دخلت اسنان ولكن

[Dr~NanoOok]

المشاركة الأصلية كتبت بواسطة wajarif الف شكر ليكم على ردودكم الحلوة بس كنت بسال المكافات الامتياز للبنات متى ومتى نغير بطايقنا لانو لمن رحت الجامعة في شعبان قالوا لسه؟؟

اهلا عزيزتي

إن شاء الله ردي.. وردودنا جميعا ريّحتك وافادتك =)

,

بالنسبة لمكافأة الامتياز
فما يحتاج تقدمي طلب عليها.. كل شي حيكون جاهز والشؤون الطلابية عندنا بطب الأسنان
حتعملوا ليكم.. وحتسلمكم هو في بداية السنة الدراسية
فلا تاخدي همها

وبالنسبة لتغيير البطاقات
فتقدري هذه الفترة انك تروحي لعمادة القبول و التسجيل وتغيريها

لكن مو لازم

وبرضو ببداية السنة وبأول اسبوع دوام.. تقدري تروحي انتِ والبنات وتغيروها
وكليتنا حتوفرلكم باص يوديكم لهناك ويرجعكم

<< شفتي كيف كليتنا مدلعة بناتها ومهتمة بيهم ^_^
وفعلا هي كده.. والكل يشهد عن اهتمام إدارة طب الأسنان بطالباتها

[wajarif]

الف شكر dr.nano0ok
من جد اتمنى اني اشوفك في الكلية واتعرف عليكي
الف كر لكل الي رد على موضوعي وساعدني اني اختار
من جد احس كاننا عايلة وحدة الحمد لله وانكم من جد استقبلتوني احسن استقبال
اتشرفاني اقول اني انا طالبة في طب الاسنان

[Dr~NanoOok]

اوهو انتِ ما شفتي ولا شي "^^

وفعلا لما نقول اننا كلنا عيلة.. فهي بمعنى الكلمة
بدايةً من وكيلة كليتنا د.سلمى ربي يذكرها بالخير
انسانه قمة في الاخلاق والتعامل.. وحتجي تكلمكم بأول يوم.. وأكيد كلكم حتحبوها إن شاء الله
فعلا زي أمنا كلنا

وبالشؤون التعليمية اللي يحسسونا وكأنهم خالاتنا "^^
أخلاق في التعامل و بيخدمونا من عيونهم والله !
و ماشالله عليهم مع الوقت يعرفونا واحده واحدة وبأسماءنا كمان !

وحتى الدادات اللي بيشتغلوا في الكلية.. بابتسامتهم و سلامهم علينا

~

ونجي لبنات الأسنان.. أحسن بنات واللي قلوبهم على بعض

عندنا حاجة مرررررره حلوة.. وكل دفعة تعملها للدفعة اللي أصغر منها
في بداية كل سنة.. يجوا ويشرحولنا عن السنة والمواد وكل شي
و اذا احتجنا أي شي نسألهم ويساعدونا من قلوبهم

وهذا الشي بنسويه كمان للدفعة اللي اصغر مننا
وعلى هذا الحال

وعشان المعامل عندنا كثير.. وبنقابل فيها اللي أكبر مننا واللي أصغر
فنسأل ونساعد ونحكي بعض عن تجاربنا وكل شي


و أحلى شي التعاون بكل شي.. حتى خارج الدراسة
لما نعمل يوم للأيتام في كليتنا.. وتشوفي كل الدفعات بتعمل وتتساعد عشان تعمل برنامج روعة للأيتام
وكثير من النشاطات

وبنات دفعتي
Dent-08 أحلى أسنانيات .. احلى أخوات أتعرفت عليهم

وربي لا يحرمنا من بعض.. ونكون عيلة دايما

واهلا بيكِ بعيلتنا ^_^
وإن شاء الله نتقابل بالكلية واتعرف على كل الأسنانيات الجداد

[wajarif]

الله يسعدك ومنجد الف شكر ليكي
وان شاء الله نكون يدنا في يد بعض كلنا

[DreamY CaT]

^^

أهمـ شي نقتنع بدآيةً .. ومع الدرآسة والتجربة كل شي حيتوضح وحنتأقلمـ مع الوضع أكثر

وان شآء الله نشد همة بعض ونخفف على بعض ..

يلآ خلآص نوّري الليست باسمكـ ^_^

http://www.skaau.com/vb/showthread.php?t=224679&page=15

الله يسعدكـ يآرب ..

[wajarif]

الف شكر ليكي ولأعضاء المنتدى الرائع
نورت الليسته باسمي ^ـ^

[mdmr]

كلها ماشاء الله تخصصات رووعه وراقية والغالبية تتمناها
انا اشوف لاتسعجلين وراح تحبي القسم بس عالاقل عطيه فرصة
ومايصير الا كل خير إن شاء الله
ربي يدلك على كل خير ويوفقك عزيزتي
تحيااتي

[wajarif]

شكرا على مرورك mdmr
جزاك الله خير