ترم صيفي يا جماعة الخير !!!

[هداية الرحمن]

بسم الله الرحمن الرحيم
كيف حالك يابنات ان شاء الله تمام
والنفسيات عال العال على اخر الترم مع اني اشك اشك اشك
المهم
طبعا الترم الصيفي دا مجنني ماخليت مكان مارحت ولما رحت العمادة ما اقولكم على الاسلوب على طول لا مدامكم مستوى 4
بس سمعت البنات بيقولو انو في مبنى الادارة والاقتصاد بيروحو يسجلو اسمائهم اسمو انو شرف المحاولة
ورحت الحمدلله وسجلت اسمي فقلت يمكن لما يشوفو العدد مرة كبير يفتحولنا
فاليحابة انها تدخل ترم صيفي
تتوجه للمبنى الثاني " مبنى الادارة والاقتصاد " الدور التاني سمارت روم 2 عند الاستاذه جيهان مدني وتسجلو اسمكم
هيا حتكون اول غرفة في وجهكم على يدكم اليسار او ما تطلعو من الدرج
المهم انا لقيت البنات تقريبا مجمعين على نفس المواد
جنائي خاص _ دولي عام _ احكام التزام _ إثبات
طبعا هيا المفروض بس 3 مواد بس انتو اكتبو
لعلا ولعسى ربنا يهديهم ويفتحولنا
وموفقين يارب
ومعليش على الاطالة بس بليز روحو سجلو قبل نهاية الاسبوع وحتى لو مالقيتو استاذه جيهان اسئلو عن الكشف تبع الانظمة وسجلووو
بيـــــــــــس

[Lawyer Saeed]

الكلام ينطبق على الشباب ?

[:::Zaza-.-MaZaza:::]

طب حبيبتي هداية ماذا لو كتبت اسمي وتراجعت بعدين ؟؟ هل حيترتب على كتابة اسمي اني التزم بالترم الصيفي ؟؟!! ولا عادي حتى لو كتبت وغيرت رايي بعدين , عشان مو متاكده اذا شوور حاخد صيفي ولا لاء !!!

[قلبي من زجاج]

انا شفت ورقه كتوب فيها انو الترم الصيفي بس للمتخرجين ورئيسه القسم قالت هاذا الكلام (يعني بالعربي لاحياة لمن تنادي عيشي اجازتك وارتاحي )

[هداية الرحمن]

بالنسبة للاخ Lawyer Saeed
فا انتو الاولاد مفتوح لكم في اي وقت تبغوه واي مستوى على حد علمي كالعادة التفرقة العنصرية :S
اما يا Zaza-.-MaZaza
فهادا التسجيل بس احصائية عشان يشوفو كمية عدد الطالبات الي يبغو الترم الصيفي وايش هيا المواد عشان ينزلوها يعني دا التسجيل غير ملزم
اما على كلام قلبي من زجاج
فهما بيقولو كدا عشان مافيهم يفتحو شعب اما الترم الصيفي مفتوح لجميع المستويات ابتداء من التحضيري الى المستوى الثامن بس بعيد عنك كسل ومافيهم يشتغلو في الصيف
وسلامتكم

[نوناآاآ]

طيب مدة الصيفي من كم الكم..؟؟
يعني يبدا بأي شهر بالضبط؟؟ لأني سمعت انه ينتهي في 22/9 ..
ومشكوورين..

[][..sMaA..][]

بعد اسبوعين من الإجآزة يبدأ الييين نص رمضآ حسب علمي < مني متأكدة برضو ..

هدآية لآزم كآن خلال الأسبوع اللي فآت :| ،، أنآ مامداني اروح :s

[في سلم الطائره]

اعتقد الاختبارات النهائيه تكون برمضان بس ..
يعني مثلاُ اذا نزلت 3 مواد
ماده 4 رمضان وماده 7 رمضان وماده 14 رمضان

وعلى حسب الدكتور اذا خفف عنكم مااعتقد فيه محاضرات برمضان خاصةً دي السنه زنقه مره .. لانه الترم الصيفي كل بعد سنه ينزنق زياده .. اخاف السنه الجايه بالترم الصيفي نختبر يوم العيد >> لايكثر