يواسيني وانا الميت

[الحـ العيوف ـلم]

قصيدة كتبها شاب عمل حادث سيارة و والدته كانت معاه .. الوالدة توفت و هو اصابته كانت خفيفة .. و هذي الأبيات قالها للي يواسونه

يواسيني وانا الميت وحالي يجبر الدمعات
تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات
يجبروني عشان امشي ورجلي ما تمشيني

قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني

وكنه حلم قدامي يقيدني من الصرخات
ابي اصحى ولكني عجزت القى ال يصحيني

فداك القلب يايمه ومهما قلت من كلمات
صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فيني

تجول عيونهم فيني تفصل مني قياسات
وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة
وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات
وصار الهم عكازي اباكيه ويباكيني

عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات
واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات
تعالي غيري هالقول واطيعك باقي سنيني

واترك عادة التدخين وانفذ ما تبي بسكات
واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات
ابيك انتي ولا غيرك على موتك تعزيني

وضميني وداويني مثل ما كانت الهقوات
ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات
انا مقوى ابكيك اذا انتي تبكيني

[حنين الروح]

آآآآآآآآآآآآآآآآآآآآآآآآآه ياربي
الله يصبرو ويقويه ويرحمها

[Taurus]

شعر صادق و مؤثر.. من قلب محروق..
يار ب ينزل على قلبه الصبر و السكينة..
ويرحم أمه و يدخلها فسيح جناته..

[الباحث عنها]

ما أصعبها من مواساة

[Naser]

من أروع ما قرأت .. ومن أألم ما عرفت :(
مشكورة على النقل الحلم

أدمن

[الحـ العيوف ـلم]

العفو لكم كلكم وانا اللى أشكركم على ردودكم لمواضيعي المتواضعه تواجدكم فيها شهاده أعتز بها

وأهم شئ من مواضيع مثل كذا العضه والعبره000وزي ما يقولون الواحد ما يحس بالنعمه إلا عقب ما يفقدها وإذا فات الفوت ما ينفع الصوت

الزبده ما نبي نخصر أشياء يمكن نشوفها عاديه بحياتنا اليوميه لكن هي بالواقع اغلى من كنوز الدنيا كلها وبعدين نندم عليها ونقول يا ليتني سويت وفعلت وقلت وكلمة ليت ماتعمر بيت

تـحـــيـاتـــي

[alsagr]

متهور تعرض إلى حادث وكانت معه أمه

فتوفيت وبقي هو علي قيد الحياه وكتب هذه القصيده...

:::

::

يواسيني وانا الميت وحالي يجبر الدمعات........تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات.........يجبروني عشان امشي ورجلي ما تمشيني

قتلت رعايتي بيدي قتلت الحب والرحمات........حرمت النفس من حقها وانا ابكيها وتبكيني

وكنه حلم قدامي يقيدني من الصرخات.........ابي اصحى ولكني عجزت القى ال يصحيني

فداك القلب يايمه ومهما قلت من كلمات .........صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات.....صحيح اني ولد طايش وكل ما أسمعه فيني

تجول عيونهم فيني تفصل مني قياسات ........وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة ........وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات .........وصار الهم عكازي اباكيه ويباكيني

عطيتيني بدون حساب ولا سمعتك تقولي هات ......وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات ............واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات ..........تعالي غيري هالقول واطيعك باقي سنيني

واترك عادة التدخين وانفذ ما تبي بسكات ........واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات .......ابيك انتي ولا غيرك على موتك تعزيني

وضميني وداويني مثل ما كانت الهقوات ........ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات ..........انا مقوى ابكيك اذا انتي تبكيني ..




كم آلمني مشهد الشاب وهو يتفوه بكلمات الحب والاعتذار لأمه المتوفاة

خصوصا اذ توفت في

حادث أليم وامام عيني ابنها الذي يقف مكتوف اليدين لا يستطيع عمل اي

شيء لإنقاذها.

اناشد كل شاب وشابة ان لا يتوانى في طلب رضا والديه وخاصة الام

ولا يذنب في حقهما لانهما سبب وجودنا في الحياة
منقول للعبره والفائدة

[ليدر أستوديو هبقات]

والله يا الصقر تعبت قلبي

والله يرحمله أمه

ويجعلنا جميعا بارين بوالدينا

شكرا لك

وفي إنتظار جديدك

[NeMo]

يايمه ارجعي تكفين وطفي شمعة الآهات .......ابيك انتي ولا غيرك على موتك تعزيني

وضميني وداويني مثل ما كانت الهقوات ........ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات ..........انا مقوى ابكيك اذا انتي تبكيني ..





ياعمري


يالله كيف يوجع!


الله يرحمها ويتغمدها بجوده وسعة فضله

ويخليلنا امهاتنا كلنا يارب ولايحرمنااجرهم يارب



شكرا يا صقر

[Taurus]

القصيدة أكثر من رائعة ....
مشكوور الصقر ...
و تم دمج الموضوعين و الردود...