تجمع لكل المتقدمين لماستر علم النفس

[shada_Ak]

السلام عليكم


طبعا زي ما نحن عارفين اختبار الماستر يوم21 من الشهر دا

ونحن اليوم 5 يعني باقي على اختبار نا 16 يوم

وانا حابه نساعد بعض في الكم يوم دي ونركز على الاختبار

طبعا كلنا عارفين انو اول مره يفتح ماستر كان الترم اللي فات والاغلبيه لقيت صعوبه

خصوصا انو طريقة الاسئله ما كانت معروفه بالنسبه لنا ولا في مراجع

http://www.skaau.com/vb/showthread.php?t=126432

المره هدي إن شاء الله محانتخبط في موضوع طريقه الاسئله والمراجع سار عندنا فكره عنها

خصوصا ات المسار المفتوح هوا جنائي


طيب الموضوع دا مفتوح علشان نناقش فيه :


1_ المراجع والكتب اللي حتذاكر/ي منها للاختبار (كل واحد يذكر المراجع اللي يشوفها مهمه مره وحيركز عليها)

2_ طريقة الاسئله كيف تتوقع تكون ؟

3_ ذكر اسئلة الامتحان السابق وحلها الصحيح علشان الكل يستفيد

4_ ذكر اي معلومه لها علاقه بالمجال اوي اي معلو مه تعتقد انها تفيد وتساعد في الاختبار

5_ مناقشه كل ما فات وتصحيح الاخطا لبعض علشان تعم الفايده


طيب

إن شاء الله الاقي تفاعل

واللي حابب يضيف شي يضيفه

الله يوفق الجميع

[shada_Ak]

طيب ابدا أنا

بالنسبه للمعلومات العامه من تجربتي في الاختبار اللي فات لقيت ان كتاب

1_ الامين في تنميه المهارات لاجتياز اختبار القدرات للقبول في الجامعات

فيه بعض المعلومات العامه اللي جات منها في الاختبار او يجي منها ممكن

[روعة الكون1988]

طرح رائع وسلمت يداك...
انـا بصراحه ماعندي خلفيه للاختبار اول مره بأختبرو الاغلبيه قالت انو مثلو مثل القدرات ،مثل ماتفضلت وقالت الاخت شهد..

[Psychologist.B]

هذي اهم الكتب الدراسيه في البكالوريس اتمنى تفيدكم*

*مناهج البحث في علم النفس د.رزق سند د.سناء محمد
*مسارات ت الى علم النفس د.زكريا احمد د.رشاد صالح د.السيد خالد
*علم النفس الجنائي د.رزق سند د.سناء محمد د.السيد خالد

Psychologist.B

[الحالمة 2010]

بنات الاختبار منوع و طويل و يبغاله تركيز...

اعتقد ركزوا على كتاب احمد عزت راجح جدا مهم ...

وعلى مناهج البحث جات عليها كم فقرة...

وكم مصطلح انجليزي...

وطبعا القدرات الجزء اللفظي جدا مهم ...

اما بالنسبة للمقالي كان عبارة خطة بحث عن سيول جدة و كان نفس السؤال في اختبار وظيفة المعيدة...

[shada_Ak]

اما بالنسبة للمقالي كان عبارة خطة بحث عن سيول جدة و كان نفس السؤال في اختبار وظيفة المعيدة

لازم تطلعو على خطوات البحث

[SO.]

المشاركة الأصلية كتبت بواسطة shada_ak لازم تطلعو على خطوات البحث

ايش هي الخطوات ؟

[طموحي أعلى من القمة]

بليز ساعدوني وارسلو لي الخطه الدراسيه لعلم النفس والبرامج لانها ما تفتح معاي بموقع العماده

[shada_Ak]

خطوات البحث

1- اختيار المشكلة البحثية.
2- القراءات الإستطلاعية.
3- صياغة الفرضية.
4- تصميم خطة البحث.
5- جمع المعلومات وتصميمها.
6- كتابة تقرير البحث بشكل مسودة.

[om badore]

با النسبه لاختبار القدرات انا توي جايه من جرير مشتريته
اصدار مركز قياس