ابغى خبرتكم في المواد الاختيارية

[loves.me.not]

السلام عليكم ورحمته الله وبركانه

كيفكم

يا بنات ابغى مادة اختيارية سهلة جدا جدا اقدر اجيب a+ بليييييييز


وانا قسم كيمياء حيوي


مشكووورين

[حـيـاة الـروح]

مناعة ومصطلحات مواد اخذتها ممتعة وسهله وتجيبين فيها a+

[R-Kh]

رد عضوة محتفظة بيه للان:

bioc 392 تطبيقات حاسوبية في الكيمياء الحيوية bioc 391 مصطلحات لغوية bioc 401 موضوعات خاصة في الكيمياء الحيوية bioc342 المنتجات الطبيعية bioc 417 الكيمياء الحيوية للأمراض bioc 418 الكيمياء الحيوية للخلايا السرطانية bioc 422 سموم الأحياء الدقيقة bioc 313 الهرمونات bioc 444 أيض العقاقير bioc 445 كيمياء حيوية تطبيقية bioc 446 كيمياء المناعة bioc 492 مهارات وظيفية وكتابة تقارير فنية >>>>>>> بالنسبة لـ 392 ما انصحك فيها ... شغلها كتييييييييييييير بس اذا انت تعرفي ل power point و switsh راح تمشي حالك فيها 391 جدا رائعة ومررررررررررررة راح تفيدك.. 401 على حسب الدكتوره اللي تعطيها ... 342 اذا انت تحبي النباتات والكلوروفيل وهدي الاشياء الله يوفقك ..مع اني ماانصحك فيها 422 مره سهلة و مافيها شي وحلوه كمان.. 313 الصراحة هي الماده حلوة وممتعة بس راح تتعبي فيها شويه يعني شدي حيلك فيها بس من جد انصحك فيها.. 444 مالها داعي وعلى قد ماتتعبي فيها ماتاخدي حقك 445 جدا رائعة وانصحك فيها بشدة المادة والدكتوره احلى من بعض.. 492 الصراحة راح تستفيدي منها مررررررررره كتير .. وان شاء الله اكون افدتك والباقي ماعندي اي فكره عنه وبالتوفييييييييق..

..
:)

[calbooza]

مصطلحات ومناعه يمدحوهم اكثر شي..

[Dr.moni]

السلام عليكم ورحمة الله وبركاته

جزاكم الله الف خير ويوفقكم وينجحكم

بتفيدونا ما ننرحم منكم يارب

[مياسة العود]

المصطلحات جدا سهلة ورائعة

لاتفوتي الـ a فيها

وبالتوفيق

[loves.me.not]

تسلمووووووووو الله يوفقكم وينجحكم يااارب

بس الشعب مقفلة حقت مصطلحات هل راح يرضو ينزلولي هيا

[M!SS BIOC.R]

* مصطلحات : ساعتين
مره سهله الماده وتفيدك لبعدين

* هرمون : ساعتين
تتعبين في الحفظ في البدايه بس تمشي .. وانصحك تلخصين
كثير جابو فيها اي بلس

* تطبيقيه : 4 ساعات
حلوه الماده وتجيبي فيها اي وكمان ترفع المعدل

* تطبيقات حاسوبية : 3 ساعات
شغلها كثير بس حلوه

* سرطانية : ساعتين
اخذتها مع د. امينه
مره مره مره حلووووه وتجيبي فيها اي بلس

* مناعه : 3 ساعات
حلوه الماده والاسئله من الشرح ما يخرج عنه

* امراض : ساعتين
ماانصحك فيها ابدا ... الجهد اللي تبذلينه اكثر مما تستحق الماده
لا وعلى ساعتين كمان


اي سؤال حاضره

[loves.me.not]

طيب كيف مادة مهارات وظيفية وكتابة تقارير فنية


مع مونزاغول محمد ادنان افضل

اقدر اجيب a+


لانو كل المواد تقريبا مقفلة الشعب

[M!SS BIOC.R]

الترم اللي فات اخذت تقارير
ولما شفتها مع الهندية مدري الباكستانية خفت
ولما تتكلم انقلش مو مفهوم
عشان كذا حذفتها واخذت بدالها امراض