تجمع طالبات مادة (محاسبة منشآت متخصصة) مع د.سحر الجبروني *جديد*

[حأقعد عالكاشير]

اهلين بنات
ماشاء الله اليوم الغياب شبه كثير
عالعموم هيا اعطتنا زي ماقلتلكم اوراق عن التأمين اخذت نسخة واديتها لصحبتي
تدخلها بالاسكنر
وان شاء الله ننزلها يوم الجمعة مع التمارين اللي حلينها أوكي ^^

المشاركة الأصلية كتبت بواسطة المحاسب القوي الاخوات الفاضلات ، آسف على الدخلة الغلط .. الاخت كاشيرة ^ــــــــ^ ابسألك الله يعافيك عن مادة فقه المعاملات .. منهجكم اش هو ؟ لو ملزمة ولا اي شي علميني من فين احصل عليها ، اكون لك من الشاكرين .. ولو من دفتر لاكملتي دفترك علمينا نبي نسخة بقسم الطلاب :d الله يوفقكم جميعاً باختبار المنشآت

تشرفنا ولوووو
أما كاشيره أخيـــــــــــــــرا لقيت دلع عدل جا لحدي
حايسه مع ذا الاسم كيف اختصرو

وبالنسبة للمنهج (ملزمة)
الدكتورة خلت وحدة من البنات تصورلنا هيا
والتمارين تنقلنا الاسئلة ونحلها مع بعض

وانا بحاول آخذ نسخة من الدكتورة نظيفة وأحط لك هيا في المكتبة<<نتفق عليها بعدين

بس انت آخذ المادة ذا الترم ولا لسى حتاخذها الترم الجاي
عشان اذا لسى عالترم الجاي حتاخذها اكتبلكم التمارين بعد مانخلص المنهج بالكمبيوتر
وانزلها في المنتدى والملزمة تاخذوها من المكتبة عالعيد إش رايك :)


بالتوفيق

[حروف البسمه]

يا كا شيره =) الله يسعدك

اش سويتو اليوم في محاضرة منشآت قالت شئ مهم او عن البحث او عن النصفي

ومشكوره يا قمر الله يجزاك خير

[المحاسب القوي]

الله يعطيك العافية ويوفقك ..
لسا باقي كثير على ما ادرس فقه المعاملات ، وماتقصرين يا اختي والله .. ويكفي اي حل بأي شكل لو الامر بيتعبك بالكمبيوتر .. المهم شي يدخل الراس ، لاني ماوجدت للآن منهج محاسبة لشي اسمه فقه المعاملات المحاسبية عدا حقيبة تدريبية تباع بـ٣٥٠ ريال ! وصعبه اتهور بمبلغ كده ..

شكررررا

[BoBy]

بنااااااات كيفكم
الله يسعدك يا حاقعد عالكاشير مريحانا يا قمره : )
من جد كلنا اليوم ما حضرنا عشان الباشا مراجعه هع
بس سؤااااااااال
ايش عملتوا في الاختبار ؟ كيف حليتوا تمام ؟
انا والله من كتر الجزئيه والمعلومات اللي فيها بس جيت على الورقة وربي نسيت كل شي
التعدادات مع انه كل اللي جابتها حفظتها صم بس الله يرحم اتمسحت نهائيا لما جيت اكتب
وسؤالها حق رأي المراجع <<< سؤال غير مرغوب نفسياً : (
كتبت كلام على مفهومي يعني كأني بصحح وين تنحط انو لا مو في الانشطة الرئيسه في المستمرة ... وهكذا
مو عارفه حتى هي تبغا كدا ولا ايه
مره متضايقه عشان خبصت في الاختبار :(
يعني انا رائيي الشخصي واتوقع اغلب اللي اخدوا زيي مع شريفه يوافقوني الرأي
اسئلتها كانت في مراجعة واحد فرق السماء عن الارض
سهـــــــله وحتى كانت بتسهل علينا في المذاكره وهي بتشرح دائما تقولنا دي هجيبها عددي ودي صح وخطأ ومن جد تجيب زي ماتقول بالزبط
يعني كانت طريقتها واضحة تدخلي الاختبار وانتي عارفه ايش جاي وايش لا
كلو بس صح وخطأ واختياري ومصطلح ويادوبك سؤال واحد مقالي اللي هو عددي ويكون دا العددي داخلين تقريبا عارفين ايش جاي لانها بتركز عليها في المحاضرات



((( ربنا يسهل ما تخافوش ))) >>> اتحداكم كلمة مين ؟؟؟ خخخخخ
كلمتها المفضلة كل مانجي نقلها شي ربنا يسهل ربنا يسهل

[beebaa40]

ايوا منجد مره ماكان حلو
والمصطلحات !!!! استجمعت قريحتي المحاسبية كلها عشان اقربلها المعنى وياريتني فلحت
كلهاااا طاااارررررررررت من مخي
لازم نقولها تسويلنا بونس والا اعاده :s

[BoBy]

^
حلوه قريحتي المحاسبية يا بيبا خخخخخ

ايووون لازم نعمل كدا
بس مو وحده اتنين كلنا نكلمها عشان ترضى

[beebaa40]

ايوا ايوا كلنا
يللا معا يدا بيد للبونس خخخخ

[حأقعد عالكاشير]

حروف البسمة
ياعسل البحث ماجابت سيرتو بس انتبهوا ترى من اول قالت عندكم وقت الين النصفي
شكلها في نفس اليوم تبغا تستلمو يعني شدوا الهمة
وبالنسبة للاختبار قالت احتمال الين محاضرة الاثنين أو الاربعاء الجاي حيدخل معانا
قلنالها مررررره كثير وقالت حشوف بعدين نتفاهم نقللو

المحاسب القوي
خلاص ياخوي ان شاء الله اذا صارت النسخه في يدي ابلغك :)

بوبي
بالله لاتسألي عن الاختبار جاب لي القهر
حسيت يدي اتكسرت وانا اكتب وعلى قولك الحالات مررره ماعرفت اش اكتب
وسويت زيك بالضبط
وبالنسبة لشريفة أنا بدأت أقول انها والله كانت ارحم بكثيــــــــــــر

بس خلاص لمن يفوت الفوت ماينفع الصوت

بيبا
بجد المصطلحات كانت عجيبة بالذات المصطلح الاخير جاب لي الهم
مرررررره ماجا على بالي قال إيه (الكفاءة مدري الفعالية)
وبالنسبة للبونس كلمناها آخر اليوم وهيا عند البوابة
كنا مجموعة بنات قلنالها سويلنا بونس 5 درجات حق الصح والخطأ الزايدة
طبعا على قولتها الشهيرة البهيرة ربنا يسهل
ولمن جات الدكتورة حمدية قالت لها البنات طماعين بصي عايزين بونس خمس درقات ^^

المهم آخر شي قالت انا خميس وجمعة حأبدأ بمراجعة أصححها وحأعطيكم الدرجات يوم السبت
عشان تعرفوا انو في بنات حلوا كويس
وبجد مرررررررررررررره خايفة من الدرجات
يعني احنا آخذين الصيفي عشان يرفع المعدل ماحنا ناقصين ينخسف زيادة

ماتخافوش ربنا يسهل <<اتعديت خخخخ

بالتوفيق بنات :)

[beebaa40]

بنات عندي سؤال بخصوص البحث
بالنسبة للتقارير المطلوبه حقة البنك
تقارير مالية بس ؟؟ والا كمان التقارير السنوية والتقارير الاخرى ؟

[حروف البسمه]

يا كاشيره وين محاضرة يوم الربوع <<< فيس خجلان