التحويل من كلية ابن سينا الى عزوزو طب اسنان

[د/مــهــاااوي]

>
>
>
>
>
>
>
ســـــــــــــلام على الجميع وخصوصا المصيفين امثالي >>>> ماعلينا<<<<المهم انا عندي كم سؤالين حلوين صغيرين خفيفين<<<<خلاص زودتيها اخلصي<<<
اختي في كلية ابن سينا ومخلصه سنه اولى طب وتبغى تحول لعزوز مع العلم انها دراسه السنه التحضيريه ومخلصتها ودرجاتها شوي نازله في التحضيري بس سبحان الله معدلها في ابن سينا مره حلو وتبغى تحول لعبد العزيز طب وقريت انوعشان تحول لعزوز طب لازم تدرس سنه تحضيري وهي اصلا دارسه اش تسوي ابغى احد يقلنا اش نسوي عشان بكره تروح معي العماده ابغى شي يقين لانو في العماده مايعطونك وجه في الاسئله اللي زي هذي

[Mr.Ambitious]

أعرف وحدا بشري من عندكم خلصت التحضيري بمعدل 4 ونص تقريبا وحولت

بس قالت حطوها موازي

[د/مــهــاااوي]

المشاركة الأصلية كتبت بواسطة mr.ambitious أعرف وحدا بشري من عندكم خلصت التحضيري بمعدل 4 ونص تقريبا وحولت بس قالت حطوها موازي

مافهمت انا ادرس في عزوز اختي هيا اللي بتدرس في ابن سينا بس ابغى اعرف هيا لوحولت راح ترجع تدرس مره ثانيه تحضيري ولا خلاص تكفي اللي درستها وتروح مباشره
اتمنى القى ردود لان التحويل بينتهي بنهاية 8

[د/مــهــاااوي]

مشكورين على التطنيش 27 مشاهده وما احد رد الا الاخ Mr.Ambitious مشكور على الرد

[Mr.Ambitious]

لا ايش تطنيش

بدت مع سنة تانيه بس موازي

عادلوها التحضيري

[*بسمة أمل*]

يعني في تحويل من ابن سينا للجامعة عشان انا لما سالت في العمادة قالولي تعيد التتحضيري مانعادل

[*بسمة أمل*]

Mr.Ambitious الي تعرفها حولت السنة اللي راحت و لا قبل عشان مع نظام السنة التحضيرية اتغير كل شي

[د/مــهــاااوي]

صح كلام بسمة امل لان لوقريت الشروط تبع التحويل في موقع الجامعه راح تقرا انو راح تدرس تحضيري وتدخل في المفاضله مع الدفعه حقت التحضيري لوجابت معدل نازل ماراح تروح طب يعني تروح كل السنين اللي درستها في الهوا
والله انقهرت من جد الكلام ولا لا لانو هيا راحت ابن سينا على اساس ترجع تحول عبد العزيز

ذحين اللي تعرفها حولت من غير ماترجع تدرس تحضيري وكملت في قسمها ولا الكلام هذا كان قبل برنامج السنه التحضيريه
معليش تعبتك معايا

[د/مــهــاااوي]

بعدين هيا اساس دارسه تحضيري من اول ترجع تدرسها من جديد ولا تعادله وانتهى الموضوع هيا اللحين بجنبي حارقتني بالله ردو وريحوها

[Dr~NanoOok]

بالنسبة للتحويل من ابن اسينا لطب الأسنان بـ عبدالعزيز
فـ للأسف مافي

لكن لطب بشري موازي ممكن

وأنا اعرف السنة اللي فاتت.. لأول دفعة يطبقوا عليهم نظام السنة التحضيرية
ما قبلوا أي احد يحوّل من ابن سينا

لكن السنة اللي قبلها.. وعلى النظام القديم (قبل نظام التحضيري)
قبلوا فقط 5 بنات من ابن سينا

على العموم.. التحويل للكليات الصحية صعب
من داخل الجامعة (يعني من نفس عبدالعزيز)

فاعتقد من ابن سينا أصعب منه

’

لكن خليها تكمل في ابن سينا.. وتجيب معدل فوق الـ 3,75 وتدخل المنحة الداخلية وتدرس ببلاش
<< وترا الدراسة في ابن اسينا مررررره أسهل من عندنا
لكن طبعا الشهادة مو بقوة المتخرجين من عبدالعزيز


وإن شاء الله أكون افدتك =)