ممكن المساعده دعوه الى الابضاي يلدرم ... والاخرين...

[loomy]

السلام عليكم ورحمه اله وبركاته
اتمنى من الجميع المسااااااااااااا عــــــــــــــده...
والله ما كتبت المو ضوع هذا هنا ...
الا لأني محتاجه كثييييير إلكم...
والله إني ضاااااااااايعه ومحتاااااااااااره...
لذالك ارجو من كل اللي عنده مساعده انو يقدمها الي حتى لو كانت بسيطه..
وابغاكم تعرفو اني اتمنى النصيحـــــــــــــــــــــه قبل المساعــــــــــــــــــــده...
انا عندي رغبه وطموح اني اكمل وادرس طب وبشري كمان والله هذا طموحي...
بس ربي ما كتبلي بالجامعه ...
ايش رايكم ادخل كليه البترجي ..
ولا ابن سينا ...
ولا الجامعه بس مدري كيف نظامها هل فيها تأهيلي طب انتظام...
بس البترجي مضمونه وبيني وبنكم والله انو اسعارها غاليه شوي...
بس الجامعه اسعارها حلوه سمعت انها بــ16 ومدري هل هي كل سنه بـــ 16 وطب بشري انتظام ولا كيف
نصحوني بالجامعه وانا قلتلكم انها ماهي مضمونه...
اقولكم ايش سمعت وايش شفت...
سمعت انو بالجامعه حاطين بس 150 كرسي للطب...
لا وكل سنه بيصفو من الطلاب والطالبات..
المقصود منشان يبقى أقل عدد منهم . وهذا اللي انا خايفه منه...
وهل انا منهم ولالأ... ولا صحيح هذا الكلام ولالأ...
وشفت انو الناس اللي متخرجه من الجامعه .. طب .. منقرضين..والله بعمري ما سمعت عنهم..
كل اللي اسمع عنهم انهم من الخارج يعني درسو بره..
اذا كان رايكم انو اسجل بالجامعه ... طيب ماشي...
بس كيف ؟؟؟
يعني اسجل تأهيلي بــ 16 لأنتظام تحضيري هذا اول سنه..
طيب واللي بعدها هل موجود اني اختار القسم اللي ابغاه
على كيفي يعني يمديني اكمل طب بشري...
وبكم لكل سنه ومضمونه ولا ايش تنصحوني والله خايفه ...
على آخر سنه اتفنش اكيد فهمتوني ...
والله اني عارفه اني طولت عليكم...
بس بجد اعذروني هذا مستقبلي ولازم احدده ...
اتمنى من الكل المساعده وشكرآ,,,

[loomy]

بالله تساعدوني ليش محد رد عليا انتظركم
على اعصاب حاره
ارجوكم ساعدوني

[بنت الشرقيه]

حبيبتي يمين بالله لو اقدر افيدك مابخلت

بس مالي خلفيه بهذا الشئ يارب يفيدوك بااقرب وقت

وربي يوفقك ويسر امورك ويسهل دربك ويكتب لك الخير ويحقق طموحك

[mS.rOsY]

مادري في طب تاهيلي ولالا

انا كنت تاهيلي علووم

هيا سنه وحده تحضيريه

الترم 8 الاف

والسنه كلها 16 الف
لوجبتي معدل فوق 3 او 3 ونص يحولوكي انتظام عادي

ولو اقل مادري


انا الحمدالله حوولت

ودخلوني القسم اللي ابغاهـ بنفس الكليه

وابغا احول لكليه تانيه

بس ماقدر الا بعد ترم

حاخد دا الترم في العلوم وبعدو أحووول

وموفقه...

[loomy]

فيه سنه تحضيريه طب بشري تأهيلي واكمل على كذا لين اتخرج ولا كيف
وكمان ايش يعني يحولوني وعلى ايش يحولوني ماني فاهمه شي

[يلدرم]

بالنسبة للتأهيلي كان بس علوم واقتصاد

ماعندي معرفة بالنظام الجديد والجامعة ماوضحت دا الشئ بس كتبت كليات متاحه

[رمروم]

صراحة مااعرف عن نظام الجامعة الجديد بخصوص السنة التأهيلية لكلية الطب
بس نصيحة اخوية اي مكان تدرسي فيه اول شي تاكدي من الاعتراف به في وزارة التعليم العالي
وبعدين نصيحة تانية شوفي ايش التخصص الي تبغيه وهل هو موجود في المكان الي تبغيه ولا لا
والاهم من هذا نصيحة مهمة جدا لاتدخلي مجال تكوني مغصوبة عليه يعني مو اهلك يبغوكي تدخلي الطب عشان تصيري دكتورة يصير تدخليه عشان رغبة اهلك المهم تكوني انتي قده وقدود على قولتهم
وكم من ناس دخلت كلية الطب وماقدرت تكمل عشان صعوبة الدراسة او لغتهم الانجليزية ضعيفة او يخافو من التشريح

وفي كل الاحوال مانقول غير الله يوفقكم

[حوريه جده]

انا دخلوني كلية التربيه وابغى ادخل الجامعه ؟؟اذا جبت نسبه عاليه في الكليه
اقدر احول للجامعه ؟؟ وانتظام ؟

[shahoda]

والله أفكارك زي أفكاري وأنا بعد
محتارة .. اليوم شفت ابن سينا ..والله حلوة مو بطالة ..
لكن أنا ابغى الجامعة .. نفسي أعرف في تأهيلي لطب ..
وهل مضمون دخولنا ؟؟؟ بس مافي أحد يعرف شئ عن النظام :(

وأهلي يقولون ,مالنا إلا البترجي أو ابن سينا .. لكن أنا أحس
أنه في فرصة خصوصا في التأهيلي ..

يارب يارب .. يكون في تأهيلي للجامعة بحيث ندخل كلية الطب ...
يارب

[loomy]

شوفو انا شفت البترجي بس واله غاااااااااااااليه
يعني هذي الصراحه
بس اهلي موافقين
وانا كمان حاسه انو فيه سنه تأهيلي طب