فين مبنى الشرفيه؟

سندس الخريف · #1 28-07-2010, 05:31 PM

السلآم عليكم

انا ابغا اسألكم عن مبنى الشرفيه هو مبنى الفيصليه؟

وين مبنى الشرفيه؟

وفين سكن البنات؟

والشرفيه فيها انتقالي وتاهيلي؟

وشكرا لكم

سندس الخريف · 28-07-2010, 08:53 PM

88

مافي احد يرد..

عَـــهـــد · 28-07-2010, 09:07 PM

اقري ردي دا :

أنا اليوم روووحت الجامعه ..
ماكان الاستقبال مرة حلو في وحدة بس كانت تصرخ ههههههههههههه
بس معاها حق لانو في بنات طلعولها قرووون هع

المهم ..
انا موعدي كان من 9 لـ 10 ،، اللي كان مفتوح للعلمي : انتظام في الشرفية بس
والتأهيلي لسة مافتحووه .
انا سألت عنو قولتلها طيب اللي يبى تأهيلي .
قالتلي التأهيلي دا ماندري متى نفتحو بس دا للي نسبهم منخفضة ..
صحبتي كان موعدها من 12 لـ 1 وبرضو سجلت معايا انتظام في الشرفية ..
ان شاء الله يكون مفتوح للسبت ,, لكن ماادري ...

مممممممم قبل مااروح الجامعه في الصبح روحت الشرفية عشان اشوف مكان الكلية اللي يقولو عليها
مرررة قريبة من المقر الرئيسي حوالي الفرق 10 دقايق ..
المبنى اللي شفتو مهو حلو .. لكن يقولو جددوه ..
المهم لمن رحت الجامعه وحدة مسؤولة قالت لا مو اللي في الشرفية هداك خلاص الغوه
حيودوكم اللي في الفيصلية ... رووووحت الفيصلية .. كلمت الوكيلة
قالت لا ماعندنا دراسة للتحضيري هنا .. بس حقون الدفعات اللي راحت اللي خلاص طالعين تانية وتالتة لانو
المبنى مايكفيهم ..

مع انو يابنات مررررة المبنى مرررة حلو ويفتح النفس ..
قالتلي اختبار الانجليزي ممكن يكون هنا وممكن يغيرو مكانو <<< احترنا ..
قالت انتي قبل الاختبار بيوم تعالي اتأكدي << فاضي

بس وليين دحين انا ماادري فين حندرس بالزبط !!!!!!!!!!!!!!!!!!!!

والإختبار فين حيكون الله أعلم ..!

:(

عَـــهـــد · 28-07-2010, 09:18 PM

الشرفية .. هناك عند حي مشرفة .. وقريب من المول الموف المقفل داك
الفيصلية عند عزيز موول جنببببببب دوار الفلك بالزبط

سندس الخريف · 28-07-2010, 09:24 PM

ايون .. انا رحت زيك اليوم وانقبلت في الشرفيه بس متخربطه
لمن جيت اقدم قالت لي ليك الشرفيه وقالت لالا الفيصليه
وفي الاختيارات اخترت الشرفيه قلت لها كيف قالت هي الفصيليه <<جننتني قلت اجل انا مصدعه من التعب ماافهم

وبس
وصلنا الفيصليه يعني ماش .. والسكن اللي عند الفيصليه مو متآكده هو ولا لا بصراحه ماش بقوه المبنى
والاختبار في الفيصليه ..
بس سكن الشرفيه كيف..

يعني احنا كلنا انتظام في الشرفيه ..؟ انا موعدي من 11 الى 12 وبصراحه وقتها
احسني دايخه مو داريه عن شيء بعد ماخرجت عندي اسآله كثيره

وشهادة الثانوي اخذوها منكم انا مااخذوها ..هههههه..؟