كيفك مع الانجليزي ؟؟؟

[Bnt Baba]

بسم الله الرحمن الرحيم

كيفكمـ يابنوتات ؟؟ !!

حبيت أجيب لكم اليوم موضوع في الصميم ..

أولا //

كيفكمــ ... مع الإنجليزي ؟؟!

مع لغة العصر ..

مع لغة أصبحت ضرورة من ضروريات التعليم .. التوظيف .. العولمة .. !!

حبيت أساعدكم يابنات في شي نفتقدهـ كثير ..

وهو المعهد المناسب .. >> وهذا من تجربة شخصية ..

اللي بنحتاجه في تعلم اللغة الإنجليزية السليمة ..

بالاضافة للشي المهم ..

وهو .. شهادة المعهد .. >> من فين معتمدة ؟؟؟

أنا والله أدرس في معهد وحبيتوووو مررررره >> وللآن بدرس فيه >> دعواتكم

وحبيت أنزل إعلانه هنا >> عشان تستفيدو منو ..

لاني كنت ضااايعة في الإنجليزي

وماأبغا منكم الا الدعاااااااء ...

والحلو فيه انو فيه محاضرة تعريفية ..

يعني تشوفي شرح الاستاذة قبل تسجلي في البرنامج ..
وتتعرفي على البرنامج أكثر ..

وإعلانو هنا

والله يوفق الجميع لما يحبه ويرضاه ..

[رقة الورد]

يسلموووووووووووووووووووو حبيبتي ..

[wallo]

اتذكر صحبتيين ليا درسو فيه يقولو مرره حلوو يقولو احسن من النيوهورايزن يقولو تعاملهم وو شرحهم ..

بس مادري المستقبل هوا نفسو آمال المستقبل ؟؟؟؟؟؟

[سكووت]

انا في شي ابغى افهمو بليز اللي عندو معلومة يقول ليا ..
لو فرضا سجلت بمعهد انقلش معتمد طبعا وغلقت منو وانا اصلا باقي ليا تقريبا سنتين على التخرج
يعني شهادة المعهد حتجلس معايا سنتين هل وقت التقديم على وظيفة يقولون ليا شهادتك قديمة ؟؟لانو حيكون مر عليها سنتين !! فايش يعني أأجل الدراسة بمعهد لمن اتخرج ولا عادي اجمع دورات من دحين ..انا درست بمعهد كمبيوتر وتصميم فني بس باقي ماغلقت وقفت قلت لمن اتخرج اكمل عشان يتسجل بشهادة المعهد تاريخ بعد تاريخ تخرجي عشان ماتصير شهادة المعهد قديمة !!ادري شرحي ضارب بس مشو حالكم ..فشو رأيكم ارجع اكمل بمعهدي واسجل بانقلش ولا نو ..وسوري على التطويل والتمطيط بالهرج *-*

[wallo]

^^
فيه نظام جديد نزلووه انو لما ترووحي تقدمي ع وظيفه ياخدوو بس الدورات اللي اخدتيها بعد ماتخرجتي بس اثنااء الجامعه او قبلها لو تكووني ماخده 98765789 دووره مايحسبووها لييكي شووفتي القهر كيف :(

يعني خلووها لبعدين اصررف بس تضيعو وقت و مووني عالفاضي ..

[تورللي]

^^
ماتقدري دوراتك كلها لازم تكون بعد تاريخ التخرج

[wallo]

^^^

ايوا نفس الكلاام اللي كوونت بقوولو :(

والله شي يرفع الضغط >:(

[إلهام]

ايوا والله من جد قهررررررر


::::
على العموم شكرا لصاحبة الموضوع ويعطيكي ألف عآآآفية

[nour al3mr]

ربي يعطيك العافية ويجزاك خير على الموضوع..
مهم ان الواحد يطور لغته الانجليزيه لانها مطلوبه في كل مكان واللي مايقدر يروح معهد في مواقع على النت تعليميه رائعه ..
اهم شيء يكون في رغبة واراده واصرار ومثابرة.
ربي يوفقك وينفع بعلمك..

[Bnt Baba]

الله يعطيكمـ العافيهـ عالتفاعل الحلوووو

بالنسبة للإنجليزي ..

نصيحة لوجه الله لاتنظري لما تتخرجي ..

لأنو بتحاتجيه كثييييييييييييييييييييير >> وأول شي لو بتقدمي عالماستر ..

وماأتوقع يطالعو في شهادة الإنجليزي الا لو بتقدمي على وظيفة معلمة إنجليزي

لك لو بتدرسي وتتعلمي انجليزي وتقدم على أي وظيفة او عالماستر

راح يشوفوا شهادة التوفل أو شهادة بديل التوفل

أو يعملوا لك اختبار مقابلة >> طبعا أنجلش x أنجلش

أما الكمبيوتر >> أجليه للتخرج أو قبل التخرج >> لكن تاريخ وثيقة الكمبيوتر تكون بعد تاريخ اصدار وثيقة الباكلوريوس > هيه اللي بتنحسب لك دورة

وبالتوفيق ياااااارب

واتمنى تزوروا المعهد وتشوفوا المحاضرة التعريفية .. واذا ناسبك سجلي

واذا ماناسبك >> هع هع >> لاتعليق

ودعواتكمـ ..