اللي ماراح يرد لايدخل

[ذنبي طيبتي]

ازيكم صبايا وكيف اجازتكم ان شاء الله الكل مستانس ومبسوط
المهم زيي مانتو عارفين كلها يوين وحيفتح الحذف والاضافه فحابه اطرح اسئله عن بعض الدكاتره وانتظر منك الاجوبه
ياللا نبدا
الدكتوره سوسن المعلمي احوال شخصيه
الدكتوره هاذي البنات في اول الترم بيمدحوها بعدين سمعتي كلام خوفني منها تقولي وحده من البنات انو هيا طالعه من الاختبار حاله زين مازين وفي النهايه انصدمت انو الدكتوره منفصتها 7 درجات راحت عندها على اساس تشوف ورقتها قالت لها اذا شفتيها حتنقصي زياده فوالله انا قلبي طااح يعني انا احس الماده حلوه فليش الدكتوره تصعبها الشي ثاني كيف تكاليفها وهل تعطي بونس عشان نعوض ولالا
الدكتوره الهام باجنيد
بنات ايش رايكم في هاذ الدكتوره تنصحوني اخذ عندها ولالااجل الى الترم الجاي رغم نفسي اخذ الماده هاذي واريح بس خايفه من الهام لانو اللي سمعت انها بتقوم على السبوره عشان نحل سلامات رجعنا للتمهيدي وانا من النوع اللي مااحب اشارك حتى لوكنت متاكده انو جوابي صح فاباسال اذا ماشاركت تخسف فيني ولالا وكيف اسئلتها وهل تراعي في الدرجات ولاشديده يعني الخلاصه اخذ عندها ولالا
الدكتوره ماجده في القانون الجنائي
ابغى البنات اللي درسو عند ماجده يجاوبو بصراحه هل صحيح انو اشطر وحده تاخذ 20 من 25 لا وشايفه انها اعطتها فوق حقها صح الكلام هاذاولالا لانوعلى كذا مااحد اخذ عنها a+او a
وكيف هل تجيب قضايا ولالا
الدكتوره اكرام
بنات جاوبو بصراحه في بنات بيقولو عن اكرام اللي تعرفها تحطها في عينها واللي ماتعرفه تسحب عليها صح الكلام ذا ولالايعني ماتعدل
ابغى اجابه صريحه وكيف اسئلتها وكيف من ناحيه الدرجات تراعي ولالا وكيف كمان تكاليفها
اخير الدكتور محمد العثمان هاذا مااعرف عنوه شي فاللي عنده اي معلومه عنوه يفيدنا
ياليييييييت مااحد يدخل الا ويضيف رد حتى لو مو عارفه شي طالما دخلتي معناتو لازم تردي
مابغى اشوف مشاهدات ومافيه ردود ياويلكم{اهدد خخخخخ}
ختاما جعل من ترد ربي يسرلها كل صعب ويسعدها يارب دنيا واخره

[طارق المحمد]

والله يااختي الدكتور محمد العثمان يقولون مررررره رهيب وانا راح انزل عنده الترم الجاي
مصادر الالتزام هذا الي اعرفه والله يوفقك

وبالتوفيق للجميع...

[أمير ينبع]

مصادر التزام محمد العثمان
دكتور في قمة الروعة
ودرجااااااااااااااااااااااااااااااااااات عالية

والله الموفق

[Ano]

د. ماجدة :
جيّدة ، وأساساً ما في دكتورة ثانية تعطي المادة عشان توازني بين خياراتك!
وغلط عاللي يقولوا إنها ما تعطي a. a+ ، أنا أخذت a وكان بقي لي تكة عال a+
ذاكري وحتلاقي نتيجة .

د. محمد العثمان :
يعطي درجات عالية ، لكن لا تتوقعي إنك بتتعلمي أو تكسبي معلومات كثيرة منه .

[:::Zaza-.-MaZaza:::]

بالنسبة للدكتورة سوسن فهيا قمة في الاخلاق واللهي ومستحيـــــــل تظلمك بس على حكاية انو ادا شوفتي ورقتك تنقصي فكل مافي الحكاية انو بنـــــــــــــــــات كتــيــــر بتروح عليهم درجة كاملة على دليل عشان زودوا او نقصوا حرف وهيا يمكن تجيب 5 ادلة او 4 في الاختبار وكتير بنات بيغلطوا في الادلة فهيا جزاها الله خير اتغاضت لكل بنت عن درجة كاملة كان مفروض تنقصها في دليل فالبنت الي تشوف ورقتها ترجعلها الدرجة الي هيا كان مفروض تنقصها هيا دي ضريبة الشوفة،، بس ما تنقصك حتى لو شفتي ورقتك على شي انتي اساسا ما نقصتي عليه لا لا ابدا ما تسوي كدا.. وهيا نظامها كان 25 دوري اول 25 دوري تاني و40 طبعا نهائي والعشر درجات المتبقية تعمل قروبات وتعطي كل قروب درس يطلع منو اسئلة وكل محاضرة يطلع القروب الي عليه الدور ويلقي اسئلتوا علينا وحنا نجاوب .. اما البونس ما ادري والله بس هوا على اساس انو كان في 5 درجات بونس حتدينا هيا ادا شاركنا في موقع بس جات فكرة البونس مرة متاخر ومدري ادتنا البونس ولا لاء.. بس اعتقد ما اخدناه لانو اصلا محد شارك او بالعربي محد كان مستوعب هرجة البونس والموقع دا :).. يلا طولت عليكي بس إن شاء الله اكون وصلتلك فكرة واضحة عن دكتورة سوسن =)

[Miss.law]

د/ سوسن ::

يقولوا كوويسه ، انصدمت من كلامك

،،

د/ الهام باجنيد ::

انا ولا افكر آخد عندها صراحة بعد كلام البنات ،، و مؤجلة المادة الي بعد حين >> اخص يا فصحى

بس سمعت انها تعطي اختبار تحسين بـ 5 درجات ..

في الآخر ،، ما احب الضغط النفسي ،، يعني ما انصحك تاخدي معاها ولا انا رح آخد معاها كمان ..

،،


د/ ماجدة ::

شوفي قلبووو ، انا اخدت معاها مبادئ الترم اللي راح .. لو تزاكري من قلبك تحلّي .. لو لا فووور قت ات >> قلبت انجليزي

اسئلتها يبغالها تركيز ، و على قولها لازم تجيب سؤال عشان تطلّع اللي مزاكرة بقلب من اللي لا ..

تكاليفها مرره حلوة .. تختاري تكليف من 3 خيارات ..

بوجه عام .. جييدة جدا" ..

،،

د/ اكرام ::

همممممممممممم .. سمعت عنّها كدا برضو ..

بس ما باليد حيلة ،، حآخد معاها الترم دا ..

بوجه عام يقولوا طيووبه ..


،،

د/ محمد العثمان ::

ممـتاز من ناحية الدرجات ،، اختباراتو كلها مقاااالي بس مره تاافه ، يعني يعطيكي ملزمة تذاكري منها و تجي نفسها كوبي بيست ..

لو ما كتبتي و كسرتي يدك ما تحصدي درجات ..


.
.
.

بالتوفيق .. اتمنى اكون أفدتك

=)

[ذنبي طيبتي]

المشاركة الأصلية كتبت بواسطة طارق المحمد والله يااختي الدكتور محمد العثمان يقولون مررررره رهيب وانا راح انزل عنده الترم الجاي مصادر الالتزام هذا الي اعرفه والله يوفقك وبالتوفيق للجميع...

تسلم اخ طارق ماقصرت طمنتني
وجعل التوفيق فالك

[ذنبي طيبتي]

المشاركة الأصلية كتبت بواسطة أمير ينبع مصادر التزام محمد العثمان دكتور في قمة الروعة ودرجااااااااااااااااااااااااااااااااااات عالية والله الموفق

شكرا اميرينبع على مرورك وماقصرت

[ذنبي طيبتي]

المشاركة الأصلية كتبت بواسطة Ano د. ماجدة : جيّدة ، وأساساً ما في دكتورة ثانية تعطي المادة عشان توازني بين خياراتك! وغلط عاللي يقولوا إنها ما تعطي a. a+ ، أنا أخذت a وكان بقي لي تكة عال a+ ذاكري وحتلاقي نتيجة . د. محمد العثمان : يعطي درجات عالية ، لكن لا تتوقعي إنك بتتعلمي أو تكسبي معلومات كثيرة منه .

الله يسعدكي يارب رحيتيني من ناحيه ماجده
اما الدكتور محمد فاهم شي يكون يراعي

[ذنبي طيبتي]

المشاركة الأصلية كتبت بواسطة :::zaza-.-mazaza::: بالنسبة للدكتورة سوسن فهيا قمة في الاخلاق واللهي ومستحيـــــــل تظلمك بس على حكاية انو ادا شوفتي ورقتك تنقصي فكل مافي الحكاية انو بنـــــــــــــــــات كتــيــــر بتروح عليهم درجة كاملة على دليل عشان زودوا او نقصوا حرف وهيا يمكن تجيب 5 ادلة او 4 في الاختبار وكتير بنات بيغلطوا في الادلة فهيا جزاها الله خير اتغاضت لكل بنت عن درجة كاملة كان مفروض تنقصها في دليل فالبنت الي تشوف ورقتها ترجعلها الدرجة الي هيا كان مفروض تنقصها هيا دي ضريبة الشوفة،، بس ما تنقصك حتى لو شفتي ورقتك على شي انتي اساسا ما نقصتي عليه لا لا ابدا ما تسوي كدا.. وهيا نظامها كان 25 دوري اول 25 دوري تاني و40 طبعا نهائي والعشر درجات المتبقية تعمل قروبات وتعطي كل قروب درس يطلع منو اسئلة وكل محاضرة يطلع القروب الي عليه الدور ويلقي اسئلتوا علينا وحنا نجاوب .. اما البونس ما ادري والله بس هوا على اساس انو كان في 5 درجات بونس حتدينا هيا ادا شاركنا في موقع بس جات فكرة البونس مرة متاخر ومدري ادتنا البونس ولا لاء.. بس اعتقد ما اخدناه لانو اصلا محد شارك او بالعربي محد كان مستوعب هرجة البونس والموقع دا :).. يلا طولت عليكي بس إن شاء الله اكون وصلتلك فكرة واضحة عن دكتورة سوسن =)

ياشيخه الله يريح قلبك زيما ريحتيني والله خفت منها بس الحمدلله انتي طمنتي قلبي
مرررره شكرا على انك جاوبتيني