اريد منكم خدمة للتسجيل بالانتساب

[اهل جدة ياحلاهم]

اسعد الله صباحكم ومسائكم بالخير

يشرفني
انا اكون احد الاعضاء في هذا المنتدى


وعندي بعض الاسئلة

انا سجلت بالانتساب لهذه السنة

وفي مشكلة بسيطة بس للاسف ما لقيت لها حل

نسبتي 68و18 وعند تعبيئة الاستمارة على الموقع وبعد محاولات ظهرت لي النسبة التقريبية 68و19
هذا الامر عادي والا لازم تظهر النسبة الصحيحة وايش اسوي عشان تظهر صحيحة ؟

الشي الثاني انا من سكان جدة ومطلوب الشهادة صورة طبق الاصل مختومة من الوزارة بس حاليا انا بالرياض وراح اجلس شهر كامل هل يصلح اني اختم الشهادة من الوزارة بالرياض والا لازم من جدة واذا كان لابد انا اختمها من جدة هل يصلح انا ارسل شهادتي الى صديقتي وهي تروح تختمها من الوزارة وترسلها على الdhl
ياليت تفيدوني ولكم خالص الشكر

[العلم والعالم]

النسبة عادي جدا ما فيه مشكلة


والختم تقدرين تختمين من أي فرع للتربية والتعليم في المملكة

لكن للمعلومية لو أرسلتي أوراقك من فرع dhl الرياض

سوف ترسل لك البطاقة الجامعية على فرع الرياض

[اهل جدة ياحلاهم]

يعطيك العافية على الرد الي من جد سهل علي امور كثيرة

بس بالنسبة لو ارسلو البطاقة من فرع الرياض هل يوجد مشكلة ؟وهل سيتم قبولي إن شاء الله؟

[sarh1400]

بإذن الله سيتم قبولك وليس هناك مشكله

لكن لما تقبلي سترسل البطاقه الجامعيه لنفس الفرع اللي أرسلتي منه الأوراق

فمن الأفضل ترسليها من جده

[ع الشمراني]

اختمي الصوره من اي مكان ومثل ماقال لك مشرفنا الغالي العلم والعالم

او اعطيها اي احد من اخوانك او اقاربك ويروح عمادة القبول والتسجيل بالجامعه
ويختمها من هناك بشرط احضار اصل الشهاده معاه

ولو ترسلي اوراقك من جده افضل لك عشان استلام البطاقه يكون من جده
لان استلام البطاقه راح يكون من نفس الفرع اللي ارسلتي اوراقك منه

[اهل جدة ياحلاهم]

المشاركة الأصلية كتبت بواسطة sarh1400 بإذن الله سيتم قبولك وليس هناك مشكله لكن لما تقبلي سترسل البطاقه الجامعيه لنفس الفرع اللي أرسلتي منه الأوراق فمن الأفضل ترسليها من جده

شكر لدعائك لي وسهل الله امورك

كما اشكرك على التوضيح ويعطيك الف عافية

[اهل جدة ياحلاهم]

المشاركة الأصلية كتبت بواسطة ع الشمراني اختمي الصوره من اي مكان ومثل ماقال لك مشرفنا الغالي العلم والعالم او اعطيها اي احد من اخوانك او اقاربك ويروح عمادة القبول والتسجيل بالجامعه ويختمها من هناك بشرط احضار اصل الشهاده معاه ولو ترسلي اوراقك من جده افضل لك عشان استلام البطاقه يكون من جده لان استلام البطاقه راح يكون من نفس الفرع اللي ارسلتي اوراقك منه

اشكرك على التوضيح وجزاك الله الف خير

[يعقوب القوت]

أنا ارسلت اوراقي من الرياض واستلمت البطاقه من جده ,,

مافي مشكل بس في البيانات يقولك فين اقرب شركه عندك حطي جده فرع التحليه ,,

[اهل جدة ياحلاهم]

شكرا لك يا امبراطور العشاق على المعلومة والتوضيح

[worldwide]

اتوقع اخوي العلم والعالم ماقصر معك

وبالتوفيق ان شاءالله