هنا تجّمع بنات المحاسبه (حست في القروبات الثانيه) :)

[~حـوريه~]

تسلمي ياعسل
انتظرك

[SOOMH]

حوريه ...... ماده حره انا اخذت مادة الدولة العثمانيه مع عبدالرحمن عرابي الكتاب شويه كبير لاكن الي ناخذه شي قليل الماده تتكلم عن الحكام في الدوله العثمانيه وهو الدكتور كلامه كثير بس الي يجي في الاختبار شي مره قليل الماده نظري والاسئله مقالي بس حلوه وسهله ومحدده وانا اخذت فيها 90 وفيه صاحباتي اخذوا 95 لاني ماكنت اشارك ابدا
( اذا فكرتي بالماده وحابه اشرح بالتفصيل طريقة الاسئله ماعندي مشكله )
الماده الثانيه الي اخذتها مادة مدخل علم الاجتماع مع بسمه السناري ماده حلوه وسهله انا اخذت فيها 98 بس بسمه السناري حطي تحتها مية خط لاتفكرين تاخذين الماده مع غيرها ابدا
( اذا فكرتي بالماده وحابه اشرح بالتفصيل طريقة الاسئله ماعندي مشكله )

[~حـوريه~]

يسلمووووووو سومه الله يعطيك العافية

[الملاذ..]

المشاركة الأصلية كتبت بواسطة ~حـوريه~ تسلمي ياعسل الله يسلمك غناتي .. انتظرك

مع ..........أ.فايزه دمنهوري .. (سلوك انساني ..)

[~حـوريه~]

مع ..........أ.فايزه دمنهوري .. (سلوك انساني ..)
حبيبتي ماتعرفي المنهج..من الكتاب ولا محاضرات

[الملاذ..]

^
^
ملزمة .. و40 صفحه بسس ..
ان شاء الله ناخذها السمستر الجاي ..
موفقه غلاي ..

[ماسة الليل]

السلام عليكم
وحشتوني يا بناااااااااااات المحااااااااسبة الأعزاااااااء
لي أسبوع عنكم
ما وحشتكم ههههههههههههه
المهم الموضووووووووع جدا رائع
أشكرك أختي

[ماسة الليل]

تجربتي في قسم المحاسبة الغالي

أولا
أخذت محاسبة 101
مع أ. إيمان قاري
ما أنصح فيها
ليش ؟
أقولكم ليش
1- لا تشرح على السبورة وتشرح فقط على البوربوينت
وهذه المادة بالذات تحتاج شرح مفصل وعلى السبورة
2- تعاملها معانا جداسيء يعني لمن تبغى تزهم طالبة تقولها
ألوووووو ليش فين إحنا في ----
وغير كدا طبعا

أخذت مادة 102
مع أ. رغداء الرملي
الصراحة صحيح صوطها واطي
وباااردة شوية
لكن الملزمة اللي تعطينا هية شاملة ولو ذاكرتي منها تاخذي الa+
وانتي مغمضة

و أخذت مادة حرة مع د. نجاة الصائغ
إسمها (المادة)
لا حد يضحك عليا
(نظام التعليم في المملكة )
طبعااااااا
نصييييحة لا أحد يا خذهااااااا
كلهاااااا توااااااريييييخ

موفقيييييييييييييييييين


وبالتوفييييييييييييييق للجمييييييييييييييييع

[الملاذ..]

هلا وغلا والله بـمياااااااااااااااااااسهـ ..

المشاركة الأصلية كتبت بواسطة ماسة الليل السلام عليكم وعليكم السلام ورحمة الله وبركاته .. وحشتوني يا بناااااااااااات المحااااااااسبة الأعزاااااااء لي أسبوع عنكم ما وحشتكم ههههههههههههه المهم الموضووووووووع جدا رائع أشكرك أختي

ههههههههههههههههههههههههههه الا وحشتينااااااااااااااااا برشااااااااااااااااااا
وينك يابنت ..لك وحششه ياهووو ..
كيفك وكيف الاجاازة معاك ..؟
.
.
بالتووووووووووووفيق للجميع << ماتقلد احد خخخ

[BoBy]

الموضوع مررررره حلوووو
تحية للي عاملتلنا الموضوع ولكل البنانيت الحلوين اللي شاركوا

تجربتي في المحاسبة

محاسبة 101 :
عيشة السيد ( وما ادراك ماعيشه هع هع هع )
طبعا حطوا عند الشرح اكس يعني المسكينة تحاول جهدها توصل المعلومة بس ماتقدر ونائمة وباردة
طبعا تقعد تقرقر وتكتب واحنا نذاكر من كلو محاضراتها اللي مو مرتبة والكتاب
افتكر انا وصحباتي كنا نفهم نفسنا بنفسنا واللي فاهمة تشرح للباقي
بس تعالوا عند اسئلتها بصراحة رووووووووووووووووعه تجنن
كان بس اللي مهون علينا ومخلينا نتقبلها اسئلتها السهلة مرررررره في الدوريات
مستحيل لو تموتي ماتعمل لا بونس ولا مساعدة وفي نفس الوقت ماتظلمك في الدرجات
على قد حلك تاخذي الدرجة .
محاسبة 102 :
رغداء الرملي
صح باردة وصوتها واطي بس احلا شي فيها مرتبة وكل موادها لازم تنزل محاضرات
كثير بنات هنا تكلموا عن رغداء
من الاخر الاستاذة كويسة ومابها شيء :)

متوسطة 1 :
سحر جبروني
يا نااااااااسو عليها ترى مرررة كويسة وأغلب اللي يجربوها مرة تلاقيهم ياخذوا معاها
كلمة حق فيها دكتورة خلوقة ومحترمة
في مادة متوسطة 1 كانت تملينا المحاضرات ونكتب معاها واصلا المادة زي ما انتوا عارفين اغلبها كان نظري
واسئلتها في الدوريات كانت نفس اللي في المحاضرات
بس يمكن اللي ما كان يعجبنا انها الاشياء النظرية مو بس صح وخطا واختياري كانت تجيب منوووع
ممكن تعداد ومن كلو
بس يعني كانت تقول كيف حتجيب الاسئلة لما احد يسألها
باختصار الاستاذة تماااام :)

تكاليف 1 :
ريم صقر
شرح ميه ميه وتنزل المحاضرات
بس من ناحية الاخلاق ابدا ما تعجبني تحسيها جامدة وكشره وتعامل رسمي جداً مع الطالبات
وهذا رأيي أنا شخصياً يعني اكيد كل واحدة على حسب رأيها ومين ترتاح لاسلوبها اكتر


ولسه في مواد هذا السمستر اللي خلص
متوسطة 2 وتكاليف 2 ومراجعة 1 وادارية
بس تعبت حرجع اكملكم بعدين
سي يوووو