كل اللي يشوف موضوعي يدخل بليييييييييز؟؟

["نآنآ"]

السلام عليكم ورحمة الله وبركاته
عندي استفسار واتمنى من الاخوة ان يجاوبوني عليه
انا سنه تحضيري انتظام
اقدر اسحب السنه هذه من الجامعه والسنه الجايه ارجع انتظام (يعني اعتذر ويكون السنه الجايه لي الاولويه اقدر والا لا ؟؟
واذا مافيه اقدر الحين بعد ما مر على الدراسه اسبوع اني احول انتساب ؟؟
وكيف الانتساب سهل والا صعب اقدر اجيب من خلاله المعدل الطلوب ؟؟
اتنمى انكم تجااوبوني مو تطنشووون؟؟؟
لاني انا حامل واشوف انه صعب علي الانتظام السنه هذه ولا الطامه ان ولادتي على اختبارات الترم الاول يعني مرررة صعب....
وكمان انا لوحدي في جدة يعني ولدي مااادري وين احطه فيه والله مرة محتااسه ..

[راسيه]

الله يقومك بالسلامه يآآربـ .. ويرزقك بالذريه الصالحه ..

وتفرحي بشوفة ولدك ^^ ..

.
.

والله يالغلا ماعندي خلفيه اذا تقدري تعتذري .. خاصه ان لسه دوبك مستجدهـ ..

يعني ماقد درستي ..

بس لو تروحي وتسئلي تاخدي الإجابه من العماده افضل واضمن لكي ..

سواء عن الإعتذار .. او التحويل للإنتسآب .. !!

وبالتوفيق يالغلا .. ~

["نآنآ"]

تسلمين لي اختي راسيه وعطيك العافيه وشكلي بروح لهم وأسالهم وامري لله

[Sweet Chocolate]

الله يعينك يارب ويقومك بالسلامه
معليش ماعندي اي خلفيه عن الموضوع
وزي ماقالت اختي راسيه الافضل انك تروحي تسئلي في العماده
والله يوفقك

[wan]

كل سنه و لها نسبة قبول معينه يعني السنه قفلو على نسبه ممكن السنه الجيه لو حظك حلو يقفلو على نسبه أقل .. فهمتي كيف ؟

و أعتقد لو سحبتي دحين و عدتي إختبار القدرات و التحصيلي و تشدي حيلك فيهم و ترجعي تقدمي السنه الجيه تكون في فرصه لكي ان شاءلله ( لو جبتي نسبه موزونه حلوه )

و الله يوفقك و يسهلك يقومك بالسلامه يارب

["نآنآ"]

يسلمووو حبايبي على تفاعلكم والله موشايلة الا هم البيبي وين احطة فيه
ابي اسألكم عن الحضانه كيف اقدر احط ولدي فيها وكم الرسوم الله يعطيكم العافيه

[اكابر]

المشاركة الأصلية كتبت بواسطة "نآنآ" السلام عليكم ورحمة الله وبركاته عندي استفسار واتمنى من الاخوة ان يجاوبوني عليه انا سنه تحضيري انتظام اقدر اسحب السنه هذه من الجامعه والسنه الجايه ارجع انتظام (يعني اعتذر ويكون السنه الجايه لي الاولويه اقدر والا لا ؟؟ واذا مافيه اقدر الحين بعد ما مر على الدراسه اسبوع اني احول انتساب ؟؟ وكيف الانتساب سهل والا صعب اقدر اجيب من خلاله المعدل الطلوب ؟؟ اتنمى انكم تجااوبوني مو تطنشووون؟؟؟ لاني انا حامل واشوف انه صعب علي الانتظام السنه هذه ولا الطامه ان ولادتي على اختبارات الترم الاول يعني مرررة صعب.... وكمان انا لوحدي في جدة يعني ولدي مااادري وين احطه فيه والله مرة محتااسه ..

ان شاء الله تقومي بسلامه

حبيبتي قدمي اعتذار عن الترم عشان لايروح مكانك في الانتظام

وتقدري تحولي انتساب وقت ماتبغى واسألي في العماده عن التحويل

بالنسبه الانتساب سهل ولا صعب
هوا اسهل من الانتظام بالنسبه للوقت3 اسابيع فقط ويساعدوك في المواد يعني مأتاخدي كل المنهج في بعض المواد...
والحضانه ماعندي فكره عنها

وانتي روحي العماده واسألي اكثر عشان تتأكدي
اهم شي
استخيري قبل اي شي وان شاء الله ربي يكتبلك اللي فيه الخير..

[تونا بونا]

الله يقومك بالسلامة واستخيري و خذي قرارك وانتي متوكله على الله

[أحمدو]

يا نآنآ نصيحتي لكي أحذفي ترم واحد بس وبالنسبة لموضوع الحضانة دورت لين عيوني زغللت عشانك وعشان البيبي شوفي اذا ما سميتيه أحمد راح أزعل منك واتفضلي هذا الموضوع عن الحضانة وهو منقول طبعا من موضوع ثاني ان شاء الله تستفيدي !!!!

للامهات الطالبات يوجد في شطر الطالبات حضانة تأوي إليه طفلك العزيز وإليك هذه المعلومات فقد تهمك:

تستقبل حضانة وروضة الجامعة الأطفال مع بداية السنة الدراسية .
• يبدأ الدوام اليومي من الساعة السابعة والنصف صباحاً وحتى الساعة الثانية والنصف ظهراً.
• تتوافق إجازات الروضة والإجازات الرسمية للجامعة.
• تقدم مرحلة الروضة والتمهيدي برامج تعليمية مدروسة من قبل متخصصات من قسم دراسات الطفولة .
•أفضلية القبول للحجز المسبق .

للاتصال : هاتف / 026400000
فاكس:63384 - الإدارة:63322 -التسجيل:63360 -السكرتارية:63321

[ابو رابح]

اعتقد يا اختي انتي يبغالك بس تخشي عمادة شؤون الطلاب وهم من يشوفونك عند الباب على طول بيسحبون لك ترم اذا كانوا يتفهمون الأوضاع او راح يحولونك انتساب ...

وان شاء الله تقومي بالسلامه ويتربى المولود في عزكم