إستشارهـ

[دبلوم صحي]

أتمنى الرد قبل مايخلص التسجيل..

[abo yzn]

اولا مافيه معادله للمواد

ثانيا انتي راح تبدين من الصفر وما بتنفعك شهادتك الاوله ابدا لانها في مجال غير مجال الدراسه في الجامعه

والشرط انك تكون تدرس بنفس مجال دراستك وتكون شهادتك امتداد لتخصصك السابق والا ما راح تنفعك بشي

الا لو فكرت تبدى من جديد وعلى فكره وظايف الديوان بالقطاره

لكن الرزق على الله والله كريم

وانا انصحك بالتجسير في نفس مجال تخصصك وفيه كليات اهليه تدرسك على حسابك وبعدين قدمي على الصحة

والمراكز الصحية الدوام مريح جدا

وبالتوفيق

اتمنى اني افدتك لان الدراسه اربع سنوات بالجامعه ما بين مصاريف كتب وسفر وايجارات واكل وشرب ومواصلات وطيران

ولله تعب وانا ابي لك الخير وابي اختصر لك المسافه

بالتوفيق

[دبلوم صحي]

أخوي أبو يزن ..

شاكرهـ لردك الكريم ..
أنا مايهمني الوقت ولا المصاريف .. المهم أكمل دراستي ..
التجسير في الظهران فقط في الكليهـ وأنا ظروفي ماتسمح لي الذهاب هناك أبداً ..
ثانياً .. حتى لو كملت تجسير راح أكون في نفس العمل بزيادهـ فقط في الراتب وهذا بعد مايهمني..
وأنا ماعاد أبي أشتغل كــ ممرضهـ ..
وحتى لو قدمت في وزارهـ الصحهـ ؟؟ أقدم بإبش ؟؟ أنا ماعندي شهادهـ للحين بحكم التعهد اللي وقعناهـ
أننا نشتغل 4 سنوات في أي مستشفى عسكري؟؟
أنا مابي مبدأ الاحتكار ..
بس أبي شهادهـ من جديد .. ودبلوم التمريض تكون من المؤهلات الوظيفيهـ
كان نفسي في إدارهـ مستشفيات لكن مادام صارت انتظام فقط الشكوى لله..

[دبلوم صحي]

[Nephrology]

المشاركة الأصلية كتبت بواسطة دبلوم صحي مشكورين على الرد.. طيب أنا ايش اسوي الحين.. ماابغى اجلس طول عمري اشتغل في الأقسام التمريضية وابي اطور من نفسي وشهادتي كان نفسي في ادارة المستشفيات طيب ايش أقرب شي ممكن يوافق الدبلوم !! معليش يمكن طولت.. شكرا للجميع..

آسف على التأخير ،،، أعتقد تخصص علم نفس يناسبك لأنك لو كملتي ماجستير علم نفس علاجي ، فحسب نظام المهن الصحية بوزارة الصحة يخصص لك عيادة بالمستشفى للعلاج السلوكي وليس العلاج الكلينيكي والكيميائي ،، ومازالت الكوادر فيه شبة قليلة جداً ، وتعتبر وظيفة لها إعتبار إجتماعي ونفسي ومادي

[Nephrology]

المشاركة الأصلية كتبت بواسطة المتفائل 828 نيفرولوجي

اشكرك أخوي على التصحيح وشكلك تعمل بالمستشفى
لأن نيورولجي : الأعصاب
و نيفرولوجي : الكلى
ولك تقديري ،،،،،،،،،

[sugar-lips]

اختي نصيحه لك كملي برنامج التجسير في جامعات هنا بالرياض معترف فيها تسويه واكيد راح يكون الرسوم مدفعه من المستشفى حقك اللي تشتغلين فيه كبعثه داخليه الشغله الثانيه بعد ماتاخذين البكالوريوس في اقسام ثانيه تقدرين تشتغلين فيها بشهادتك وتترقين مثلا يعني Clinical instructor او Case manager او quality coordinator او Assistnt Head Nurseوكلها هذي تخصصات تطلب شهادة بكالوريوس في التمريض لا تجلسين تعيدين من اول وجديد نصيحه كملي على تخصصك بعدين دوري قسم اداري من اللي قلت لك عليهم يصير علاقتك بس بالموظفين ومالك علاقه بالمرضى وخليهم يحتكرونك مو مشكله طالما مريحه في وظيفه اداريه ،،،،،


اي استفسار انا حاظره ،،،،

[control]

يأخوان صلوا ع النبي...

الآدمية ما تبي تكمل عملها كممرضة على كلامها ...ومعاها حق

وأنا والله مقدر وضعها وصادقة وما تنلام أنا ممرض بعد بوزارة الصحة - الله يديم النعمة....
وعارف شغل التمريض تعب وتقلب الشفتات فيه ومواجهة جمهور من مريض ومرافق وزاير ودكتور ومدير ورئيس قسم
ورئيس اطباء وتغطيات وإذا طلبت إجازة ما عطوك إلا بشق الأنفس والواسطات ....
وحتى لو قلنا مركز صحي برضه على قول المثل (سعيد أخو مبارك) دوام من 8 صباح حتى 5 عصر ....ليه؟؟

مثل ما قلت أنا في البداية أنا ممرض ولي على الحال هذا 7 سنوات ...
7 سنوات من morning إلى afternon إلى night يعني
متزوج ولدي أطفال تغربلت وترغبلت عائليتي وأولادي وأهلي شايلين همي...
هذا غير احتكاك الممرض مع مرضى الإيدز والهيبتايتز والدرن وأمراض أخرى أجارنا الله وإياكم منها...
ومناسبات أغلبها ما تقدر تحضرها علشان خاطر انت يالممرض مثلا تكون راحاتك حسب الجدول ممكن تجيك يوم (السبت -الأحد) إجازة يهود هي؟؟؟؟


والشكوى لله

<<<<< تحسون أنه يشحذ عند مسجد
ههههههههههههههههههههههههه

لكن لا تلومني والله مما في قلبي

وطلع قرار العام الماضي بأن اي أحد في تخصص (تمريض ،أشعة، مختبر...الخ) ما يكمل إلا في نفس تخصصه يعني ممرض تبقى ممرض لين تموت !!!

طيب يأخوان أنا غلطت في حياتي ودخلت تمريض ....الله وهو الله عز وجل يغفر لعبده إذا أخطأ

أنتم ما ترحمون ولا تخلون رحمة الله تنزل


المهم أختي الغالية ما علينا

أنصحك ما دام تقفل القسم إختاري وحدة من ثنتين

علم نفس

أو

علم إجتماع

وحتى بعد البكالوريوس إذا أراد الله لك أختي وكان عندك طموح أكثر كملي ماجستير

لأن ممكن يكون فيه

وظائف أخصائية نفسية أو أخصائية إجتماعية ومطلوبة في المستشفيات وطبعاَ الاولوية لذوي الخبرة في نفس المجال

والخيرة فيما أختاره الله....

وأسأل الله لك كل التوفيق والسداد فيما ترغبين فيه....

أخوكم

CONTROL

[(صعبة المنال)]

المشاركة الأصلية كتبت بواسطة albader اخوي حتى لو حولت في السنة الجاية مايحولوون ولا كيف .. انا شغال في مستشفى وقولت يمكن انقل منه ومنتظر السنة هذي اذا ماجاني نقل حولت ادارة مستشفيات فكيف الشغلة ننتظر ولا نحول من الحين وعلى الله

لو انت راغب بدا التخصص اعمل لك تحويل لانو السنه الجايه مراح يكون للأنتساب وحتكون الدراسه انقلش ربنه يوفقك

[الوافي 2010]

مبروك