(3)التجارب & الاستفسارات عن((( المواد الحره .. ))) لطالبات الإنجليزي. فقط.

[حنين الود]

يابنات الي حابه تفيد غيرها بالنسبه للمواد الحره اللي اخدتها تكتب اسم الماده ورقمها ومن أي قسم الماده الي أخدتها واسم الأستاذه الي اخدت الماده معاها ويفضل تذكري الدرجه الي أخدتيها .. ورأيك في الماده لو حبيتي .. وتأكدي الكل حيدعيلك بالتوفيق.. اتمنى الي تكتب الموضوع تكتب ( المعلوماااات كامله ولا ماحتفيد احد )
قال رسول الله صلى الله عليه وسلم ( من عمل منكم عملا فليتمه ) فياليت تكملي عملك وتكملي جميلك معانا وتكتبي (اسم الماده ورقمها والاستاذه ) ..وإلا لاتكتبي من أصله ياتوفري معلومات تريحي غيرك وتاخدي أجر والا متشكرين لخدمتك ارتاحي وريحي ..<كيف بس الأسلوب شكلو حتبطلوا تكتبوا من الأساس بنات لاتزعلوا بس والله لمصلحتنا كلنا بدل التعب والدوخه الي بتحصل احبكم لاتزعلوا
المهم يعني اكتبي المعلومات كاااااااامله عن المواد الحرررررررررره فقط
وكمان الي حابه تستفسر عن ماده حره نفسها تاخدها بليز تستفسر هنا .. مو مع مواد التخصص بليييييييييييييييييييييييييييز ..
نتمنى تفاعلكم معانا عشان نستفيد من بعض.. بالتوفيييييييييييييييييييييييييييق..
.. شكرا على تعاونكم .. Stc<< ههههههههههههههههههههه كيف بس في المواضيع

[Soosah89]

حنين ههههههههههههههههههه
ضحكتيني والله
في البداية حسيت انك رح تقومي تضربي احد
بس بعدين روقتي D=
واهم شي الـ STC
XD

موضوع جيد جدددددددددن
من جد كلنا محتاجينو ومحتاجين خبرات البنات مع المواد الحرة
رح ابدأ انا

المادة اخدها هادا السمستر
يعني لسا الدرجة النهائية ماطلعت :]

اسم المادة/ اسس الجغرافيا الطبيعية
الدكتور/ عبدالحفيظ السقا
رمز المادة/ GEOG 211

المادة رووووووووعة صراحة
مايبغالها كتير في المزاكرة
يعني 3 ساعات تجيبي فول مارك بإذن الله
مالها كتاب
تكتبي المحاضرات معاه
والمادة كلها من اسمها جغرافيا طبيعية
يعني اشياء بعض الاحيان انتي تفكري فيها كيف صارت؟
التجوية وعواملها, الرطوبة, التذرية ... الخ
اشياء جدن سهلة وممتعه

ان شالله لمن تطلع درجتي بقولكم ياها
وان شاء الله تكون مشجعة
انا صراحة اللي شجعني اخدها اني احب الجغرافيا ان جينرل =)

Good Luck All
ومشكوووووورة حنووون ع الموضوع
الله يجزيك كل خير يارب ^^

[غـــرور]

حنين مآشآء الله نشيطه ومتحمسه للتيرم الجـآيّ .. ( دوم إن شآء الله )

ياليت هالموضوع يكون بسّ معلومـآت زي الأخت إلي فوق .. + وقت المـآده متى عشآن سالفه الأسآمي الي مآتنزل ذي

ومآيكون موضوع إستفسـآرات عشآن مآيتشوّه ..


وبالتوفيق

أنآ أخذت مؤسسات معلومات مع سلمى البلادي روووووعه اخذت فيها a

ودفتني هيّآ عليهآ دف كآن نآقصني يمكن 3 درجـآت

المـآده عن انواع المكتبات وأهدافهـآ وكذا ..

للأسف أستاذه سلمى البلآدي مسـآفره .. :(

وبسّ

[Soosah89]

خساااااااااااااااااااااارة استاذة سلمى مسافرة!! =\
كنت ناوية اخد المادة السمستر الجاي معاها :(


وقت مادة الجغرافيا S.M.W 12 to 1

[amoooona]

حنين ياعسل فكرتك تجنن والله

ربي مايحرمك الاجر

انا عن نفسي اخذت مدخل علم النفس مع استاذة آلاء الشريف

والله العظيم تجنن تجنن واوتقع اجيب عندها a+ رمز المادة psy 211

انصحكم تاخذوها معاها والله تساعد كثير واسئلتها مررررة سهلة

بالتوفيق للجميع

بس انا عندي استفسار :

متى حتنزل الجداول حق الترم الثاني ياليت الي يعرف يقولي ...

[M!SS]

-> آنتي والالوآن في زحمه خخخخ

زي كلآم سوسو

اسم المادة/ اسس الجغرافيا الطبيعية الدكتور/ عبدالحفيظ السقا رمز المادة/ geog 211

تهببببل , وآسههل مآده ممكن بيوم تدرسينهآ

:)

[E M A N]

السّيره النبويه والخلفآء الرّآشِدُون ..
رمز المّآدّه .. Hist 221
مع أستاذه / ناديه جان قُربان ..
الماده تجنن والأستاذه تجنن ..
يكفي إنها سيرة الرّسُول عليه الّصلاة والسلام ..
أصلاً وإنتي تذاكرين تستمتعين كأنك تقرأين قصص .. :)
بس عيبهآ تطلب بحث سواءً لوحدك أو مع قرُوب ..
ونهآية السميستر تطلب عليه برزنتيشن ..
بس يعني بحث بسيط وعن أي موضوع موجود بالكتاب ..
بس الزّياده إنك تجيبي لهآ معلومات من النت وكذا ..

موفّقين :)

[Brilliant Shores]

موضوع راااائع الله يسلمك ويسعد يا حينـــــن

أنا أخذت مادة علم المعلومات من 1-2 IS211

مع أ. لقبها الجوهري >> اعذرووني حبايبي نسيت اسمها

كانت سهلة ومعلوماتها مبسطة والمذاكرة من محاضراتهاا يعني تضمني تأخذي a or +b+

موفقين جميعا

[الــود طــبعي]

السلام عليكم ورحمة الله وبركاته جميعًا

المادة الأولى من التاريخ

سيرة نبوية وسيرة الخلفاء الراشدين hist 221 مع أ. ناديا قربان
جبت فيها 97
مادة جدًا سهلة عبارة عن كتابين الرحيق المختوم + سيرة الخلفاء الراشدين
المنهج طويل لكن تحذف منه وتأشر معانا خصوصًا في النهائي لدرجة تحذف معارك بالكامل
تحضّر في كل محاضره بس تقبل أعذار..

دوريين من 25
بس فيه 10 درجات على بحث وتسوين له بريزنتيشن عن أي موضوع حول الرسول صلى الله عليه وسلم
أو الخلفاء الراشدين أو تختارين أي موضوع من الكتاب بس لازم يكون فيه معلومات اضافيه أو مختلفة عن الكتاب

وبس

المادة الثانية من علم النفس

مدخل إلى علم النفس العام psy211 أ. نجوى ثواب العتيبي
جبت فيها 96
المادة أيضًا تعتبر سهلة لكن أهم شي تركزين معها في المحاضره خصوصًا في الأمثلة
لأنها تحب تجيب لك الاختبار هاتي مثال على كذا .. أو تعطيكي مثال وتقلك مثال على وشو؟
المنهج عبارة عن كتاب كبير شوي لكن ماناخذه كله فيه فصول محذوفه
وتأشر المنهج في النهائي..

بعد تركز ع الحضور والغياب وماتحب أحد يدخل بعدها بس هي شخصيًا طيبة وخلوقه جدا جدا..
دوريين من 25
و10 درجات على بريزنتيشن حول أي موضوع من علم النفس..


وبس ودعواتكم تكفون
أدعوا لي بالجنة..

[حنين الود]

^
^
روحي الله يسعدك وينفع فيكي .. يارب


wake up girls