنا الحبيب تطلع تشكتي مين؟؟ نائب المدير بعد ما تدخل عليه وتستأذن من المدير مكتبه الخاص وقبل كا تدخل عالمكتب الخاص تمر على سكرتير المكتب الخاص فتبطل من نفسك وتروح تقول للموظف مرة تانية الله يرضى عليك لو تشوف الموضوع وترجع لمزاجية الموظيف لو سامحك مشى المعاملة ولو كان غاضب منك وحانق منك عاد تصبر صبرا جميلا الحل بسيط جدا لكننا ما نتبعه زي ما ذكر الاخ بوليمر راح اشتكي شركة التأمين و و و و هدا من حقوقك ترتيب الاولويات ومعرفة الحقوق اهم شي مو تروح تشتكي والتأمين حقك ما يغطي العمليات الجراحية او عمليات زرع وخلع الضروس والاسنان والخ الحل في ايدينا وهو ببساطة مكما ذكرنا في البداية من الكلمة الحلوة اضافة الى معرفة الحقوق موتطالب بشي مو من حقك اصلا ,,!!! الموضوع يحتاج في اخره زي الخلاصة وتجميع النقاط اللي نقدر نستفيد منها اما باقي الكلام فالشكر الجزيل لهم ولكل من شارك براي,,,والله اعلم انا اسف كلامي كثير فسامحوني,,,, نشووووووووفكم تاني

يا هلا دا جوكر
واضافتك ما يحتاج لها اي تعليق زيادة .. ما اقول غير الله يعطيك العافية .. اثرت الموضوع وذكرتنا بمسألة الحلول اللي المفروض نطلع منها وان شاء الله نستخلصها في نهاية النقاش

سعدت بتواجدك

[بوليمر®]

المشاركة الأصلية كتبت بواسطة مصعـب المنتسب السلام عليكم ورحمة الله وبركاته الاخ الكريم بارك الله فيك الذهاب للمسؤول ليس ان يكون العبور عن طريق السكرتير لمواجهة مكتب وكراسي على العكس تماما هناك شكاوي تستطيع كتابتها ومواجهة الاكبر والكبير الله واقرب مثال هنا بالمنتدى احاول اواجه المسؤول عن حذف توقيعي من صفحتي بالمنتدى ولا اجد جدوى مع ان توقيعي لايحمل الا عدم معاقبة اللص الكبير دعوه لولادة اللصوص فاين اتجه في هذا المنتدى الشامخ ومن حرمني من حق توقيعي المذيل بكل صفحاتي بارك الله فيك اخي الكريم

ونعم بالله ،، وبخصوص مسألة توقيعك ياليت تكون اتواصلت مع المسؤول بالشكل المناسب .. بمعني اصح :

هل بـ نختار القنوات الصحيحة للتواصل معاهم ؟

الشكاوي من النوع دا يا اخي الكريم تكون في قسم مخصص لها وهو الاقتراحات والشكاوي وتقدر توصل لحل يرضى الطرفين مع الادارة .. حيث ان التوقيع جعل لفائدة محددة والادارة ابخص بالامور هذي اكثر مني

تحيتي لك

[بوليمر®]

المشاركة الأصلية كتبت بواسطة ابو فراس المدني بسم الله الرحمن الرحيم أحييك اخوي بولي على هذا النقاش الحيوي وأسأل الله الشفاء لأمي وامك وجميع امهات ومرضى المسلمين سأقتبس نقاشك هذا بمثال الا وهو : ومن الأمور المهمة أن يعلم العبد أن الاستجابة للدعاء تكون على أنواع : فإما أن يستجيب له الله عز وجل فيحقق مرغوبه من الدعاء ، أو أن يدفع عنه به شرا ، أو أن ييسر له ما هو خير منه ، أو أن يدخره له عنده يوم القيامة حيث يكون العبد إليه أحوج . فهنا انت بذهابك للمسؤل أما ان إنصاع ورضخ لطلبكـ . أو انك نبشت لهم عيباً او نقصاً او تسيب اواو الى ماشاء الله عاد بالذات في الدوائر الحكوميه ماتخلص او او أو انك ربما بمظلتك هذه توقظ ضمير المسئول فيما بعد فيستفيد به أحدٌ من المسلمين . .. الخلاصه .. انك في جميع الأحوال منت خسران لكن أكثرنا يكتفي بالحسبنه والفلسفه والقيل والقال . أرجو الا اكون قد أطلت عليكم مجرد رأي لكم الأخذ به ولكم ردهـ . والسلام عليكم

حياك الله ابو فراس المدني ،، وجزاك الله خير ع الدعاء .. وبالفعل الامر لم يأخذ اكثر من عشرة دقائق من مواجة المسؤول فلم يكن متعب بتلك الدرجة
اضف إلى تعليقك انه ايضاً عند العودة للدكتور المعالج :

رجعت للمستشفى في الليل عشان كنت لسى باخذ نتيجة تحليل الدم وامر الدكتور عشان اشوفه .. المهم كلمني الدكتور وكان مبسوط وقالي ان المدير الطبي كلمه بخصوص العلاج و و و ... جلس الدكتور يقولي الله يجزاك بالخير انت اخذت حقك وحق ناس كثير ساكتين .. الصيدلية تقريبا فيها ادويه كثيرة ناقصة وناس كثير مضجرة من دا الشي والمستشفى ماهي سألة عن احد.

فالظاهر ان الصيدلية كان يوجد بها خلل ما إلى حد ان حتى الدكاترة كانوا متضجرين منها ومن سوء الخدمة المقدمة من قبلها

لكن أكثرنا يكتفي بالحسبنه والفلسفه والقيل والقال .

تواجهها في اغلب الاماكن ... لكن الله يصلح الاحوال

شاكر لك مرورك ابو فراس :)