طفشنا من سالفة الظلم

[ونيم 1985]

اهلا وسهلا بك اخت ندى
شكرا على مرورك

[ونيم 1985]

اهلا اخي المعتزه

صادق ومعك حق يا اخوي الظلم شين
وانا لو تقراء موضعي زين راح تلاحظ اني كاتبه فيه روحوا راجعوا اوراقكم لو انتوا متاكدين من دراستكم ومن حلكم
وانا متاكده انه الجامعه لن تقف عقبه في وجه طلبكم بالعكس بكل رحابة صدر راح يراجعون ورقتكم معكم

تمنياتي لك بالتوفيق بالدنيا والاخره
وانا لا تظلم بعد اليوم

[ونيم 1985]

حياك الله يا اخي حماده909

شكرا على مرورك وتعقيبك
وفقك الله دنيا واخره

[.. بيســـان ..]

السلام عليكم .. !!

جزاك الله خير يا أختي عالتوضيح و الله طفشنا من ذي السالفة.

لكن صعبة شوية عالطلبة . (F) و الله حرف يفجع ويصفر الوجه

مهما تعرضتي من انتقادات .. خلي كلامك ده يرفعلك راسك و يجعله ربك ي ميزان حسناتك.

لكن حسب ما بأشوف إنو مافي فايدة و لكن بكل بساطة يتلخص موضوعك بهاذي النقاط.


((( مظلوم )))


1- أرفع يدك للبارئ عز وجل.

2- روح للجامعة وللشؤون الطلابية أو الإدارة.

3- أرسل معاملة الكترونية من الأوديس

[hcute]

كلامك فيه الصح وانا قدمت الماده وكانت سهله الحمدلله لانه طالب الانتساب يحط فيه باله انه كل المنهج معاه حتى لو قالو قراءه ثانيا اللي مو صح همه الصراحه (الدكاتره) يتقصدو الخفس بدرجات طالب الانتساب لانهم يعتبرونا اخذناها بالساهل يحسبو انا قاعدين فاضيين وما نذاكر فيصعبو الاسئله او ممكن يظلمونا بالتصحيح خصوصا الاختبارات اللي اجاباتها ما يصححها الكمبيوتر اكثرهم يعتمدو على اسم الطالب لو جاهم بالدوره وتميلحلهم شويه وظبط علومه ولا علومهامعاهم تنجح انا مجربه وعارفه غير كذا ناسيين انه احنا ماتنشرح لنا الماده زي الانتظام نعتمد على انفسنا بكل شي يخص الدراسه لانه في منا ظروفه ما تسمحله يحضر الدورات طيب هذا مو ظلم ولا ايش ؟؟؟على العموم النجاح بجامعه الملك عبد العزيز ماشي بالواسطات وتكوين علاقات صداقه مع مدرسين الماده يعني اللي يبغى ينجح بمعدل عالي يسوي كذا ولا ترا مايطلع منها الا وقد جاله الضغط والسكر ومو بعيد جلطه كمان تسير تكمل... احسهم يحقدو علينا لانهم ماكان عندهم انتساب على ايامهم وكانت موادهم اصعب فيطلعو حرتهم فينا . الله ينجحنا ويفكنا من شرهم قولو امين

[hcute]

المشاركة الأصلية كتبت بواسطة ونيم 1985 اهلا اخي المعتزه صادق ومعك حق يا اخوي الظلم شين وانا لو تقراء موضعي زين راح تلاحظ اني كاتبه فيه روحوا راجعوا اوراقكم لو انتوا متاكدين من دراستكم ومن حلكم وانا متاكده انه الجامعه لن تقف عقبه في وجه طلبكم بالعكس بكل رحابة صدر راح يراجعون ورقتكم معكم تمنياتي لك بالتوفيق بالدنيا والاخره وانا لا تظلم بعد اليوم

اي رحابة صدر الله يسلمك مافي الا رفعة خشم ولا تطنيش ويقفلون الباب بوجهك ويقولن معلش الدكتوره مشغوله ولا باجازه وهي جوا جالسه مستانسه وانت تنحرق بره من القهر وتروح وتجي على الفاضي ويبدى الترم الجديد وانت محد التفتلك اصلا

[فهد العنزان]

الحمدلله والصلاة

والسلام على رسول الله وعلى آله وصحبه أجمعين
السلام عليكم ورحمة الله وبركاته
من وقع تجربه كثير من الزملاء الذين هم مما هم ( منتسب بالجامعة أومتخرج) وقد أقسم لي يالله حين أخبرته عن الموضوع وقد قال لي حرفياً ( أسمع يا أبوفيصل الجامعة هذي فيه العجب العجاب ) يعني الي يبي ينجح بدرجة 90 وما فوق له شروط قال لي عدد معي قالت له ( تفضل) .
* حضور الدورة التأهيلية الأولى ( لمن تسمح له ظروفه ).
* شراء الكتب من هناك .
* سؤال الدكتور عن أي شيء يخص المادة قد يصعب عليه ( ويقول الزميل هناك بعض الدكاتره يضع رقم جواله ) في نهايه الدورة التأهيلية ويقول للطلاب إذا في شيء صعب عليك أتصل ؟؟ ويقول لهم أرجو منكم عدم نشر جوالي لأني ما رح أرد الا على الطالب الي حضر معي الدورة فقط..؟
* بعد انتهاء حضورك من جدة في حال ان عندك بعض المواد العلمية ( محاسبة / كمي/ أقتصاد/ احصاء) أي شيء آخر عليك عزيز الاستعانه بعد الله سبحانه وتعالى بمدرس كفو يكون فاهم ويقدر يوصل لك المعلومه ويكون متابع لكل جديد ؟ بس وين الكفؤ.
* ويقول الزميل ويسترسل بموضوع المدرس على ان لاتقل حضور المدرس في المادة عن (3) ايام في الاسبوع بحيث تكون يومين شرح ويوم بيخصصه لحل المسائل أو شرح لما تم .
بعد ذلك بأذن الله تحصل على الفادة المرجوه وعلى فكره هذا الزميل " مشاء الله عليه " تبارك الرحمن متخرج بمعدل 4.25 من مسار نظم وتطوير الإداري من كليه الاقتصاد والإدارة من قسم الإدارة العامة وغيرررره كثير
تم النقل من مبدأ الأمانه وبحسب مشاهدتي بأم عيني بمعدل الزميل .

أخووووووووووكم ابو فيصل

[نونو الحلوه]

صدق او لاتصدق
انا الترم الاول سقطت في اللغة العربية وكان الامتحان في معهد العالمية بالدمام كنت افكر انا الوحيده الي ساقطه في الماده لقيت خمس وسبعين في المئة ساقطين كلهم ماذاكروا شي بلعقل
مع العلم انا طالعه من الامتحان اقول للبنات الامتحان سهل والي ماتحل فيه غبيه وصرت انا الغبية
صدقوني هم مستقصدين بنات الانتساب وغير 60 ماتشوفوا

[تيمور]

السلام عليكم ..
كلام جميل جداً ولكن فيه انحياز واضح وصريح , لايعني ما أقول أنّ جميع الطلبه على حق بشكل مطلق وكذلك الجامعه ومنسوبيها على حق بشكل مطلق , ببساطه لأن كل تعميم خاطئ هذا اولااً .
ثانياً
ماذا يعني ماقلتي بأن الدكتور حين يشيّع بين الطلبه أن الصفحة رقم كذا قراءة لا يتحمل مسؤولية أنّ يفهم أحدهم مايقول الدكتور بشكل خاطئ ؟!
اليس من واجب ذلك المعلم أنّ يبيّن مايرنو إليه بقوله قراءة ؟!
اليس ذلك واجباً تحتمه عليه العقيدة أولاًَ المنهج الإسلامي والعملي ثانياً ؟!
أنا طالب ولله الحمد اجتزت الامتحانات بدرجات جيدة ومريضة بالنسبة لي ولم أخفق بأحدها ولله الحمد
ولم أكتب موضوعاً واحد اشتكي فيه احداً او اعترض على سياسة ما ..
كذلك لم أعقب بهكذا تعقيب انحيازاً عشوائياً للطلبه كوني طالباً , ولكن من المرفوض تماماً أن يحملّ الطالب المسؤولية كامله وكذلك من المرفوض تماماً أنّ يحمل الدكتور المسؤولية تماماً ..
شيوع المواضيع التي تنتهج أسلوب التباكي والحسرة في سطورها أمر بات روتيناً في هذا المنتدى وغيره
وتعدى نطاق المعقول ولكن اليس من الواجب علينا النظر للموضوع من جميع الزوايا , الا يدعو شيوع هكذا مواضيع إلى إعادة النظر فيها ؟
أسلوب التشهير ياعزيزتي أسلوب مُنتهج في التعليم السعودي , ففي اللوائح والانظمة مايُشير إلى أنه اذا اخطأ أحد الطلبة بحق دكتور خطأ فادحاً أو ماشابه فأنه يُفصل حسب آلية النظام ومن ثَم يشهر به في الجامعه ..
كذلك الإنسان حين يقتل أو يسرق فأن الإسلام يأمر بأقامة الحد على المعتدي على الملأ كي يعتبر غيره ..

فهل يحق للجميع أن يبوح مايجري ماعادا الطالب ؟!
هل يُظلم
ويُقهر
ثم نطالبه بكل برود وبساطة أن يجلس القرفصاء في بيته دون أيّ ردة فعل
ولا حتى موضوع في منتدى ؟!
هل يسكت الإنسان عن حقه أو عن ظلم يراه بحجة أنّ كثرة تلك المواضيع ازعجت سموكم ؟!
عزيزتي
يجب عليك اعادة النظر فيما تكتبين أو أن تتجنبي كأضعف الايمان الخوض فيما ليس لكِ به علم
فبكتابة تلك المواضيع والتشكيك والتظلم , والانتقاد المتكرر والمتواصل نرتقي
بأن نضع أصبعنا على عين الخطأ لا أن نضعها بأذنه ..
دمتم

[GAME OVER]

كلام منطقي والله

انا كل ما اسوي ابديت للمواضيع يطلع نصها شكاوي ونياحه من الدرجات


طيب يا جماعه اللي يشوف ان الجامعه صعبه أو التعليم فيها فوق مستواه

ترا مو شرط ياخذ البكالوريوس ، ويكتفي بالثانويه

لكن البعض يحسب عشان قاعد يدرس بفلوسه ان النجاح مضمون ، وأن مذاكرة ليلة الإختبار تكفي عشان يجيب A+




أنا درست واتخرجت ، و الله العظيم ما مر عليه دكتور إلا واكرمني أو على الأقل اعطاني حقي بدون زياده أو نقصان