كلية التصاميم والفنون أو كلية الاقتصاد المنزلي ؟ افيدوني ..

[Dalia~]

السلام عليكم ورحمة الله تعالى وبركاته

موضوعي وبإختصار لأني مالي في المقدمات والطويلة

انا طالبة انتساب تحضيري .. والحمدلله خلصت وقدمت معاملة او طلب تحويل للأنتظام والحمد لله معدلي مرتفع وكتبت اني ابغى احول لكلية التصاميم والفنون على اساس انها نفس كلية الإقتصاد المنزلي بس بعدين اكتشفت انو الإقتصاد المنزلي فيها اقسام اكتر .. ودحين انا محتارة وعندي كم سؤال ..

هل صحيح كلية الإقتصاد راح تنقل مع كلية التصاميم للفيصلية وتسير كلها كلية وحده واقسام وحده ولا لأ ؟!..

وإذا دخلت التصاميم والفنون على طوول اختار تخصص ولا لأ ؟!..

وسؤال خاص لبنات هذي الكليتين .. كيف الدراسة والأقسام حلوة ولا صعبه شوية .. وهل الدوام والمحاضرات إلين العصر ولا لأ ؟!..
لأني متزوجه وعندي ولد صغير وخايفه ادخل واتورط .. جاوبوني لو سمحتو ....

وجزاكم الله خير مقدماً

[Twix~}..]

وعليكم السلام ورحمة الله وبركاته ..

بالنسبه لكلية التصاميم والفنون ما اقدر افيدك عنها لاني ما اعرف عنها اي شي ..

بس استاذتنا كانت تقول حتى كلية الاقتصاد المنزلي حيتغير اسمها وتصير تصاميم وفنون بس ما اعرف اذا كانت حتدخل تخصصات دي الكليتين مع بعض ولا لا ..

بالنسبه للاقتصاد المنزلي في 7 تخصصات .. 3 علمي و 4 ادبي ..

تخصصات العلمي ..
1- تصميم داخلي .
2- ملابس ونسيج .
3- تغذية .

تخصصات الادبي :
1- إدارة سكن ومؤسسات .
2-اقتصاد تربوي .
3- دراسات طفوله .
4-فنون إسلامية .

وعلى فكره لو كنتي علمي بس لك مجال في تخصصات العلمي بس والعكس طبعا لو كنتي ادبي ..

اقسااام كلية الاقتصاد المنزلي مرآآآآ حلوووهـ وممتعه وتستفيدي منها انتي بالدرجة الاول من ناحية السهوله والصعوبه مافي شي سهل ولا شي مرا صعب كولو يعتمد على الدكتوره وشرحها واسلوبها في الماده ..

بالنسبه للدوام وقت المحاضرات في المواد العملية غالبا او دايما ما تكون لما العصر .. وطبعا المواد العملية كتيرهـ في الكليه .. يعني كل تخصص في الكليه الا ما يكون في مواد عملية ومعامل وهيك ..

وموفقه ياقلبو وان شاء الله اكون افدتكـ ..

[Dalia~]

مشكورررررة ياعسل
بردتي قلبي والله

انا علمي ونفسي في التصميم الداخلي بس كنت سمعت انه محاضراته كتير بس بما إن الجامعه كلها محاضراتها كدا خلاص راح اتوكل على الله واللي فيه الخير ربنا يجيبه

[Twix~}..]

^^

العفوووووو ..

والله يوفقكـ يااارب ..

والتصميم الداخلي تخصص مرآآآآ حلووو بس شغلوووووو كتير مرآآآآ بس بصراحه ممتع بس خلي في بالك انو طول السنه ترسمي وتلوني دآ الي اعرفو عن التخصص ..

والله كتبلك الي في الخير ..