قليل أدب ... عيونه طويلة !!!

[Reema~<3]

كنت جالسة في السوق بأستنى السيارة تجي عشان أرجع البيت ..

في اتنين شباب كووول واقفين بعيد شويآآ ..

واحد فيهم طل فيآ .. بعدين دار وجهه ..

طل فيآ مرآ تانية .. قمت درت وجهي عنه وقلت في نفسي "قليل أدب .. عيونه طويلة"!!

_______________


بصراحة ..

في بعض الأحيان .. أعتقد أن بعض الرجال ما انتبه قبل كدا للآية في سورة النور "وقل للمؤمنين يغضوا من أبصارهم ويحفظوا فروجهم ..."

ولكن في كثير من الأحيان .. أعتقد أن كثير من النساء ما انتبهت قبل كدا للآية الي بعدها على طول "وقل للمؤمنات يغضضن من أبصارهن ويحفظن فروجهن ..."



ما راح أقول كلنا .. ولكن أغلبنا ينظر لغض البصر من زاوية وحدة ... وينسى أنه زي ما الرجل مأمور بغض البصر المرأة مأمورة بيه ...

نشوف انه الولد قليل أدب اذا طل فينا .. وننسى انه لنا ساعة بنطل فيه !! هوا غلطان صح .. لكن احنا كمان غلطانين !!


أنا جبت السوق والمواجهه كمثال ... لكن في التلفزيون والنت والمجلات كمان سواء اولاد ولا بنات بنشوف صورة الممثل والمغنية ومذيعين الأخبار حتى و"نفصل" عليهم ..

وننسى انه حتى اطلاق البصر هنا محرم .. وانه النظرة الأولى لينا والتانية علينا ..


اكيد شي تعودنا عليه صعب نغيره بسهولة .. بس في رايي إنه لمن الواحد يسوي الشي وهوا عارف انه غلط آحسن من الي يسويه وموهامه شي .. وإلا ما حيتأثر في نفسه ويتغير مع الأيام ..


"إن الحسنات يذهبن السيئات"
"واتبع السيئة الحسنة تمحها"


_____________________


أتمنى أكون قدرت أوصل فكرتي بطريقة صحيحة ومفهومة ..


تقديري ،،

[نص دافوره]

صاادقه اختي

جزااااك الله خيرااا

[~ إيقـــ المطـر ـــــاع ~]

جزاك الله خيرا

ودام صوتك للحق منارا

موفقه

[اِِشـــــراقة فجـــر]

جزاكـ الله خيرا

[أم خالد2010]

اختك ام خالد

[أحـمـد ظـافـر]

جزاك الله كل خير .

[Reema~<3]

وإيـــــــــــــــــــــــــــــاكم

^_^

[.,.نيــــــــــــــــــــران.,.]

فعلا

لفته مهمة أشكرك عليها

وجزاك الله خيرا

[The golden girl]

جزاكـ اللهـ الف خير ~.

[ro7i Leek]

اي والله صادقه .. ربي يجزاك كل خير ع التنبيه