كيف اعرف المباني والقاعات تبع الاختبار النهائي

[*صبا*]

سلالالالالام

الله يسعدكم كيف اطلع المباني والغرف
وشكرا

[nova09]

وعليكم السلام

تعرفيها من نفس كلية المادة ، يعني العربي من كلية الأداب أو مبنى 8 ومواد الاقتصاد والادارة من مبنى الاقتصاد والادارة 2

[امونة المزيونة]

تلاقيها معلقة ع لوحة الاعلانات بتاع قسمك!!


وانجاااااااااااااااز كبيررررررر قسمي نزل القاعات والمباني اليوم العادة ينزولها اخر يوم بس الحمدالله فيه تطور!!

[*صبا*]

طييييييييييب والي ماراح يداوم الا يوم الاختبار

[.,.نيــــــــــــــــــــران.,.]

قبل الاختبار شوفيها عادي

بس الله يعينك لو كان زحمة ، تعالي قبل الاختبار بوقت كافي

[الانس]

يعني مارح ينزلوا الأماكن في موقع الجامعه_؛@

[ضوضائيه]

نفس سؤال الأنس ماينزولها في الموقع

وكمان سؤال ثاني انا كليتي الآداب وتخصصي علم اجتماع

وعندي ماده حره من الاقتصاد المنزلي

ابغى اعرف لوحه الاعلانات الي يعلقو عليها مواعيد الاختبار واوقاتها فين في كليه الآداب وفين موجوده في كليه الاقتصاد

وعندي سؤال صحيح الي سمعتو من البنات ان جدول النت مو صحيح يعني يغيرو مواعيد الاختبار من الجدول الي تكون في جدول النت وانو الصحيح الي في شؤن كليتي

وسؤال آخر
الثقافه الاسلاميه 2 حيكون يوم السبت الاسبوع الثاني من الاختبارات 15-2
واختبار العربي 2 حيكون برضو الاسبوع الثانس يوم الاربعاء 19-2

[*صبا*]

بالنسبه للعربي والثقافه مواعيدك صحيحه

وبسالك عن الماده الحره الي من الاقتصاد المنزلي وش هي
لاني ابي ماده حره من عندهم

وكمان انا ماعندي ماده حره في نفس الخطه السمستر الجاي
عادي انزل مو شرط تكون موجوده في الخطه

[امونة المزيونة]

ايوة الافضل انك تروحي تتاكدي من جدولك من عند القسم بعد مااخذتية من النت لانو يكون عند بنات مثلن تعارض بين مادتيين تخصص بنفس الوقت فيضطر القسم يغير موعد مادة..!
انا اخذت موعد مادة من النت ولما رحت شفت الجدول بالقسم لقيتها بموعد تاني يعني الافضل تروحو تشيكو ..

وضوضائية لوحة الاعلانات اللى تتعلق عليها الجدوال تكون موجودة عند قسمك وبما انك علم اجتماع حتكون في الجوهرة ع جدار سكرتيرة القسم وشفت البنات يوم السبت متجمعين عليها يعني قد نزلت..

وصبا المواد الحرة مو شرط تاخذيها بسمستر معين عاادي اي وقت انتي حابة انا لحد الحين مااخذت مواد حرة عادي..

وموفقين..

[ضوضائيه]

صبا المادة الحرة هيا نظام التعليم بالمملكة ( اعتقد انها تربوي داخل الاقتصاد لأن نفس الاستاذه تتدرس طالبات ماجستير ادارة تربوي وفية طالبات تربوي ياخذوها مادة مقررة عندهم تخصصهم تربوي ) اذا تبغى ترفعي المعدل مانصحك فيها كلها تواريخ ودسمه شوي واستاذتها مصعبتها علينا الله يهديها اسمها د. نجاة اذا تبغيها كأستفاده حلو انا لو يمديني ماكان اخذتها بس تورطت فيها لأني كنت ابغى ماده ترفع المعدل وحلوه وماكانت حركة كويسه مني يوم اخترتها على اسمها المفروض أسأل اول شي روحي شؤن كليتك وشوفي اش المواد الحره المقدمه من كلية الاقتصاد المنزلي لكلية الاقتصاد والادراة وبعدين اسألي عن المواد وصعوبتها واش محتواها هنا بالمنتدى وبعدين اختاري
اعتقد المادة الحرة تقدري تاخذيها من بعد المستوى الثالث وفي اي مستوى انتي حابته انا اخذتها من البدايه وفيه بنات كثير ياخذوها في النهايه عشان ياخذو مواد سهله ويرفعو المعدل فيها

امونه المزيونه كويس ان شاء الله بكرا اروح واتأكد ولا ليكون كمان يغيروه من بعد يوم الاثنين ولازم اروح يوم الاربعاء لأني انا بكرة ان شاء الله بروح وماعاد ابغى اروح وان شاء الله مايغيروه بعد كذا
اما بخصوص لوحه الاعلانات انا اعرف غرفه السكرتيرة في قسم علم الاجتماع وكنت عندها يوم السبت على 10 ونص بس ماكنت اعرف ان هذيك لوحه اعلانات الي جمب غرفه سكرتيرة علم الاجتماع بالدور الاول في مبنى الجوهره واللوحه معلقة جمب مكتبها علطول ماكان معلق الا اسماء الطالبات المقبولات في مسار خدمه اجتماعيه ورقتين بس يمكن علقوها بعد 10 ونص

بنات الي اقتصاد منزلي تقولي وين مكتب سكرتيرة التربوي في الاقتصاد المنزلي لأني ماعرف المبنى مضبوط وابغى اطلع اتأكد من موعد نظام التعليم في المملكة ووين اختبارها

كمان ابغى اعرف قاعات العربي والثقافه لشعبتي بما اني رايحه بكرة مره وحدة ولا ينزلوها في النت المهم ابغى اتأكد بنفسي وبعدين ارجع اتأكد قبل الامتحان لازم اطلع قسم العربي ( موجود في الجوهره الدور الثاني صح عليا ) عند غرفه السكرتيرة نفس نظام مواد التخصص ونفس الكلام ينطبق على الثقافه الاسلامية واعتقد الثقافه الاسلامية موجود مكتب السكرتيرة في المبنى 8 الدور الثاني برضو صح عليا

معليش أسألتي كثير ومفصلة والله يوفقكم ويسهلكم وشكراً مبدئياً على الي بتساعدني