هااااام جدااااا ... جميع طالبات الكيمياء الحيوية

[المتفائلة بالله]

السلام عليكم ورحمة الله وبركاته
أنا طالبة في السنة التحضيرية .....
أبغى استفسر عن تخصص الكيمياء الحيوية واتمنى انكم تجاوبوني بكل صراحة

كيف التخصص ؟ طبيعة الدراسة فيه ؟ كيف الإختبارات ؟ تقدري تجيبي درجات حلوة ولا لازم تموتي نفسك حتى تجيبيها ؟ كيف الدكاترة وتعاملهم ؟ تذاكروا من كتب ولا ملخصات ؟ التدريب الميداني في مستشفى ولا ممكن مكان تاني ؟ مع التحضيري مدة الدراسة 4 سنوات صح ولا لأ ؟

مررررررررا اااااااااسفة عارفة اني كثرت عليكم اسئلة بس والله متعقدة من السنة التحضيرية ومحتارة ونفسي احد يفيدني عن تجربة ...

انتظر ردودكم
وربنا يوفقكم ويكتب لكم الخير وينور لكم دروووبكم ياااارب

[NoNa al7ellwa]

شوفي كيمياء حيوي تخصص مره حلو تحسي مفيد في حياتك كلها تتكلم عن الاشياء و التفاعلات الي تحصل في الجسم
و بصراحة ما في شيء سهل حتى تخصصات الاداب ما في دراسة سهله كلو يعتمد على اجتهادك
و كل مادة و مستواها و على حسب مستواكي و طريقة فهمك و الدكتورة اكيد لها دور كمان
التدريب مني متاكدة بس اظن بس في مستشفى

انتي جربي ادرسي كيمياء حيوي الي هيا المادة العامة و اذا ما ناسبتك ممكن تحولي و تتعادلك المادة لو نجحتي فيها

و على حكاية تتخرجي في 4 سنوات يبغالها وحده تنزل ساعات كثير او تاخذ صيفي لانو المعامل كثير

والله يختارلك الي فيه الخير

[مياسة العود]

تقدري تتدربي في مصنع أو مركز الابحاث..

التخصص حلو وممتع

بس صعب تخلصيه 4 سنوات حاف الا ياتضغطي نفسك ب16 ساعه كل ترم او تاخدي صيفي او تزودي ترم عالاقل

غير كدا التخصص يحتاج حفظ 75% و25% فهم

معامله حلوه وممتعه وماهي صعبه

[جوري77]

التخصص حلو وظريف لو لقيتي نفسك فيه
مافي شي صعب بالدراسة ومافي شي سهل بدون مجهود وتفرغ واهتمام
التخصص حلو وممتع ومفيد لك في الحياة
وبيتكلم عن التفاعلات الي بتصير في جسمنا وردة فعل الجسم في حالة الجوع والشبع كمثال بسيط
بيتكلم عن بعض الامراض واسبابها ومن هذا القبيل
تقدري تخلصي في 4 سنين لو انك من الناس الي تتحملي تاخدي 16 او 17 ساعة اقل شي في الترم
وترى مو شي مستحيل ابدا وبالراحة تقدري تعمليها لو انك متفرغة وعندك القدرة والعزيمة
وبالنسبة لـ الدكتورات فـ في كل قسم في الدكتورات الي مرة تمام وفي الوسط وفي السيئة
والكيمياء الحيوي فيه كل الانواع زي اي تخصص تاني بس بشكل عام مستواهم كويس والي نص ونص
تقدري تتخارجي معاهم
امممم ايش كمان ايوة على الكتب فاغلب دراستنا من ملازم وملخصات بس بعض المواد بتكون من كتب
يتهيألي رديت على كل تساؤلاتك ان شاء الله اكون افدتك

ونصيحتي اولا واخيرا تستخيري وتفوضي امرك لله يخترلك الطيب والاصلح ماتدري ربنا يوفقك فين

و مو مهم التخصص قد ماهو مهم التوفيق اولا من الله ثم محبة التخصص والاستمتاع والقناعة بيه
وخديني مثال انا جدا ماكان على بالي الكيمياء الحيوي والآن ولله الحمد جدا مستمتعه فيه لان ربنا ادرى

الله يسهلك امورك ويخترلك الطيب والاصلح

تحياتي :)

[المتفائلة بالله]

Nona Al7elwa

مياسة العود

جوري 77

فرحتوني وطمنتوني الله يسعدكم ويوفقكم يارب

شكراَ لكم من أعمااااق القلب

[NoNa al7ellwa]

عساكي دوم فرحانه حبيبتي .. الله يسلمك