ماجستير كلية الطب

[سرور النفس]

أشكرك أختي على هذه المعلومات
بس عندي طلبين فضلا لا امرا
اذا تقدري تروحي لرئيسة القسم تسأليها عن اختبار القسم وماهي المراجع الممكنة وماهي طبيعة الاسئلة
وابغى أعرف منك كيف كانت المقابلة بالانجليزي أو بالعربي وعلى ايش تعتمد معلومات أو.....ايش كمان
مشكورة

[revelation]

المشاركة الأصلية كتبت بواسطة سرور النفس أشكرك أختي على هذه المعلومات بس عندي طلبين فضلا لا امرا اذا تقدري تروحي لرئيسة القسم تسأليها عن اختبار القسم وماهي المراجع الممكنة وماهي طبيعة الاسئلة وابغى أعرف منك كيف كانت المقابلة بالانجليزي أو بالعربي وعلى ايش تعتمد معلومات أو.....ايش كمان مشكورة

و انا معاها .. اتمنى احد يتحصل لنا على المعلومات في أقرب فرصه

[soooo sweet]

إن شاء الله أوافيكم بالتفاصيل لما أشوف رئيسة القسم

وبالنسبة للمقابلة كانت عادية جدا مرررة بسيطة

بالعربي يسألوك كم سؤال هو ليه اخترتي دا القسم

واش البحث اللي ناوية تسويه

وعلى أساس البحث يسألوا كم سؤال علمي يعني مثلا لو حتسوي عن stem cell يسألوا اش تعرفي عنها

تقريبا الأسئلة الشخصية أكتر

وبالتوفيق يارب ^_^

[سرور النفس]

شكرا مرررررررة على ردك لطريقة المقابلة
وأنتظرك على اجابة رئيسة القسم
ماااااااقصرتي

[toola.b]

سالت وحدة تدرس ماستر الطب تقول ما اكن في اختبار بس مقابلة
والله اعلم
لكن لمن عبيت استمارة الترشيح طلع لي موعد اختبار 21-4
ايش يعني ؟!!!

[soooo sweet]

المشاركة الأصلية كتبت بواسطة سرور النفس شكرا مرررررررة على ردك لطريقة المقابلة وأنتظرك على اجابة رئيسة القسم ماااااااقصرتي

عفوا ^^ الله يسلمك

[soooo sweet]

المشاركة الأصلية كتبت بواسطة toola.b سالت وحدة تدرس ماستر الطب تقول ما اكن في اختبار بس مقابلة والله اعلم لكن لمن عبيت استمارة الترشيح طلع لي موعد اختبار 21-4 ايش يعني ؟!!!

كمان أنا لما عبيت استمارة الترشيح وقتها طلع وقت الاختبار بس كان دا الموضوع اوتوماتيك لكل الأقسام يتحط

وعلى الأغلب يتغير موعد الاختبار افتكر كدا

حتى المقابلة ما كانت بنفس موعد الاختبار

بالتوفيق يارب

[revelation]

جزاكم الله كل خير.. طيب عندي استفسار ثاني .. انا بكالوريوس كيمياء عامه و آخذه ماستر تشريح تقني و انسجه و حابه آخذ ماستر ثاني في الكيمياء الحيويه الإكلينيكيه.. ممكن و لا لا؟

[عماد الحسن]

السلام عليكم ورحمة الله وأشكر الأخت http://www.skaau.com/vb/member.php?u=34136 لردها المفصل ، والشكر موصول لكل الأخوات المشاركات.

أما يوم الثلاثاء 21/4 فهو موعد اختبار القدرات التحريري لجميع طلاب الماجستير العام
والأخت http://www.skaau.com/vb/member.php?u=106091 : يحق لأي طالب دراسة الماجستير مرة ثانية طالما أنه أنتهى من دراسته ولكن الأفضل هو متابعة دراسة الدكتوراه.

[soooo sweet]

المشاركة الأصلية كتبت بواسطة عماد الحسن السلام عليكم ورحمة الله وأشكر الأخت soooo sweet لردها المفصل ، والشكر موصول لكل الأخوات المشاركات. أما يوم الثلاثاء 21/4 فهو موعد اختبار القدرات التحريري لجميع طلاب الماجستير العام والأخت revelation : يحق لأي طالب دراسة الماجستير مرة ثانية طالما أنه أنتهى من دراسته ولكن الأفضل هو متابعة دراسة الدكتوراه.

عفوا الاستاذ الفاضل عماد الحسن
وجزاكم الله خيرا على جهودكم المباركة