ايااام قليلة ..والوقت يمر بسرعة ...ومستقبلي مرهون بالساعات

[I can]

السلاام عليكم ورحمة الله وبركاته

إن شاء الله يارب تكونوا بالف صحة وعافية واحلى نفسية

انا عندي استفسارات بما انو الوقت مابيتستنى ومستقبلي باقي قليييل ويبان<<الله يستتتتر

انا طالبة في 3 ثانوي وطبعا من انا في اولى ابتدائي كان طمووحي الاول طب

كنت متأثرة بأمي وهيا استشارية نساء وولادة ومتخرجة من جامعة الملك عبدالعزيز

انا في المدينة وفي جامعة طيبة هنا بس اكيد لاتقارن بجامعة الملك عبدالعزيز طبعا

نسبتي التراكمية في الثانوي إن شاء الله يارب ماتقل عن 97 لاني تانية مررا خبصت وشديت في تالت

والقدرات ؟!! صراحة ما استعديت لي من فترة طويلة مع اني زاكرت كتاب رام وقيول بس

الاختبار كان ؟؟ الله اعلم بس ما اتعمد عليه ابدا لكن إن شاء الله التحصيلي يكون احسسسن

يعني يمكن في اسواء الاحوال والله اعلم تكون نسبتي الموزونة 82% او اعلى بشوية

فهل انا انقبل بدي النسبة ؟؟ حتى لو انتقالي بدون مكافأة يعني؟

ودايما اسمع انو الدراسة في جامعة الملك عبد العزيز صعععععععععععععععععبة وكتير ماينقبلوا في السنة التحضيري ؟؟ وكيف مستوى الدكاترة (الي يدرسوا )؟؟

فحبيت اسال الدكاترة منجد كيف الدراسة يعني وكيف اهئ نفسي ؟
ومتى اسجل ومتى يوصلني اني انقبلت <<مررررة متفائلة

وكيف يختاروا البنات اللي يكونوا في السكن ؟ على اي اساس؟؟

وتقريبا كم نسبتكم في الثانوية والقدرا والتحصيلي ؟ >>ازا مافي ازعاج يعني

وعارفة طولت عليكم بس العزر يعني انا في ايام اختبارات وبعدها على طول قدرات وتحصيلي ومرررة شايلة هم والله يسعد ويوفق اللي يرد عليا وينولو اللي يبغااه يااارب

واللف شكرا لاجدع دكاااترة ويارب اكون وحدة منكم

[surgeon]

هلا اختي

اسالتك صعبة...هههههههههههههه امزح

شوف دخول السنة التحضيرية مرة سهل واظن قبلو اقل نسبة موزونه السنة هذي 75

يعني سهاااااااااااااله

اما بالنسبة للطب انتي فكري بالتحضيري الاحين وبعدين يصير خير


وترى التحضيري سهله بس شدي حيلك


اما السكن ماعندي خلفية عنو


سرجون

[M!SS Lara]

شوف دخول السنة التحضيرية مرة سهل واظن قبلو اقل نسبة موزونه السنة هذي 75 يعني سهاااااااااااااله

هههههههههههههههههههههه هذا انتم الأولاد ..

اختي احنا البنات قفلت النسبة المطلوبة للتحضيري انتظام دي السنه ع تقريبا 84
والله يوفقك ..

[I can]

surgeon

هادي مقدمة بس لسا ما دخلت عالى الاسئلة اللي منجد اسئلة

معقول قبلو من 75%

لي الاولاد دايما اقل من البنات

ويسلمو ...

M!ss lara

يعني اقل نسبة موزونة عشان انقبل تحضيري بس في الجامعة قفلت على 84% <<الله يسترر

انا متأملة في +85 %
ويسلموا عالرد

محد ابدا عندوا خلفية عن السكن وباقي السئلة

(من فرج عن مسلم كربة من كرب الدنيا فرج الله عنه كربة من كرب يوم القيامة)

[.,.نيــــــــــــــــــــران.,.]

بالنسبة للسكن هذي مواضيع مفصلة عنه:

http://www.skaau.com/vb/showthread.php?t=92080


http://www.skaau.com/vb/showthread.p...C7%D1%C7%CF%E5

[I can]

نيـــــــران..
يسلمو ياعسل اللله يجزاكي خير

مافي احد عندو خلفية عن باقي الأسئلة

[JuStice]

.

إن شاء الله تنقبلي بالسنة التحضيرية ,

صراحة ما أدري عن موزونة القبول للبنات .. لكنها أعلى من الأولاد أظن ..

لكن إنتي للإحتياط قدمي في كل الجامعات المتاحة .. جامعتنا دي والملك سعود وأم القرى وطيبة وغيرها , وبعدين لما تطلع النتايج اختاري من بينهم وشوفي الأنسب لكِ ,

والدراسة هنا بالعكس مو صعبة , أما عن الدكاترة .. فبالنسبة لدكاترتنا بالسنة التحضيرية بصراحة كان تقريبًا نصهم أو أكترهم سيئين ..

سبحان الله .. كأنهم مختارينهم ونقوهم نقاوة كدا جابوا كل اللي مو طيب وحطوهم بالتحضيري والله المستعان !

طبعًا دا بالسنة التحضيرية بس .. لكن بعدين لما تعدي التحضيري وتخشي كلية راح ترتاحي وتشوفي دكاترة من جد يستحقوا إنه ينقال عنهم دكاترة وبروفيسورات

موفقة إن شاء الله

.

[I can]

حمستني ...

انا اللي ابغا اعرفو النسة الموزونة للبنات تقريبا عالاقل

انا في جامعات حزفتها من قاموسي ابدا منا افكر ادخلها معروف انو جامعة عبدالعزيز احسن شي

يالله الله يبلغني ياررب

JuStice يسلمو عالرد ولالفادة الله يجزاك خير