تجمع للمقبولين والمقبولات في ماجستير علوم الحاسب 1431

[الدرروالحور]

الأخت الجوهرة
ما أدري عندك شهادة توفل أو أيلتس أو ستيب؟
إذا عندك يعني خلاص ماتحتاجين تدخلين الإختبارات حقتها وتعدينها
وأيضا ماعندك مواد تكميلية
أنا والله خايفة من شرط اللغة
أخاف ما انجح فيها
مع إن أملي بالله كبير
إذا ياأختي عديتي الإختبار
قولي لي
كيف انجليزيتك؟

الله يوفقك

[الدرروالحور]

يا جماعة الخير
وين التجمع اللي تقولون عليه وينكم؟؟
تراني كل يوم ادخل اتطمن
ولا الاقي غير نفسي!!!!!

[itx005]

رحت الجامعة اليوم و أول ماصلت رحت عمادة الدراسات العليا وصلت الساعة 9 إلا وفتحوا الباب حق الغرفة اول ماوصلت أصلا ماكان في أحد غيري ودخلت لقيت 3 موظفين محترمين سلمت عليهم وقالوا لي أيش التخصص قلت لهم حاسب وطلب اسمي وقعد يدور في الأوراق وبعدين راح وطلع مجموعة أوراق بأسمي وسألني طبعا عن اللغة قلت له لسه ما اختبرت واعطاني ورقة قبولي ولقيت عندي مادتين تكميلية :

• Computer Organization
  
• Database 1

قلت له يا بو الشباب هادي المواد درستها لما حفروا البحر وانا خريج من عندكم ومن قسم الحاسب !!!!
قل لي الكلام دا تقولوا للكلية تبعك راجعهم ويمكن يعفوك منها قلت له خير ربك يسهل أما بالنسبة للغة عندك فترة ترمين تحاول تجيبها ترم تبع موادك التكميلية وترم تقدر تأجله ، وخرجت دغري على الكلية و رحت للمرشد الأكاديمي تبعي لقيتي في وجهي أول ماطلعت و شرحت له وضعي ايش قلي؟
قلي دي المادتين انتا ما جاوبت فيهم مضبوط في الاختبار عشان كده نزلنا لك هيا، انا خبصت في Operating system أكتر من اي شيء تاني بس مشي الحال قلي شوف روح للمدرسين حقين المادة واتكلم معاهم يمكن يعفوك.
الصراحة ما حصلت غير مدرس قواعد البيانات الصراحة كان جدا محترم اتكلمت معاه و وريته الترانس سكربت تبعي وبما اني عندي شهادة أوراكل و خبرة قلي انتا رايح تضيع وقت لو درست معايا الكورس دا وانا ممكن أعفيك بس يوافق مدير القسم قلت له خير ويعطيك العافية.

وخلينا نشوف ايش يصير الأسبوع الجاي و ربنا يسهلها
بس ماكان في أي تعقيد ولا مشكلة مدري يمكن رحت في وقت كانت الدنيا فاضية ؟!

[leenah2010]

هلا بالجميع منورين <<بدري
العذر والسموحة منكم (وبالذات الدرر والحور) على طول الغياب..
إلا بغيت أسألكم
اللي ما حققوا شرط اللغة ولا عندهم مواد تكميلية (زي حالتي) سمعت إنهم
لازم يؤجلوا ترم عن طريق موقع الجامعة ولا يطوون قيدهم!
أما اللي عندهم مواد تكميلية عندهم مجال يختبروا قبل الدراسة الفعلية،،

اش نسوي الحين يا جماعة الخير؟ نؤجل من جد؟؟ <<ما تبغى

[Hope Never Dies]

المشاركة الأصلية كتبت بواسطة leenah2010 هلا بالجميع منورين <<بدري العذر والسموحة منكم (وبالذات الدرر والحور) على طول الغياب.. إلا بغيت أسألكم اللي ما حققوا شرط اللغة ولا عندهم مواد تكميلية (زي حالتي) سمعت إنهم لازم يؤجلوا ترم عن طريق موقع الجامعة ولا يطوون قيدهم! أما اللي عندهم مواد تكميلية عندهم مجال يختبروا قبل الدراسة الفعلية،، اش نسوي الحين يا جماعة الخير؟ نؤجل من جد؟؟ <<ما تبغى

انا اللي فهمته انو آخر موعد لتأجيل الترم الأول هو 16 رمضان ودا الكلام في موقع العمادة الرسمي
يعني معانا فرصه الين دا الموعد (16 رمضان) انو نجيب نتيجة االاختبار
وبما انو اختبار Step حيكون 3 شعبان يعني ان شاء الله يمدينا نختبر وتطلع النتيجه ولو حققنا الدرجه المطلوبه خلاص ما في داعي للتأجيل ولو لا سمح الله ما حققنا ديك الساعه لازم نأجل الين ما نقدر نختبر ونجيب الدرجه..

الله يوفقنا كلنا ويسهل علينا اختبار Step

[ازدهار بيفاري]

السلام عليكم ورحمة الله وبركاته

كيف حالكم بنات؟

اليوم راجعت الجامعة وطابقوا أوراقي وكان كل شيء الحمد لله تمام
لكن عندي مواد تكميلية في تنظيم حاسبات وقواعد بيانات
وانا صراحة استغربت خاصة ان قواعد البيانات كان أساس مشروع تخرجي
فقالت راجعي قسم الحاسب عند دكتورة سمر لكن للأسف ما لقيتها
بالنسبة للغة قالت لي الموظفة ان آخر يوم لتسليم النتيجة في رمضان وأعتقد يوم 16
واذا كنت موظفة طالبين تفرغ من جهة العمل
فإنت تطلبي إفادة تعربف بإنك مقبولة في الجامعة حتى تبدأي إجراءات التفرغ

بالتوفيق

[arwa_cs]

السلا عليكم
عندي سؤال ارجو الاجابة علية للاهمية الشروط المطلوبة في اللغة و ومسالة التاجيل تنطبق على الحاصلين على منح تبادل ثقافي للجامعة اذا ما عندكم اجابة ممكن اذا سمحتم تسالوا لي القسم.

[أ.أم سارة]

اهلين الف الف مبروك للي انقبلوا..الله يسهلها عليكم ويعوضنا بخير منها يا رب

ايش اخبار سارة وشروق ما تدرون عنهم؟؟ انقبلوا ولا مثل حالتي؟؟

[leenah2010]

* سبحان الله وبحمده، سبحان الله العظيم *

[leenah2010]

Hope Never Dies
يعني بينهم شهر تقريبا، الله يسعدك طمنتيني..

هلا بأخواتي ازدهار وأروى وأم سارة
نورتوا الموضوع بتواجدكم

ازدهار احنا بخير ونعمة الله يسلمك، انتي كيفك؟
الله يعينك على المواد، وإن شاء الله يلغوها لك إذا راجعتيهم زي ما حصل مع اتكس
بشرط موافقة القسم..

أروى ما عندي أي فكرة، الأفضل ترسلي سؤالك للأستاذ عماد الحسن عالخاص وإن شاء الله يفيدك..

أم سارة خيرة لك يا قلبي، وربي يعوضك بأحسن مما تتمني إن شاء الله،
والبنات اللي تسألي عنهم إن شاء الله يجوا ويبشرونا

طيب بالنسبة للراغبين في دخول اختبار ستيب القادم بمشيئة الله،،
لابد لنا أولا بعد الاستعانة بالله أن نضع النجاح نصب أعيننا ولا سيما أن هذا الاختبار
فرصة مناسبة جدا وأسهل من البدائل الأخرى (التوفل/الآيلتس) حسب ما سمعت..
فشدوا الهمم وخلونا نتعاون جميعا ونفيد بعض قدر ما نستطيع..

أول خطوة لازم نسويها هي فتح ملف في موقع المركز الوطني للقياس والتقويم على الرابط

http://www.qiyas.org/Qiyas/info/Default.aspx

والآن أشرح لكم الخطوات:

1- في الصفحة الرئيسية للموقع اضغط على "الدخول إلى ملف الطالب"


2- اختر "مشترك جديد"


3- أدخل بياناتك الأساسية في الفورم واضغط على "إرسال"


4- راح يظهر فورم طويل يشمل بياناتك الأساسية والشخصية


ويطلب إدخال رمز الجهة التعليمية، اضغط على "اضغط هنا لاستعراض رموز الجهات"


ستظهر نافذة تطلب منك إدخال اسم الجهة التعليمية والبحث


إذا وجدت الجهة المطلوبة في نتيجة البحث قم باختيارها


وإذا لم تظهر الجهة المطلوبة في نتيجة البحث، اضغط على الرابط كما في الصورة


ستوضع "99999" في خانة رمز الجهة ويطلب منك إدخال البيانات التالية


بعدها أكمل تعبئة الفورم ثم اضغط على "فتح الملف"


5- ستظهر نافذة بالبيانات التي قمت بإدخالها، تأكد منها ثم اضغط على "أقر بأن جميع البيانات أعلاه صحيحة"
أو اضغط على "تعديل البيانات" للتعديل


6- ومبروك بكذا تكون فتحت ملفك بنجاح، ويظهر أمامك رقم المشترك ويرسلونه على جوالك،
اضغط بعدها على "الذهاب لصفحة تسجيل الدخول"


7- ترجع صفحتنا الأولى، وتسجل فيها الدخول برقم السجل المدني ورقم المشترك


8- وأخيرا يظهر ملفك وقد برز فيه اسمك، اتأمل واتصفح فيه قد ما تبغى <<حلالك

(ركزوا على الرصيد)

بكذا نكون أنشأنا الملف بس، الخطوة الثانية هي تسديد الرسوم (100 ريال)،
لكن التسجيل في الاختبار يكون بعد ما يتيحوه في الموقع قبل موعد الاختبار بـ 7 - 10 أيام تقريبا،
ووبس، إن شاء الله أكون أفدتكم، ويلا الكل يفتح ملفات

هذا الرابط اللي حيعلنوا فيه عن بداية التسجيل للاختبار
http://87.101.230.11/exams_list.aspx

وانتبهوا لا أحد منكم يؤجل ترم لحد ما نختبر ونشوف النتيجة، وبعدها يصير خير إن شاء الله..
..فـــتـكـــم بعـــــافية..