اروح بكرا للجامعة؟؟؟

[miss nony]

السلام عليكم ورحمة الله وبركاته
اليوم جاتني رسالة من الجامعة وقالوا فرصه تم ترشيحك للمسار الاداري الانساني فقط بالجامعه للمراجعه مبنى 420يوم الثلاثاء وانا اصلن علمي وغير كدا
انا اول شئ حطوني بكلية التربيه واستمارتي على اساس انو تربيه سؤالي
اروح بكرا الجامعه؟؟؟طيب واذا طلبو مني الاستمارة راح تكون تبعت الكليه لان لمن دخلت مرة ثانيه على صفحتي لقيت انو موعدي على الكليه
واليوم ارسلوا لي مسج بليز ساعدوني ابغى الرد اليوم

[متفآئلهـ]

اختي روحي لهم ...

لانوا بنت خالتي نفس حالتك علمي ...

و اختي سألت الجامعة قالت اذا تبغى تجي تسجل و اذا ما تبغى بكيفها لكن اظنوا انتقالي مو تحضيري و انتي بكيفك ...

طيب كم نسبتكي الموزونة ؟؟؟

[طالبة محاسبة]

اي اكيد تروحين فرصه تجي لعندك وتفوتيها وزين منهم ارسلوا يعني ادخلي اي مسار المهم انتظام بالجامعه
ربي يوفقك

[noo0oona]

اي صح كم نسبتك بالموزون؟

[لول]

اختي توكلي على الله وروحي انا اقلك ليه لانو في ناس اعرفعم قدموا علمي لكن ماحلفهم الحظ وحولهم انساني ووافقو انهم يروحو انساني لكن بعد ماسو كل شئ جاتهم رسالة انو فيه فرصة لك بالمسار العلمي ورحوا اليوم واخذوا منهم البطايق وعدلوها لهم خلوها مسار علمي ..
فاذا ارسلولك رسالة انو في فرصة وانتي رغبانة الانساني فتوكلي على الله وروحي واللي الله كاتبة بيكون فيه الخير..

[حسبي الله ونعم الوكيل]

انا كمان ارسلولي نفس الرساله ..
وحروح بكره ان شالله واشوف الهرجه ..
بس ادا مو انتظام اروح الكليه احسن لي ..
والله ييسر كل شي ..

مع العلم انا نسبتي الموزونه 83 %
والله يوفقنا ..

[noo0oona]

اختي حسبي الله حتى لوانتقالي المهم انك بالجامعةيعني حظك حلوجاك قبول لحدك انالومكانك اقبل اعتقدافضل من بعض الاعضا حيدفعو 16الف بس عشان ينتظموبالجامعه

[يلدرم]

روحوا 8 تكونوا في المبنى ومعاك الجوالات عشان يشوفوا الرسائل وكل المستندات

[miss nony]

خلاص شوركم وهداية الله بروح بكره وربي يسهل ويقدم الي فيه الخير
وللاخوات الي سالوا عن نسبتي الموزونه انا 83،75%
ادعولي انو ربي يسهل امري
وبالنسبه للموعد انا يايلدرم قالوا لي تعالي الساعه 11 يعني برايك اروح من 8افضل؟؟؟
تحياتي للجميع

[يلدرم]

ايش كتبو في الرساله؟