اختبار القياس -كم سؤال على الطاير؟

[Elliot]

السلام عليكم

انا سجلت في الموقع بأسم اختبار المعلمين واخترت التخصص

هل هذا هو اختبار الكفايات

لأن المسمى سبب لي دوووشه

على فكره التسجيل ينتهي اليوم او بكره بالكثير


واللي عنده فكره او اختبر قبل كذا ياريت ينورنا


بأنتظار الجواب

[Atyaf]

هلاا

معليش بس ممكن توضح اكثر وايش هدا الشي اللي تتكلم عنه

حتى نعطيك اجوبه وافيه

شكراااا

[Elliot]

أسأل عن اختبار القياس المطلوب لطالبي التدريس العام القادم مثلاً


ايش اسمه


انا سجلت في اختبار المعلمين واخترت التخصص لغه انجليزيه


هل هذا هو المطلوب او في اختبار ثاني وانا سجلت غلط


مع الشكر

[JASSAR]

وعليكم السلام
الاختبار هو اللي انت سجلت فيه
اختبار كفيات للمعلمين - رسومه 200 ريال
موعد الاختبار يومي 28 و 29 -3

الله يوفقنا واياك

[سرحان]

ولاتنسون تسجلون في موقع وزارة التربية والتعليم للمقابلة الشخصية

وفي موقع وزارة الخدمة المدنية اذا تم الاعلان عن الوظائف التعليمية وفتح باب التقديم

والله يوفق الجميع

[THE EXPERT]

المشاركة الأصلية كتبت بواسطة سرحان ولاتنسون تسجلون في موقع وزارة التربية والتعليم للمقابلة الشخصية وفي موقع وزارة الخدمة المدنية اذا تم الاعلان عن الوظائف التعليمية وفتح باب التقديم والله يوفق الجميع

وش سالفة موقع الوزاره

انا سجلت في موقع القياس ودفعت الرسوم وحددولي موعد 28 من هذا الشهر

بالرغم أن تخرجي تقريبا الترم الأول السنه القادمه

ولكن ما سجلت في موقع الوزاره
فأذا عندك معلومه عنه ياليت تقول لنا

وبالتوفيق للجميع

[JASSAR]

انا اجاوبك يا خبيرنا - بعد اذن اخونا سرحان -

هذا يقول لك يا ابوالفيت ان مراحل التقديم على الوظايف التعليمية ثلاث
١- التديم على اختبار قياس المعلمين (على موقع مركز القياس والتقويم)
٢- التقديم على المقابلات الشخصية ( من موقع وزارة التربية والتعليم)
٣- التقديم على الوظيفة ( عن طريق وزارة الخدمة المدنية)

الاولى والثانية تقديمها الايام هذي . حتى اللي باقي على تخرجه اكثر من ترم ، لان قياس والمقابلة تحفظ في الارشيف لمدة سنة او سنتين.

اما التقديم على الديوان ،، فيلزمك وثيقة التخرج ...

واللي يبغى يكمل دراسات عليا يحتاج اختبار قياس للجامعيين + اختبار step بديل التوفل
واللي يبغى يتعسكر (الكلية الامنية) يحتاج اختبار قياس الجامعيين فقط

الله يوفقنا واياكم لكل خير

[THE EXPERT]

المشاركة الأصلية كتبت بواسطة JASSAR انا اجاوبك يا خبيرنا - بعد اذن اخونا سرحان - الاولى والثانية تقديمها الايام هذي . حتى اللي باقي على تخرجه اكثر من ترم ، لان قياس والمقابلة تحفظ في الارشيف لمدة سنة او سنتين. اما التقديم على الديوان ،، فيلزمك وثيقة التخرج ... الله يوفقنا واياكم لكل خير

الله يعطيك العافيه يا أخ جسار

طيب من وين اقدم على المقابله

ومن وين أقدم على اختبار step

وهل تقديمهم لازال جاري

وبالتوفيق للجميع

[JASSAR]

شوف expert ,
المقابلة عن طريق موقع وزارة التربية والتعليم
هذا ملف من الوزارة يشرح لك كل شي
http://www.moe.gov.sa/openshare/moe/trp.pdf
ومازال التقديم مستمر

اما اختبارات الماجستير:
1- مواعيد اختبارات القدرات العامة للجامعيين
http://www.qiyas.org/Qiyas/ExamDates/examDates.5.aspx

2- مواعيد اختبارات كفايات اللغة الإنجليزية (STEP)
http://www.qiyas.org/Qiyas/ExamDates/examDates.6.aspx

سيتم الاعلان عنها لاحقا..

[THE EXPERT]

المشاركة الأصلية كتبت بواسطة jassar شوف expert , المقابلة عن طريق موقع وزارة التربية والتعليم هذا ملف من الوزارة يشرح لك كل شيسيتم الاعلان عنها لاحقا..

بيض الله وجهك يا أخ جسار

وأظاهر اني ماني مقدم على المقابلة الترم هذا

بأخليها الترم الجاي

خصوصا اني ما راح أتخرج الا السنه الجايه الترم الأول

وراح يكون فيه فرصه ثانيه

والله يعطيك العافيه على الأهتمام والمساعده

وهذي مو غريبه عليك