اي معـــلوومـــــــة عن %%% بــــاب رزق

[rubi]

السلام عليكم

سمعت من صحبتي انو في كتيرين اتوظفو من باب رزق

ووظايف حكومية في شركات وكدا

بس ما عرفت التفاصيل وكيف اروح وايش الشروط

اللي عندها اي معلومة

تساعدني

ولها مني دعوة في رمضان فالعشر الاواخر باذن الله تعالى


لاتبخلو عليا بربع معلومة

[lafander]

توكلي عى الله وقدمي ... وان شاء الله خير مكانهم في شارع صاري قريب من كبري المربع في الجهة المقابلة لمطعم الذواقة جمب عزت الداعوق لادوات التجميل ...

شوفي بالنسبة للوظائف حكومية ماعندي فكرة لكن هما يوظفون في الشركات والرواتب من 1500 - 3800 اول شئ كلميهم وبعدين تروحي لهم وشيلي نسخة من سيرتك الذاتية ونسخة من شهاداتك حيعملون معك مقابلة وبعدها يدورون لك على وظيفة ويتواصلوا معك

سمعت من وحدة انهم 3 مرات كلموها كل مرة يكلموها ويعرضولها وظيفة مترجمة وهي خريجة حاسب الي وبعد المرة الثالثة اتصلت موظفة التوظيف وقالت لها انا تعبت معك وهذة اخر وظيفة ارسلها لك ....حرام البنت جاها احباط واتصلت على مديرة لمركز وطلبت منها تلغي رقمها وكل شئ عندهم ما تبغى اي شئ منهم لا وظيفة ولا شئ ...

نصيحتي انت جربي وان شاء الله حظك احسن منها

[rubi]

جزززززاك الله خيييييييييييييييري الدنيا والاخرة

مرررة ريحتيني

باذن الله حاروح والله يوفقني وييسر لي امري

[rubi]

ممكن الوصف بدقة اكثر؟؟

سواقي جديد

[rubi]

المكان يعني

بليز

[redflower]

السلام عليكم
أحب أوضح لك نفس الكلام اللي كتبته الأخت لك في الرد
وهو انك بكل بساطة تروحي وتسجلي بياناتك وتعطيهم السي في تبعك وتوضحيلهم المجالات اللي حابة تشتغلي فيها
وهم يعملو لك مقابلة وياخذو الاستمارة اللي فيها بياناتك ويبحثو لك عن عمل
وان شاء الله بعد فترة لاتزيد عن شهر يتصلو عليك ويارب تلاقي اللي تتمنيه
بس هاه لاتنسيني من دعاء العشر الأواخر
وأنا بعد بأدعيلك
أنا قدمت عندهم ولقو لي وظيفة لكن راتبها قليل مايكفي حق السواق
وماقدرت اوافق عليها لأن عندي أولاد وأحتاج شغالة اذا اشتغلت وهذا مستحيل مع الراتب اللي حطوه
المهم هم أماكنهم منتشرة بجدة
واللي أعرفه انه هم في حي السامر على الشارع الرئيسي المقابل للخط السريع تلاقي لوحة كبيرة وواضحة بمكانهم
كمان في الصيرفي ميجا مول فيه فرع لهم
ودوامهم من تسعة لثلاثة الظهر وبعدها مايستقبلو طلبات يعني لازم تروحي الصباح
والأفضل انك تفتحي موقعهم وتاخذي أرقامهم من النت

وبالتوفيق يارب

[rubi]

اهاااا شكرااااااااااااااااااااا مرة مرة مرة شكرا

[أم بنــدر]

يابنات كمان ممكن تروحوا لاكاديمية نفيسة شمس في الصفا هي تبع عبداللطيف جميل تدوهم سيرتكم الذاتية والله العظيم انا جاتني اكثر من وظيفة رواتبهم من 5000 فما فوق لكن الوظائف اغلبها مختلطة الي حابة وظائف زي كذا تروح لهم...

ربنا يوفقكم دعواااتكم

[عشق الورد]

اولا انا قريبه من باب رزق الي في السامر مممكن اديهم سيرتي الذاتيه والا وين اوديهاااااااااااا
كمان اكاديمية نفيسة شمس الي في الصفا وين موقعهااااا بضبط والله محتاجه وظيفه

[عشق الورد]

اولا انا قريبه من باب رزق الي في السامر مممكن اديهم سيرتي الذاتيه والا وين اوديهاااااااااااا
كمان اكاديمية نفيسة شمس الي في الصفا وين موقعهااااا بضبط والله محتاجه وظيفه
طيب يعطو وظايف لئي تخصص