ابغى تجاربكم تكفون ..

[ورد الانصاري]

حبايبي مين دخل معهد انجليزي قبل كدا ؟؟ وايش اسمو ؟؟ ابغى افضل معهد ؟؟ وبكم ؟؟ويكون التركيز عالمحادثه والقرمر لاني ضعيفه فيها مره مره ...

[كارزيما]

اهم شي تتأكدي من المدرسين انفسهم بإنك تحضري حصة تجريبية هذا اولا

ثانيا : لازم تكون معامل اللغة شغالة والا راح تكون الحصة مملة وغير مفيدة

ثالثا: لازم تتأكدي انه شهادتهم معتمدة

رابعا: تشوفي الكتب اللي يدرسونها للطلبة

[ورد الانصاري]

طيب معهد الابداع الكندي مين جربه سمعت انهم تركيزهم عالمحادثه بس .. انا ابغى اكون شاطره في الكتابه والقرمر كمان مو بس محادثه ... ابغى معهد كويس مره مره ..بليييييز قولولي

[VicToR]

المجلس البريطاني مره روعة والمناهج اللي يدرسوها تأسسك من كل النواحي.. القواعد, الاستماع, التحدث والكتابة ..

والاساتذه اجانب اللغة الانجليزية لغتهم الام

هذا رقم المركز النسائي في جدة 026670186

[ورد الانصاري]

جزاك الله خير اخوي .. وحقق لك ماتتمناه ..

بس عندي سؤال بكم المستوى.. وكم مدته ؟

[همسة غلا..]

والله حتى انا نفسي ادخل معهد..
ياليت احد يفيدنا..

[ورد الانصاري]

همسة غلا ..انا وحده من صحباتي دخلت الابداع الكندي 5 مستويات ..تقول تركيزهم كلو عالمحادثه ..بس انا ابغى يكون املائي صحيح واعرف اكتب قطع وتعبير يعني ..يعني برقرافات كتيره ..وابغى احسن القرمر حقي ..

المحادثه تعتبر 50% بس من اللغه الانجليزي بس ال 50 % الاخرى ((كتابه+ قرمر+ استماع جيد))
ابغى اكون ملمه فيها كلها ........

[صرخة جنون]

وانا كمان والله يرضى عليكم كم السعر

[ورد الانصاري]

كمان الابداع الكندي كل اللي فيه امريكان وكنديين..يعني تاخدي اللهجه غلط منهم ..ياكلو الحروف اكل ..انا ابغى اكون فصيحه ابغا معهد يكون منهجو بريطاني بحت

[VicToR]

الكورس اللي اخذته تقريبا كانت مدته شهرين واسعارهم غالية شويه اظن اذا اول مره تاخذي دورة عندهم بـ 2000 وبعد كذا كل دورة تاخذيها يخصمو 50 ريال