النصيحة في اختيار التخصص

[the fist]

السلام عليكم ورحمة الله وبركاته


انا يا شباب لازم اختار التخصص هذا الترم وان شاء الله حيكون اما كهربا او مدني

ومحتار فيها طبعا انا ابي الاسهل لأني انسان كسول لأبعد درجة مااحب اذاكر الا قبل الاختبار بكم يوم ما احب الدوام الطويل اتكالي

بناء عليها يياليت تعطوني النصيحة كهرباء او مدني مع ذكر الاسباب


وجزيتم خيرا

[Baf]

هههههههه
انا حسب ما درست في مادة ee201 + ee251 + ee332
عرفت الكهربا ممله . . ويبغالك تجلس تذاكر كل درس بيومه حتى ما تنسى
المدنية ما اتوقع انها سهله .. امممم فكر في الصناعية حلوة ودراستها سلسه

[HsMx90]

والله يا حبيبي اذا ما بتغير طريقتك حول ادارة واقتصاد او آداب احسن لك

لا احد يقلك اش تتخصص
تخصصك لازم انت الي تختاره عشان تمشي فيه

[صقرر]

اخوي الهندسة معناها تداوم وتواظب على الدوام وتذاكر اول بأول

غير كذا المعدل راح يطيح يا غالي وبالتالي ما راح تتخصص التخصص الي انت تبيه

فالقرار راجع لك وما اقدر افيدك في تخصص معين

[|JOKER|]

الإنسان عدو ما يجهل ..
لذلك تعرف على التخصصات عن قرب وقارنها بشيئين رئيسين : ( الرغبة و سوق العمل )
وحاول أن يكون تخصصك بنسب متقاربة من هذين ( الرغبة و سوق العمل ) ..
وابتعد " عن اللي يمدح بضاعته " - أو تقول لك نفسك " مع الخيل ياشقراء " ..

[moied]

المدنية اتوقع اسهل بس مو سهلة يعني اهماال
اذا ع قولك تبغى تذاكر قبل الاختبار يمديك بالراحة
والدراسة كل الدكاترة يشرحون بالعربي
اذا اللغة عندك طيبة الصناعية حلوة و من اسهل تخصصات الهندسة كمان
وفي الاخير انت وقدرتك.... ورغبتك قبل كل شي
وكل التخصصين مطلوبة في سوق العمل

[the fist]

بارك الله فيكم يا اخوان ماقصرتم

الصناعية للأسف الجامعة الي انا فيها لايوجد فيها صناعية ولغتي ممتازة ولله الحمد وكان ودي في صناعية

فاختياري راح يكون محصور بين المدنية والكهرباء وقلنا نستشير حبايبنا اهل جدة