تجمع طلاب وطالبات الـit الخاص بمادة الرسـم بالحاسب,,cpit 285 (حوار طوال الترم)

[mind glance]

تم تثبيت الموضوع وحذف الردود التي لا تحوي فائدة أكاديمية

وارجوا الالتزام بقوانين المنتدى واهمها:

يمنع منعا باتاً الخروج عن صلب الموضوع و جعله ساحة للمناقشات الجانبية ( chat ). وسيتم حذف الردود الخارجة عن صلب الموضوع .

وفي حال تكرار المخالفات سيتم إلغاء التثبيت

[tooowwwt]

Lelo
شكرا على السلايدات حأتصفحها اليوم في الليل ان شاء الله بس هادي من فين جبتيها<< هئ هئ اعطينا المصادر السريه
لا من جد أقصد هذه السلايدات بعد التعديل والحذف؟

[Lelo]

دي السلايدات مالعبت فيها ولا حذفت

اظن ناقصها صورة الكتاب ^_^

بس اتوقع انها حق الدكتور

لأنو اخذتها من ناس درسوا الماده مع نفس الدكتور

[tooowwwt]

اليوم ربنا عوضني على المشوارين إلي ضربتهم للجامعه على الفاضي
وأعطاني نووووومة العااافيه إلي سحبت فيها على المحاضره
يا ريت أحد يقولي إذا فاتني شيء مهم ولا لأ

[Lelo]

الاحد : 29 شوال 1430

اليوم اعطانا جزء من شبتر 2 وقفنا عند الشريحه رقم 12

اخذنا أسماء الـ methods الي نستخدمها في الرسم

برضو فكرة عامه وراح نرجع ناخذها بالتفصيل كما يقول الدكتور حسنين



وكلمنا للدكتور على الجندي الي يراقب علينا

[.: نبراس :.]

السلام عليكم و رحمة الله و بركاته

ممكن أحد يفيدني من قسم الأولاد أو حتى من الدفعات الي قبلنا

يا جماعه أنا اليوم اشتريت كتاب الماده دي و لقيت شكله يخوف من جوا

سؤالي هو تعرفوا اذا كان الكتاب يستخدم في المعمل اونلي

ولا الدكتور يحب يجيب من بين السطور و يبغ طلابه يقرأو بين الأكواد

اصلا كيف طبيعة الأسئله في الاختبارات

فتحت الكتاب كم مره مو شايفه غير اكواد ,, معقول نكتب اكواد في الاختبار !؟

ياريت تسألوا الدكتور او تفيدونا يامن سبقتمونا

و لكم خالص شكري و تقديري

[Lelo]

اخ بس يا نبراس

اولا انا محتارة انتي مين خخخخ

ثانيا : الكتاب لسى ما شفتو ,, في ناس عملوا فيا مقلب اليوم ههههههههه

كنت حتعرف على الكتاب اليوم بس ربنا ما كتبلنا اللقاء

ثالثا : اكيد الطلاب بيكونوا طيبين وابدا مو شريرين وبيسألولنا الدكتور

لأنهم بيستفيدوا قبلنا طبعا بالدرجه الاولى << عاجبني الرمز مررررة

,,,,

في بنوته قالت انه الاكواد تجي زغنووووووووونه مرة

أسأليني بكرا في القاعه وانا بقلك بالتفصيل كيف كان يجيب الاختبارات

<< شريرة تبغى تعرف مين نبراس

[طالبة تقنية]

المشاركة الأصلية كتبت بواسطة Lelo اخ بس يا نبراس اولا انا محتارة انتي مين خخخخ ثانيا : الكتاب لسى ما شفتو ,, في ناس عملوا فيا مقلب اليوم ههههههههه كنت حتعرف على الكتاب اليوم بس ربنا ما كتبلنا اللقاء ثالثا : اكيد الطلاب بيكونوا طيبين وابدا مو شريرين وبيسألولنا الدكتور لأنهم بيستفيدوا قبلنا طبعا بالدرجه الاولى << عاجبني الرمز مررررة ,,,, في بنوته قالت انه الاكواد تجي زغنووووووووونه مرة أسأليني بكرا في القاعه وانا بقلك بالتفصيل كيف كان يجيب الاختبارات << شريرة تبغى تعرف مين نبراس

أهلا كيفكم أخواتي
لا تشيلوا هم اختبارات دكتور حسنين
هي سهلة هو يجيب من Key terms
و Classes &methods
في اخر كل شابتر
ويجيب كود صغير
أتمنى لكن التوفيق

[Lelo]

اهلا فيكي اختي طالبة تقنيه

جزاك ربي خير على الافادة ووفقك في الدنيا والاخرة

,,,,,,,,,,

عندنا استفسار بسيط

ايش اسم استاذ الطلاب الي ماسك معمل القرافيك ,,

وايش كان محتوى اللاب الثاني وايش الواجب

ننتظر الاجابة , وشكرا

[tooowwwt]

اليوم كمان فاتتني المحاضره !!..بليييز ايش أخذتم أشياء مهمه؟

انا حضرت أول لاب وإلي درسنا واحد اسمه عاصف<<<مو أول اسم غريب في الكلية عندنا كمان محبوب,,عنصر,,خورشيد

بالنسبة لللاب التاني أمس للأسف كنت غايب,,بس يقولوا انهم طبقوا على أكواد كيف يعملوا أشكال,,