طريقة الاخلاء المفجعة !!

[osa_1]

المشاركة الأصلية كتبت بواسطة mr.7maid ثقافة الطوارئ رايحها فيها عندنا .. بــس أهم شي .. سلامتكم (f)

الله يسلمك إن شاء الله

وثقافة الطوارئ شكلو غير معتمد عليها في جامعتنا

نفسي نفسي دي ثقافتنا في الكارثة

[osa_1]

المشاركة الأصلية كتبت بواسطة جنا السهلي الحمد لله على سلامتك واهم شي خرجت من الجامعة و انت بخير

الله يسلمك وشاكرة مرورك

[حابه # اتخصص]

المشاركة الأصلية كتبت بواسطة اه من الجامعه انا ابغى افهم لو جا سيل واحنـآ برى وشالنآآ ومتنـآآ ’ ليش مايخلونـآ بالمباني الا يطلعوونـآ فوق السطح احسن من انوو نطلع برى ,’ يعني زي يوم الثلاثاء والاخلاء اللي سوووه من جد كان فضييييع,’ الله يستترر بس,’وهاذي ايام اختبارات دوريهـ,’ وقلق ,’اه بس ~

معليش أختي بس انا مو معاكي
بالعكس احسن شي سووه انهم خرجونا لانهم اخلوا قبل حتى ما ينزل المطر و إذا الوحدة بيتها مررة بعيد قولي ساعة ساعتين يمديها توصل قبل ما يجي السيل على قولك لانوا السيل ما راح يجي في ساعتين
كمان طلعونا فوق وبعدين الين متى نقعد زي ما شفتي ما نزل المطر الا في الليل ومو معقولة نبات في الجامعة كمان

[بنت الخليج..]

المشاركة الأصلية كتبت بواسطة حابه # اتخصص معليش أختي بس انا مو معاكي بالعكس احسن شي سووه انهم خرجونا لانهم اخلوا قبل حتى ما ينزل المطر و إذا الوحدة بيتها مررة بعيد قولي ساعة ساعتين يمديها توصل قبل ما يجي السيل على قولك لانوا السيل ما راح يجي في ساعتين كمان طلعونا فوق وبعدين الين متى نقعد زي ما شفتي ما نزل المطر الا في الليل ومو معقولة نبات في الجامعة كمان

كلامكـ صائب أختي..
صحيح لو حبسونا بالمباني وجا السيل متى راح يطلعونا وبعدين المباني تشيل مين وتخلي مين والسيل مو ساعة ساعتين وبعدين يروح (يقعد مدة)..
بعدين اسمحولي في بنات فيهم نوع من السداهه والبلاهه الأمن تقول لها يلا ياطالبة على البوابات (مو الشارع) انتبهوا وهاذي منبلطه بالأرض قدام المبنى التاسع ويعني شايفه الدنيا غيوم..
يعني فيهم نوع من اللامبالاه..

[مـلآكــ]

الله يعين ويستر و يساعدكم .

[منكوشة رجه]

اللي صار معايا

كنا انا و صحباتي عاادي جالسين في الكلاس شويه و راح يجينا النوم من الملل و الطفش << لانو الماده نظري


الا و شويه وحده بنت قدامنا تقول الجامعه فيهاا اخلاء و راح تقفل الساعه 2

الا احنا بفيس : هااا ايش قولتي

و الدكتوره داخله جو في المحاضره

و احنا مو عارفين ايش نسوي

الا و دخلت وحده بنت تقول : دكتوره ابغا اختي عشان عاملين اخلاء برا
الا و كل البنتات قاموا و طلعووو
و احنا جررري من 420 الين غ2
و انا طالعه الا زحمة البنات و اللي معصبه و اللي تبكي <<< هنا عاد اشتغل الرعب عندي

و بس ما تكونوا طفشتووا

من كلامي الكثير


الحمد لله على سلامتكم و الله يستر من الجاي

[nada gx]

الحَمدلله عَلى سَلآمتِك
وان شَآء الله مُعوضين فِي الامتِحَآن :)

بِ النِسبَة لِ خُطة الإخلآء
يَعني المَطَرَة مَآنَزلت وِ اللي سَيآرتهآ بَرى أشُوف انه مِن جِد المَفرُوض تِنزل
بَس زَي مَآقَآلَت الأخت "بِنت الخَليج" البَنآت عِندهم لآآ مُبآلآآة وِبقووه
وِ بِصرآحَة حَتى الاستَآذآت
يَعني واحنا مَآشين وَقآعدة أقول لِ البنآت الوزآرة عملوا خلآء فِي المَدآرِس
جَآت استآذة نَزلت مِن مَكتبهآ وِتقولي إيوآ جآنآ بَلآغ مِن أول
طِيب لييييييه مآيهرجووا ..
فِي النِهآيَة الاستآذة خَرجتنآ عَلى طُول مِن القَلَق
وِ البنآت الله يهديهم قَآموآ نَزلوآ فِي الشَآرِع
أحس المَفروض يِقعدوآ جُوآ الين تِضمن ان سَيآرتهآ بَرى
أمآ كِدآ العآلم بَرآ .. وَالله لَو جَآ شَي رآآحوآ فِيييهآ

بَس الحَمدلله رَبِي سَتر
وان شَآء الله رَبي يحميينآآ

[ohoud-D]

انا ما قهرني الا هذا الكذب عيني عينك


وأوضح المشرف العام على إدارة الأمن والسلامة في جامعة الملك عبدالعزيز الدكتور عبدالقادر تنكل أن الإجراء الذي اتخذته الجامعة ليس إخلاء وإنما هو إجراء احترازي بناء على توصية من الرئاسة العامة للأرصاد بوجود أمطار غزيرة، مشيراً إلى أنهم اخبروا الطلاب بذلك مبكراً، ليتسنى لنا اتخاذ أي إجراء بشكل مبكر والسيطرة على جميع الحالات.


http://ksa.daralhayat.com/ksaarticle/89549

[جنون انسانة]

^
^
كذب عيني عينك
اهم شي الحمدلله على سلامتكم

[osa_1]

مشكورين كل اللي مريتو على الموضوع

والحمدلله على سلامة الطالبات

وخليهم يكذبو لازم يحسنو الصورة