تجمع طلاب وطالبات الـit الخاص بمادة تحليل نظم,,cpit 250 (حوار طوال الترم)

[.: نبراس :.]

السلام عليكم و رحمة الله و بركاته

اول شئ شكرا يا اميرة الورد على كل المعلومات الي بتقوليها لنا

اليوم اخدنا الرسمتين الي قلتي عليها

توليب و فيمتو ,,, سلامات ^^

المحاضرة مرره كانت خفيفه و حلوه

ضاع جزء كبير منها و الدكتور يرسم لنا رسمه موجوده في الكتاب عشان يشرح عليها

لو قرأتوا السلايدات حتفهموا المحاضره ,, شرح لنا من سلايد 12 الى 23

بالاضافه للرسمه الي رسمها

نصيحه للأخ فيمتو ,, اسأل اصاحبك عن كلام الدكتور في المحاضره

لانه تقريبا قال اشياء مهمه عشان تعرف اي نوع تستخدمه في التحليل

و بس

الجديد عن الكتاب ,, مو موجود في مكتبة الشقري ولا في جرير

بس زميلنا في قسم الاولاد اشترى نسخه مصوره من مكتبه الهدى جنب الجامعه بـ 60 ريال

اي سؤال نبراس في خدمتكم ^^

موفقين

[Sultan241]

السلام عليكم ...
ايش صاار اليوم ماقدرت اداوم ...

[Lelo]

وعليكم السلام والرحمة والاكرام

المحاضرة خفيفة جدا وممكن تفهمها لو بمجرد القراءه من السلايدات

في خطأ في السلايد رقم 35 كلمة unable.. صححها لتصبح able

المحاضرة انتهت 12 الا 10د , يعني واضح قد ايش خفيفه

اتمنى اكون اجبت الجواب الكافي او المناسب

[.: نبراس :.]

المشاركة الأصلية كتبت بواسطة Lelo وعليكم السلام والرحمة والاكرام المحاضرة خفيفة جدا وممكن تفهمها لو بمجرد القراءه من السلايدات في خطأ في السلايد رقم 35 كلمة unable.. صححها لتصبح able المحاضرة انتهت 12 الا 10د , يعني واضح قد ايش خفيفه اتمنى اكون اجبت الجواب الكافي او المناسب

بالفعل المحاضرة مره كانت خفيفه تلاته ارباعها اتكلم عن الدرس القديم و راجعه معانا و الربع الاخير درس جديد

و أضيف أهم النقاط إلي ركز عليها الدكتور في محاضرته

بالنسبة للـ phased development

ذكر لنا في المحاضرة الماضيه انها تتكون من versions و ليس subproject < لا تتلخبط

و قال أنو أغلب الخدمات الي يحتاجها مستخدم النظام تكون في >> version 1 <<

و مشكلته هي انو المستخدم حيشتغل وقتها على نسخه ناقصه و غير كامله

( غير كامله عشان التطورات حتكون في الversions التانيه )

شرح لنا الـ prototyping و قال طريقة عمله هي ان المستخدم ياخد جزء من النظام يشتغل عليه و يرجعه تاني للمحلل و يقول ملاحظاته عن النظام عشان يعدلوا اخطائه

شبهها بنسخ الBeta الي نجربها من البرامج لاننا نجرب النسخه بمحاسنها و عيوبها بعدين ترجع تنزل بشكل رسمي بعد ما عدلوا الاخطاء

ميزة هادا النوع انو النسخه الي يشتغل عليها المستخدم ليست نسخه ناقصه زي ما قلنا في phase

و مشكلته هي انو المحلل يستعجل في التصميم عشان يطلع نسخه يتم تجربتها ,, و يكون تفكيره محدود و ما يفكر في التطورات الي ممكن يضيفها على النظام

اخر شئ شرحه هو throwaway prototyping

طريقته هي ان التعديل على النظام يكون اثناء تجربة النظام و اثناء فترة العمل عليه

( يعني ليست مثل الطريقة السابقه كنا نترك النظام مع المستخدم يجرب فيه على كيفه و يرجعه لنا بعدين مع الملاحظات ,, هنا نقعد على راسه و نشوف المشاكل الي واجهته و نصلحها في نفس الوقت )

لو تلاحظ في رسمة هذا النوع ان الـdesign ما صمم بطريقه رسميه غير بعد ما انتهينا من تجربة النظام بمراحله التلاته analysis, design, implementation

لاحظ الفرق في الرسمتين ,رسمة الطريقه الاولى(prototype)وهذه الطريقه(throwaway)

في فرق بين >> system prototype<< و >> design prototype<<

في الطريقه الاولى بعد ما نخلص تعديلات يطلع لنا نظام system ننشره بشكل رسمي لكن الطريقه التانيه بعد التعديلات نكون لسه لازم نعمل design رسمي للنظام و بعدين ننشره
<< الجمله مو واضحه صح >_<"

ميزة النوع الاخير دا انه مو كل مره نعمل تعديلات على النظام فيكون الي طلع معانا نظام ثابت ما يحتاج نعدل عليه بعد نشره

و مشكلته انه ياخد وقت اثناء تجربته و التعديل عليه

و بس انتهت المحاضره ,,, اعرف اشرح ولا لا

ان شاء الله نكون افدناك

دعواتك يا أخونا 241

الاختبارات بدأت خلاص

[tooowwwt]

نبراس<<لآخر رديين
جزاك الله خير, الله يوفقك في اختباراتك ويسهل عليك الأسئلة ,,والله انت 100% في تلخيص المحاضره

سلطان إذا كنت حضرت المحاضرة إلي فاتت معناته مافاتك كتييير,,أهم شيء لا تنسى تعطيني رقمك المحاضره القادمة عشان إذا غاب الدكتور يوصلك مسج,,,
الله يوفقنا أجمعييين ويعدي 260 على خيييير

[.: نبراس :.]

المشاركة الأصلية كتبت بواسطة tooowwwt نبراس<<لآخر رديين جزاك الله خير, الله يوفقك في اختباراتك ويسهل عليك الأسئلة ,,والله انت 100% في تلخيص المحاضره سلطان إذا كنت حضرت المحاضرة إلي فاتت معناته مافاتك كتييير,,أهم شيء لا تنسى تعطيني رقمك المحاضره القادمة عشان إذا غاب الدكتور يوصلك مسج,,, الله يوفقنا أجمعييين ويعدي 260 على خيييير

آمين يارب ,, أجمعين

لو سمحت يا أخ فيمتو أو أي أحد تاني يدرس جرافيكس مع دكتور الحسنين

ممكن تجاوبوا على سؤال ليلو

ايش أخدتوا في المعمل و مين يدرسكم هو ؟؟

هل بيعطيكم واجبات زينا ؟؟

نحن عندنا اختبار في المعمل الجاي يوم الثلاثاء .. ياترى انتو كمان قالكم عندكم اختبار ولا بس نحن

و شكرا مقدما ^_^

[.: نبراس :.]

السلام عليكم و رحمة الله و بركاته

يارب كل الطلبه و الطالبات تكون امورهم ماشيه تمام

المهم اليوم الدكتور اعطاني السلايدات الي يشرح منها

تلاقوها في المرفقات

موفقين (^_^)

[Lelo]

الله يعطيكي العافيه يا اروع نبراس بالوجود

[Sultan241]

المشاركة الأصلية كتبت بواسطة .: نبراس :. بالفعل المحاضرة مره كانت خفيفه تلاته ارباعها اتكلم عن الدرس القديم و راجعه معانا و الربع الاخير درس جديد و أضيف أهم النقاط إلي ركز عليها الدكتور في محاضرته بالنسبة للـ phased development ذكر لنا في المحاضرة الماضيه انها تتكون من versions و ليس subproject < لا تتلخبط و قال أنو أغلب الخدمات الي يحتاجها مستخدم النظام تكون في >> version 1 << و مشكلته هي انو المستخدم حيشتغل وقتها على نسخه ناقصه و غير كامله ( غير كامله عشان التطورات حتكون في الversions التانيه ) شرح لنا الـ prototyping و قال طريقة عمله هي ان المستخدم ياخد جزء من النظام يشتغل عليه و يرجعه تاني للمحلل و يقول ملاحظاته عن النظام عشان يعدلوا اخطائه شبهها بنسخ الbeta الي نجربها من البرامج لاننا نجرب النسخه بمحاسنها و عيوبها بعدين ترجع تنزل بشكل رسمي بعد ما عدلوا الاخطاء ميزة هادا النوع انو النسخه الي يشتغل عليها المستخدم ليست نسخه ناقصه زي ما قلنا في phase و مشكلته هي انو المحلل يستعجل في التصميم عشان يطلع نسخه يتم تجربتها ,, و يكون تفكيره محدود و ما يفكر في التطورات الي ممكن يضيفها على النظام اخر شئ شرحه هو throwaway prototyping طريقته هي ان التعديل على النظام يكون اثناء تجربة النظام و اثناء فترة العمل عليه ( يعني ليست مثل الطريقة السابقه كنا نترك النظام مع المستخدم يجرب فيه على كيفه و يرجعه لنا بعدين مع الملاحظات ,, هنا نقعد على راسه و نشوف المشاكل الي واجهته و نصلحها في نفس الوقت ) لو تلاحظ في رسمة هذا النوع ان الـdesign ما صمم بطريقه رسميه غير بعد ما انتهينا من تجربة النظام بمراحله التلاته analysis, design, implementation لاحظ الفرق في الرسمتين ,رسمة الطريقه الاولى(prototype)وهذه الطريقه(throwaway) في فرق بين >> system prototype<< و >> design prototype<< في الطريقه الاولى بعد ما نخلص تعديلات يطلع لنا نظام system ننشره بشكل رسمي لكن الطريقه التانيه بعد التعديلات نكون لسه لازم نعمل design رسمي للنظام و بعدين ننشره << الجمله مو واضحه صح >_<" ميزة النوع الاخير دا انه مو كل مره نعمل تعديلات على النظام فيكون الي طلع معانا نظام ثابت ما يحتاج نعدل عليه بعد نشره و مشكلته انه ياخد وقت اثناء تجربته و التعديل عليه و بس انتهت المحاضره ,,, اعرف اشرح ولا لا ان شاء الله نكون افدناك دعواتك يا أخونا 241 الاختبارات بدأت خلاص

شكراً كفيتو ووفيتو عساني ماانحرم منكم

هتان رقمي يجي لك على الخاص

[tooowwwt]

نبراس شكرا لك جزااااك الله خييييير
(: