بخصوووص الاحصاااء .. << بلييييز

[ملاك الذوق]

ســــلآلآلآم
كيفكم بنـــــات ..؟؟
يديكم العافيهـ ..
بلييييييز ساعدووني ..
عندي مشكله مع الاحصاء وخايفه منه مررره ومابقى شي عن الاختبارات
عندي اسئله وابيكم تساعدووني وتفهموني ..
::
في صفحة 41 التوزيع التكراري تبع البيانات الكميه المتصله
مكتوووب " عدد الفئات _ وطوول الفئه "
كييييييييييييف ..؟
________________
ايش يعني " بيانات مبوووبه _ وغيير مبووبه " ؟؟
* مافهمت " حساب الوسط الحسابي في حالة البيانات المبوبه " ..؟
* ابغى اعررف وش حكاية " الوووسيط " احسهـ سهل .. بس انا ماحضرت المحاظرهـ ..
*المنواال مرره سهل بس في حاجه مافهمتها صفحه 82 المنواال في حاله البيانات كميه متصله ...؟
* واخيييرا الانحراف المعياااري ..
ادرري اني كثررت اسئلهـ بس قسسم مالي غيركم تساعدوووني ..
فديتكم ..
.. ملاك الذووووق

[MNMO0ONA]

اووكي عندك طول الفئات وعدد الفئات لها قانون
عدد الفئات = K=1+3.3 logn
حيث: K رمز عدد الفئات
log: لوغرتم وتلاقي الرمز دا في الاله
n: حجم العينه
بس في الاله لما تجي تبغي تحسبيها اول شي حتقولي
log n *3.3+1
*= ضرب
طول الفئات: h=R/k
/= قسمه
R= المدى
k=عدد الفئات

البيانات المبوبه والغير مبوبه
البيانات المبوبه هي البيانات اللي الخصها في جدول تكراري اما الغير مبوبه هي البيانات اللي ماتكون في جداول تكراريه
ونحنا بس معانا الغير مبوبه
الوسط الحسابي: تجمعي البيانات كلها وتقسميها على عددها
مثال:
1 4 5 3 2
الوسط الحسابي = مجموع القيم على عددها
1+4+5+3+2 =15
وبعدين تقسمي ال15 على 5
من فين جبنا الخمسه لانو عندك خمسه بيانات

الوسيط: رمزو m
اول شي عشان توجدي الوسيط ترتبي البيانات تصاعديا او تنازليا بعدين توجدي موقع الوسيط بعدين نوجد قيمه الوسيط
بعدين في عندك حالتين عشان تحددي فيها موقع الوسيط
ازا كانت ال n فردي القانو اللي راح نستخدمو n+1 قسمه 2
مثال : عندك بيانات
3 1 2 5 4
قلك اوجدي الوسيط
اول خطوه راح نعملها زي ماقلتلك في البدايه نرتب البيانات من الاكبر الى الاصغر او من الاصغر للاكبر براحنك
الترتيب راح يكون:
1 2 3 4 5
تاني خطوه نشوف ال n هيا عدد البيانات
n=5
ال 5 فردي
ازا دحين نحدد موقع الوسيط باستخدام القانون n+1 قسمه 2
5+1=4 قسمه 2 = 3
ازا طلعلنا موقع الوسيط القيمه الثالثه
تشوفي البيانات ايش هيا القيمه الثالثه تعدي من
1 هيا القيمه الاولى
2 هيا القيمه التانيه
3 هيا القيمه الثالثه
ازا m=3

تيب نجي ازا كانت ال n زوجي
الوسيط يقع بين قيمتين
وحنستخدم قانوين
n قسمه 2 و n قسمه 2 +1
عندك البيانات
2 1 7 5 10 9
اول خطوة راح نرتب البيانات
1 2 5 7 9 10
تاني خطوه نجيب الn وهيا عدد البيانات
عندنا ال n =6
تالت خطوه راح نشوف ال n زوجي ولا فردي
طبعا بما انو طلعلنا 6 فهي زوجي
فراح نستخدم القانونين
6 قسمه 2 = 3 و 6 قسمه 2 = 3 +1 = 4
اذا الوسيط يقع بين القيمه الثالثه والرابعه
عندنا
1 هيا القيمه الاولى
2 هيا القيمه التانيه
5 هيا القيمه الثالثه
7 هيا القيمه الرابعه
ازا الوسيط يقع بين الخمسه والسبعه
فراح نجمع الخمسه + السبعه ونقسمهم على 2
والناتج حيكون 6
المنوال المثال دا مو معانا
اخر مثال في المنوال مثال رقم 22
الانحراف المعياري لسا ماخدناه

[طـحـتـ بهــوآآآهـ...ياهلي]

ماشاء الله وتبارك الله يامنمونه
جزاااااااااااكي الله خير
بس سؤال انتي كنتي علمي ولا ادبي ؟

[ملاك الذوق]

mnmo0ona

تسلمين حبيبتي يعطيكـ الف عافيهـ .. استفدت من شرررحكـ كثييير ..ربي يسعدكـ ويوووفقكـ وتجيبي معدل عالي وتدخلي التخصص اللي تتمنيهـ ..

ماقصرتي ..

[MNMO0ONA]

المشاركة الأصلية كتبت بواسطة طـحـتـ بهــوآآآهـ...ياهلي ماشاء الله وتبارك الله يامنمونه جزاااااااااااكي الله خير بس سؤال انتي كنتي علمي ولا ادبي ؟

لا علمي