من يوافقني الرأي ؟

[WHAT]

السلام علكيم
انا اخترت تنظيم وتطوير ادراي ,جدولي 18 ساعة والمواد هي :.
1- مبادئ محاسبة 101
2- الادارة العامة 101
3- مبادئ التحليل الجزئي
4-مبادئ القانون
5- مبادئ العلوم السياسية
6- تحرير كتابي " اللغة العربية 201"
بدأت في التحليل الجزئي ومبادئ الادارة وان شاء الله خلال الاسبوع القادم اخلص منها , وبعده راح ابدأ بمبادئ المحاسبة ومبادئ القانون وان شاء الله ما يجي تاريخ 15-12-1430 هـ الا وانا مخلص مهما . ويبقى عندي مبادئ العلوم السياسية فقط يعني 10ايام واخلص منها .
لكن ايش رأيكم في موضوع حذف " اللغة العربية 201 " ؟
لاني وبصراحة المواد دسمه شويه وانا خايف ينزل معدلي , فقلت اكتفي بـ 15 ساعة هذا الفصل وان شاء الله الفصل الصيفي نعوض فيه النقص من الساعات .
منتظر الرأي من الجميع .

[خواطر مظلومة]

انا جدولي نفس جدولك ناقص العربي
يعني نزل لي 15 ساعه فقط واشوفهم كثير ولاتنسى انهم 3 ساعات تأثر علي المعدل والعربي ينخاف منه
بس المشكله ان الصيفي لاازم الطالب يكون درس 50 ساعه ولاا تتوقع غيرو النظام
وللأسف حنا الطالبات لايوجد لدينا صيفي !!

[جامعية كوول]

نفس جدولي ورأيي لاتحذف شي ونشد والله يسهلها
وتتوقعو برضو مايفتحولنا صيفي؟؟؟؟؟

[WHAT]

المشاركة الأصلية كتبت بواسطة خواطر مظلومة انا جدولي نفس جدولك ناقص العربي يعني نزل لي 15 ساعه فقط واشوفهم كثير ولاتنسى انهم 3 ساعات تأثر علي المعدل والعربي ينخاف منه بس المشكله ان الصيفي لاازم الطالب يكون درس 50 ساعه ولاا تتوقع غيرو النظام وللأسف حنا الطالبات لايوجد لدينا صيفي !!

السلام عليكم
انا نازل لي 18 ساعة يا اختي الفاضلة , بس جالس افكر احذف اللغة العربية .
وفعلا كلامك صحيح 3 ساعات تلعب في المعدل , وان شاء الله بعد الفصل الثاني نكون عدينا 50 ساعة وزيادة وناخذ الفصل الصيفي بالراحة .

[خواطر مظلومة]

صح كلاامك أخوي انا حسبتها أن عدد الساعات في هذا السمستر إن شاءالله راح تكون فوق ال50 ساعه
بس اهم شي ياأخوي أستخير
والله اتمنى انهم يفتحون صيفي لطالبات عشان يمدينا نتخرج بسرعه
والله يوفقك ياأخوي

[شانزليزيه]

شوفو ياجماعه الخير الي انا بسويه

انا الحمدلله معدلي طيب اخذت هالترم مبادئ محاسبه وقانون واداره وعربي وثقافه

وحذفت العلوم السياسيه والاقتصاد

هو راح يزيد عليك ترم راح يزيد مافيها كلام ويمكن يزيد عليك ترم بمادتين بس

فطالما اانه راح يزيد ترم وراح ادفع عليه فلوس خليني كل فصل احذف ماده ماتكون صعبه كثير وادرسها كلها بالفصل الي بيزيد ((بشرط عدم وجود المتطلب)) مثل العلوم السياسيه

بعدين انا اشوف الجمع بين مادتيين علميتيين بالنسبه لي انا صعب ,, وفي الترم الخامس مافيه ماده علميه ,, تقدر تاخذ الاقتصاد الجزئي الي بالترم الثالث بالترم الخامس وتكتفي بمبادئ المحاسبه بالترم الثالث

وبالتوفيق

اش رايكم بتفكيري الخنفشاري؟

[امل يعقوب]

^

بصرآحه خنفشآري خنفشآري ~

حلووه الفكره ~

يعني حتى الواحد يقدر يشد حيله ويركز ~

بالتوفيق للجميع

[WHAT]

المشاركة الأصلية كتبت بواسطة جامعية كوول نفس جدولي ورأيي لاتحذف شي ونشد والله يسهلها وتتوقعو برضو مايفتحولنا صيفي؟؟؟؟؟

شكرا اختي بس مازلت انتظر المزيد من الاراء .

[WHAT]

المشاركة الأصلية كتبت بواسطة شانزليزيه شوفو ياجماعه الخير الي انا بسويه انا الحمدلله معدلي طيب اخذت هالترم مبادئ محاسبه وقانون واداره وعربي وثقافه وحذفت العلوم السياسيه والاقتصاد هو راح يزيد عليك ترم راح يزيد مافيها كلام ويمكن يزيد عليك ترم بمادتين بس فطالما اانه راح يزيد ترم وراح ادفع عليه فلوس خليني كل فصل احذف ماده ماتكون صعبه كثير وادرسها كلها بالفصل الي بيزيد ((بشرط عدم وجود المتطلب)) مثل العلوم السياسيه بعدين انا اشوف الجمع بين مادتيين علميتيين بالنسبه لي انا صعب ,, وفي الترم الخامس مافيه ماده علميه ,, تقدر تاخذ الاقتصاد الجزئي الي بالترم الثالث بالترم الخامس وتكتفي بمبادئ المحاسبه بالترم الثالث وبالتوفيق اش رايكم بتفكيري الخنفشاري؟

هذه وجهة نظر احترمها

[من الربع الخالي]

اتمنى للجميع التوفيق ان شاء الله
وبالنسبة لاستفسارك فوجهة نظري (المتواضعة) لو تستبدل مادة التحرير الكتابي بمادة الثقافة الاسلامية علشان تخفف من ضغط الجدول شوي
وبالنسبة للمواد اللي ذاكرتها كيف تشوفها صعبه ؟؟؟ فيها حشو فاضي؟؟؟؟ ننتظر ردك يالذيب..