بنات ماختبرت نهائي ايش اسوي؟؟؟؟

[سابينا]

المشاركة الأصلية كتبت بواسطة احســـــ رسامه ــــــــاس سابينا حبيبتي كلمت الدكتوره اليوم وقالت لي بكره اروح لاستاذه فاطمه قاري واكلمها واذا وافقت يعيدون لي الاختبار ارجع اكلم دكتوره رشا ان شاء الله يارب تقبل عذري وماتعقدها بوجهي اكثر ماهي معقده وانتي وربي ماراح انساااااااااك ابدا ابدا شكرا لك من كل قلبي ومن جد الواحد مايعرف الناس الطيبه الا اذا صار له موقف واحتاجهم وانتي من جد بينتي لي وش قد انتي طيوووبه وتحبي الخير للناس الله يسعدك ويعطيك على قد نيتك والله كل البنااات ماقصروا اللي تدعيلي ولا بس ترسل عشان تتطمن ايش صار معي ...بجد يعني على قد ماتضااايقت على قد مافرحت لاني ماحسيت اني لوحدي وحسيت الاغلبيه قلبهم علي وكأن الاختبار فاتهم مو فاتني انا ربي يسعدكم كلكم ولا يحرمني منكم

احساس ماسويت شي والله وتسلمين على كلامك الطيب
احنا اخوة والدنيا بخير الحمدلله البنات كلهم ماشاء الله متعاونات وهالشرح يفرح القلب
وانتي طيبة وتستاهلين كل خير الله يسعدك ويفتحها معاكي اليوم ,,,,,,,,,
وان شاء الله ترجعين من الجامعة باخبار حلوة يااارب
دعواتنا لك,,,

[.vib]

احسااااااااااس رسامه شي طبيعي انوا ينزلولك f

بس مررا ولا تحطي في بالك

لا تخلي الشيطان يلعب فيك ويزود خوفك صدقيني الموضوع مايحتاج دا الخوف كلو

دحين انتي ادا رحتي عند فاطمه قاري راح تقولك هاتي خطاب بعذرك (مااقصد التقرير الطبي) اقصد كلام تكتبي فيه عذرك

انا راح اكلم صحباتي واشوف ايش كتبتلهم لانوا كان عذرها نفس عذرك وراح اجي ابلغك

وعادي ترى صحبتي نزلولها f ويوم اختبرت بداية الترم عدلو الدرجة

[أنا وبس]

السلام عليكم ..

احساس رسامه مررررررا ماتقلقي عادي تعيد لك الاختبار وماتشيلي هم لانو ماده عامهوسهل انها تعيدها ليكي

اسمعيني هيا حلين اعمليها مافي تالت ..

الاول : تجيبي تقرير طبي روحي اي مستشفى وادفعي فلوس وخدي تقرير انو كنتي تعبانه ...

التاني : روحي كلميها انو راحت عليكي نومه او انو كنتي تفكري الاختبار الساعه 10 ونص مو 8 ونص وخليكي صريحه معاها مررررررررا وقليلها انو غصبا عنك وانو عندك ظروووف

عشان كدا مامداكي تمري عليها بعد الاختبار ..

واذا رضيت طبعا حتقولك قدمي لي خطاب انتي اكتبي لها خطاب واكتبي في الخطاب اسمك واسم الكليه واسم الدكتوره والسبب في عدم حضور الاختبار واكتبي السبب ..

بما اني في المستوى الثالث في الجامعه واغلب موادي الاختبار يبدأ من الساعه العاشرة والنصف صباحا اعتقدت أن اختبار الثقافه سيبدأ خلال هذا الوقت ...

طيب اعملي زي كدا ورتبي لها كلام في الخطاب على مستوى وخلاص صدقيني حينقبل خطابك وتختبري بدايه السميستر الجاي ويتغير الf بدرجتك اللي حتآخديها في الاختبار وبس ...

[احســـــ رسامه ــــــــاس]

تسلمون لي يابناااات والله فيكم الخير
انا رحت لاستاذه فاطمه اليوم وحكيت قصتي معها في موضوع ثاني http://www.skaau.com/vb/showthread.php?t=149818&page=3

[احســـــ رسامه ــــــــاس]

http://www.skaau.com/vb/showthread.php?t=149818&page=3