استفسار عن الماجستير الترم الجاي

[د. كنوز]

السلام عليكم

في البداية عذرا لو كان الموضوع مو مناسب

أبغى أسأل عن الماجستير

إيش أعمل إيش أسوي

فين أقدم ؟

أنا شفت أستاذ عماد في موضوع بقسم كلية التربية يقول على إختبارالقياس فممكن تفيدوني عن هذا الموضوع

جزاكم الله خير دلوني محتارة و ماني عارفة إيش أعمل

و كيف أختار التخصص اللي أكمل فيه دراستي ؟ و لازم يكون عندي التوفل .

عذراً ع كثرة الأسئلة

[physmyth]

اهلين فيك اختي

اول خطوة تعمليها انك تسجلي بمركز القياس واذا فتح التقديم على اختبار الكفايات (اختبار خاص باللغة الانجليزية مثل التوفل بس أسهل) تسجلي فيه وتدخليه واعتقد موعده بيكون 1-2/8 (الدرجة المطلوبة 52)

عادةً في شهر 11 يفتح التقديم على الماجستير العام للفصل الدراسي الثاني
ارفعي شهاداتك: الوثيقة التوصيات (تحتاجي توصيتين من دكتورات درسوك) والهوية وكشف الدرجات
على جهازك لأن التقديم الجاي ممكن يكون الكتروني يعني ترسلين شهاداتك عن طريق موقع العمادة
طبعاً لما يفتح التسجيل بتكون فيه استمارة تعبيها ببياناتك وتسوي لها ارسال ويطلعلك رقم ترشيح ترسليه برضوه مع الأوراق

بعد كذا تستعدي لاختبار القسم اللي اخترتيه
الافضل والاضمن في القبول انك تختاري نفس تخصصك مع انه فيه كثير انقبلوا في تخصصات غير تخصصاتهم
لكن شوفي رغبتك وميولك

يقولوا بدل اختبار القبول للقسم فيه اختبار قدرات من مركز القياس لكن الله أعلم أكيد أو لا.


بالتوفيق

[راسين]

اول شيء سجلي في اختبار القدرات والكفايات من موقع القياس

ثاني شيء انتظري التقديم للماستر الترم الجاي (عام)
السنة الجاية (خاص +عام )

ثالثاً اختري التخصص المناسب لكِ مع العلم في اقسام ما تاخذ غير خريجاتهم وفي اقسام ياخذوا من كل الاقسام

الله يوفقنا

[د. كنوز]

طيب الله يجزاكم خير و يفرج عنكم

الحمدلله أنا سجلت بالكفايات أما القدرات مو راضي يطلعلي رقم المركز بأرجع أحاول فيه بعدين


بعد التسجيل في شيء معين أذاكره كتب أو من فين سواء للكفايات أو القدرات ؟؟


معليش بأتعبكم بكثرة الأسئلة

[بنت جدة المنكوبة]

أيوا سجلي في إختبار قياس يوم 1/8
والقدرات الجامعيين يوم 29 /7

[راسين]

سجلي في الاثنين افضل لكِ طالما انك ما تدري اش ناوية تقدمي يعني قسم ايش في الماستر

وفي المنتدرى اسئلة مختلفة عن القدرات والكفايات اما مراجع بحد ذاتها لا مافي

انت اتصفحي المواقع راح تشوفي كمية اسئلة للقدرات والكفايات وتقول بنفسك ما في داعي للكتب

لا عادي كلنا كنا كذا

[د. كنوز]

الله يجزاكم خير أنا عدلت مشاركتي فوق و ما شفت ردودكم

يعطيكم العافية

ما استغنى عن خبرتكم ربي يوفقكم ياارب

[د. كنوز]

معليش بس مشكلة بسيطة

أبغى رمز الموعد لاختبار القدرات بجدة - الكلية الأدبية - علمي
أبداً مو راضي يطلع معي إيش أعمل ؟؟

شكراً جزيلاً

[Ms.sultan]

معليش ممكن سؤال ؟
هل ممكن يقبلوا انتساب ؟
وهل لازم يكون المعدل عالي ولا عادي ؟
واحنا لسة مااستلمنا الوثيقة ,يعني ممكن اقدم الان؟
معليش اسألتي غريبة بس بليز جاوبوني
ايوة صح نسيت
هل هي بلاش ولا بفلوس ؟
سوري
الله يوفقكم يارب

[د. كنوز]

المشاركة الأصلية كتبت بواسطة د. كنوز معليش بس مشكلة بسيطة أبغى رمز الموعد لاختبار القدرات بجدة - الكلية الأدبية - علمي أبداً مو راضي يطلع معي إيش أعمل ؟؟ شكراً جزيلاً

اخترت كل الاختصاصات هو اللي ظهر له رمز ينفع أو لا ؟؟