اختبار التطوير التنظيمي؟.؟.؟.؟

[ahmad430]

كيف اختبار التطوير التنظيمي معكم واكيد حاسكم السوال المقالي وخاصه

والله ظلم 50 درجه علي سوال واحد حسبي الله ونعم والوكيل

بصراحه انا خبصت في السوال وجلست اخربط والله يستر

شكلها معي الترم الجاي

[تالي نهار]

انا لخبطت في الاسئلة كلها

والله ما عرفت وين راسي

اما السؤال المقالي عطيته الموضوع مثل ما يقول المثل قصيرة نفاعه

كلمتين عن الخطوط السعوديه وقلت الفشل كله من راس الملحم :) :)

[faisal aljrees]

اختبار عادل بمعنى الكلمة وبيض الله وجهه توقعته راح يكون اصعب و اصعب من الاختبارات الماضيه

تحياتي لكم

[faisal628]

انا حضرت الدورة وقال الدكتور بالحرف الواحد راح يجيب سؤال مقالي
ليس الهدف من السؤال التعقيد وانما يبي يعرف فكر الطالب اداريا وثقافته
حسب المنهج اللي درسه ولايقصد سرد خطوات انما اراء وافكار والاهم انه
يبي يساعد الطالب يعني ياخذ 30 - 40 درجه بلاش يعني تفلسف بعقل في الاجابه .... وبس
وبصراااحه انا ماادري انجح ولا لا لكن الاسئله ممتاااازه ونتمنى التوفيق للجميع

[ابو راكان *]

شكله لمساعده الطلاب

[تالي نهار]

المشاركة الأصلية كتبت بواسطة faisal aljrees اختبار عادل بمعنى الكلمة وبيض الله وجهه توقعته راح يكون اصعب و اصعب من الاختبارات الماضيه تحياتي لكم

والله يا فيصل الجريسي ان الاسئلة صعبه

والشي الثاني يا اخوي لنا شهر ونص ندور اسئلة او اي شي عن الماده وينك عنا والاسئلة الماضيه معك ؟؟

واتوقع لو الاسئلة الماضيه ليست معك لعرفت الفرق بين الاسئلة العادله والصعبه

[تالي نهار]

المشاركة الأصلية كتبت بواسطة faisal628 انا حضرت الدورة وقال الدكتور بالحرف الواحد راح يجيب سؤال مقالي ليس الهدف من السؤال التعقيد وانما يبي يعرف فكر الطالب اداريا وثقافته حسب المنهج اللي درسه ولايقصد سرد خطوات انما اراء وافكار والاهم انه يبي يساعد الطالب يعني ياخذ 30 - 40 درجه بلاش يعني تفلسف بعقل في الاجابه .... وبس وبصراااحه انا ماادري انجح ولا لا لكن الاسئله ممتاااازه ونتمنى التوفيق للجميع

صح النوم توك جاي تقول لنا وش سمعت منه في الدورة التاهيلية

قبل يومين واحد من الشباب طرح اسئلة عن الماده ويطلب الفزعه عن اي شي او معلومه او اسئله سابقه وينكم ما تقولون الكلام هذا والا انتهى الاختبار وجاي تقولون سهل وما سهل

[HTLAR]

المشاركة الأصلية كتبت بواسطة faisal628 انا حضرت الدورة وقال الدكتور بالحرف الواحد راح يجيب سؤال مقالي ليس الهدف من السؤال التعقيد وانما يبي يعرف فكر الطالب اداريا وثقافته حسب المنهج اللي درسه ولايقصد سرد خطوات انما اراء وافكار والاهم انه يبي يساعد الطالب يعني ياخذ 30 - 40 درجه بلاش يعني تفلسف بعقل في الاجابه .... وبس وبصراااحه انا ماادري انجح ولا لا لكن الاسئله ممتاااازه ونتمنى التوفيق للجميع

طيب اخوي الله يهديك ليش ما علمت الطلاب انه فيه سؤال مقالي لاصرت حاضر الدورة عشان يدعولك بالتوفيق

[سـلـيـمـان]

التطوير التنظيمي والسلوك التنظيمي راح تكون من ضمن موادي للترم الجاي ان شاء الله تعالى

اسال الله لي ولجميع الطلاب والطالبات التوفيق والنجاح

[faisal aljrees]

الاختبارات الماضيه - اختبارات هذا الصيف سلوك تنظيمي وسياسة عامة