من جد مرررة محتاجة لرايكم بليز ماتبخلوو عليه :(

[عذب الكلم]

هاي ... جميعا
أنا حكايتي حكاية وعارفه انه وقتي دحين مرررة لا بس من جد تايهه وحالتي حالة انا قسمي كيميا حيوي وفكرت احول اقتصاد وادارة اوكي ...
مع انه مو حكاية درجات ولا نسبة يعني الحمدلله ماشية تمام او كويسة يعني ..
بس المشكلة مني لاقية نفسي في دا التخصص مع انه انبسط في اللابات وكدا واحس انه فيه شي جديد بتعلمه بس المشكلة احس انه تخصصي ماله مستقبل وانا اعشق الشغل الميداني والافكار واحب كدا
وجربت مررة اسوي تشيرتات ومشروع صغير كدا وكنت وقتها من جد مبسووطة وحسيت اني انجزت شي مع انه شي ممكن يكون عادي بس حسيت برضا واتحمست لدا الشي
ف ايش رايكم في حكايتي وانا برررحب بأرائكم بكل صدر رحب وبلييييييز ردو لي ...

[.,.نيــــــــــــــــــــران.,.]

انا اشوف انه تبقين في تخصصك مدامك ماشية فيه وتتعلمين اشياء جديدة وتنبسطين في اللابات :)
وخلي المستقبل على الله
يصير انتي مبدعة في مجال العمل الحر بالاضافة لتخصصك
العمل الميداني والافكار يبغالها مخ بس

هذا رأيي وبالتوفيق لك :)

[emii]

أهلين أختي عذب الكلم..
أنا رأي من رأي نيران حلو الواحد يتعلم شي جديد وتكون هوايته شي ثاني إنتي تقدري تبدعي في مجال العمل الحر من نفسك وبدون تعليم مادام إنك مبسوطة في قسمك فنصيحتي لا تحولي

[عذب الكلم]

تسلموولي ع كلامكم نيران و ايمي والله ما اعرف الكل يقولي اهم شي راحتك وانا ما اعرف فين مرتاحه بس كلامكم سوالي بوش وإن شاء الله خير يااارب :)

[nebrasmomen1]

سلام عليكم عذب الكلام

بصراحة أنا رأيي غير عنهم وأنا معاك في العمل الحر والمشاريع

قصدي من دا كلو أنو تتخصصي تسويق وتأخدي مواد حرة (فن الاقناع والتفاوض)

تصير هواية ودراسة وعلم

بصراحة الكيمياء اخرتها ديوان الخدمة المدنية بيرميكي في قرية ولا تتوظفي في مدرسة خاصة بـ2000ريال

بينما التسويق حتى لو ماتبغي تشتغلي حر تاخدي عليه 6 شهور انجليزي وبعد كدا الشركات والبنوك تدورك بشمعة

أنا في بنك وعارف الامور هادي

في النهاية نرجع ونقول لك شوفي نفسك وين تلاقيها وإختاري وربنا يقدم اللي في الخير

ويوفق الكل

[QREEEEEED]

اذا لك رغبة أنك تشتغلي بعد ماتتخرجي فانا انصحك تحولي وتخشي يادارة اعمال او محاسبة

بالتوفيق ,,,

[عسل ورد]

استخيري اولا ثم
/
من وجهة نظري من الصعب الإستمرار في قسم لاتجدي نفسك فيه لأي سبب كان
وهذا وحدهـ كفيل بأن تحاربِ من أجل رغبتك
،

بالتوفيق