بنوتات و ولودين ايش جهزتوا للجامعه...؟

[باقة ^_^]

طيب اختبار الانقلش ايش ناخذ معناا

[د.مشاعل]

انا جهزت اللبس
وباقي الادوات

:

[ǁ غــلأآإ ، رٍوٍحــي ǁ]

^_^

يمنع منعا باتاً الخروج عن صلب الموضوع و جعله ساحة للمناقشات الجانبية ( chat ). وسيتم حذف الردود الخارجة عن صلب الموضوع .


النظام العام لمنتديات طلاب وطالبات جامعة الملك عبدالعزيز

[قائد بلا جنود]

سبحان الله

فيه فرق بين البنت والولد حتى في المواضيع

البنت تلاقيها تزخرف وتلون وتزبط الموضوع ويطلع حلو

الولد يكتبه بلون واحد ويصغر الخط ولو الموضوع مهم يصير بااااايخ

~~~~~~~~

أشكركي صاحبة الموضوع على الموضوع المزخرف

~~~~~~~~

بالنسبة لي أنا ما جهزت ولا شي ولا نزلت للسوق وبأجي الجامعة بثوب وشماغ لأخر الترم وكذا يكون أحلى

[طالب طب في المستقبل]

انا بصراحه شريت السكرب وفصلت الاب كوت <<من زود الحماس

اما اغراض الجامعه لا والله ماشريت منها شي حتى دفتر ماشريت

ولا راح اشتري لانه اول يومين عندنا ارشاديه

واشكرك راعية الموضوع على الموضوع الاروع من الرائع

واتمنى للجميع التوفيق

اخوكم د-عبدالرحمن المالكي

[طموح متواصل]

مرررحبا مياسه..سبحان الله كانك تتكلمي عني نفس تفكيري بالزبط..في كل كلمه قلتيها..سبحااااان الله
فكرة الطرحه البيضا فكره قيدالتنفيذ من زمان بس ماااالقيت في اكسسواريز قماش باااارد وانا بلفها على عنقي خخخ حفاظا عليه من الاذى..
المظله مالقيت في سنتربوينت حق عزيز(القيت نظره خاطفه ولم ارااااها)؟؟؟؟؟ياااارب القى
الشوز المقفله هذا مبدأمن مبادئي..اني اخفي رجولي تماااااما عن الشمس
شكرررررا على موضوعك الحلو//وشعوري خاااايفه ومتوتره...وعندي امال كثيره ابغى احققها على المستوى الجامعي والاجتماعي..يااااارب وفقنا اجمعين وبارك لنا في اوقاتنا..وباعد بيننا وبين الذنوب مثلما باعدت بين المشرق والمغرب
اللهم صل وسلم على نبينا محمد.

[nouna]

نااايس الموضوع
انا ما اشتريت غير تنوره وحده و قميصين و السووووق مليااااااااان تنانير بس كارهتم ما ادري ليه !!
لوووول
الله يعين لمن اشوف كيف الوضع و اش راح يقولو عن اللبس في اليوم الارشادي
اكتتر شي شاغل مخي دحين اختبار الانقلش
بالتوفيق للجميع يا رب

[G.Q]

اهلين ميآآسه = ) ,,

والله انا حالتي مرا صعبه و شعوري مرا غريب فرحآنه انو سرت فالجامعه و خايفه و قلقانه احس شي جديد و مراااا يختلف عن المدرسه و مرا حايسه مو عارفه اسوي ولا شي ...

ما اعرف ايش اشتري ملابس يعني لازم تنوره ولا بنطلون و قميص و لا تي شيرت و لا ايش اشتري من المكتبه من دفاتر و ملفات و اقلام ... ولا كيف حتكون الكتب .... ولا عارفه كيف حيكون الدوام و لا النظام و لا شي ,,

و شايله هم اختباري يوم الاتنين .. و مني عارفه متى حيكون اليوم الارشادي نسيت ,,

وما اعرف كيف حيكون المعدل و الدرجات و كيف بعدين حختار التخصص ,,

اشيااء كتيييير شاغله بااالي و مخوفتني ,, احس انو دي السنه لازم اضغط على نفسي و اشد حيلي لانو سنه تحضيريه و عشان ابغى اجيب معدل حلو يدخلني تخصص فـ بآلي ..

امممممم ايش كمااان ... بس دا اللي فـ بآلي دحين ..


الله يعيننآ يآآرب و يسهلنآآ كل آآمر صعب

[نــورهـ]

G.q
عزيزتي كنت برسل لك على الخاص بس فضلت هنا عشان الكل يستفيد
اولا توووكلي على الله في كل اموورك و الغي من عقلك فكرة الخوف و الهم لان احلى مرحلة حاتمري فيها هي المرحلة الجامعية كل شيء في البداية صعب لكن لازم قبل مانعيش هذا الجو نحط في بالنا انها ايام حلوه ونتمنى تنعاد ابني في تفكيرك انك طالبة جامعية تبني مستقبلك هذا الهدف بناء المستقبل بعد الله سبحانه و تعالى وانك تخدمي دينك و وطنك و مجتمعك

بالنسبة للدفاتر يكفيك اول اسبوع دفتر واحد و اقلام و الرصاص الين تعرفي ايش المطلوب منك و دايم خلي لكل ماده دفتر او دفترين غير دفاتر المذاكره

بالنسبة للبس ماادري هذا رائي الشخصي خلي لبسك اسبور لان حر و شمس خليك على الجينزات و التشيرتات و اكسسوار ناعم و اهم شيء الجزمة الله يكرمك تكون مقفلة عشان الشمس و لاتنسي واقي الشمس

نجي للجد و المعدل اكيد انتي نفسك في تخصص يعني لازم تشدي حيلك عشان تدخليه
شوفي حبيبتي شدي حيلك بقوه و خاصة اول ترم عشان معدلك حايتاثر باول ترم يعني كل ترم يعتمد على معدل الترم الي قبله
نصايح جربتها
اجلسي قدام و تعالي المحاضرة بدري حضري الجديد و راجعي السابق لازم الدكتوره تعرفك و ماحاتعرفك الا بهذي الامور وحايفرق بعدين حاتفهمي بعدين معنى كلامي لازم تكون علاقتك حلوووه مع كل الدكاتهر و تعطي كل دكتوره و ماده كل اهتمامك و هذا يبان على الطالب المجتهد و بالتالي حايزيد قدرك عندها اذا عندك سؤال اسالي لاتستحي ابدا انتي جايه عشان تتعلمي و لاتفوتي اي محاضره حتى لوتعبانه او طالعه من اختبار و بعدها عندك محاضره صح حاتكوني تعبانه و مرهقه بس لازم تحضري كل هاالامور حاتكون في صالحك وقت المحاضرة جد و بعدها وقت فراغك فليهاااا اعطي كل شي حقه و بالتووووووووووووفيق يارب
لا تيأسي ابدا حتى لو واجهتك عقبات او مشاكل عادي حاتعدي
اخيرا اعتذر على الاطااااله بس والله لاني دخلت و كنت محتاجه احد ينصحني و مالقيت و ماابغاكي توقعي في اخطائي لان احنا كلنا اخوان في المنتدى اذا عندك اي سؤال او استفسار اسالي و خذي راحتك و اعتببريني اختك

[مياسة العود]

المشاركة الأصلية كتبت بواسطة قائد بلا جنود سبحان الله فيه فرق بين البنت والولد حتى في المواضيع طبعا أكيييييييييييد البنت تلاقيها تزخرف وتلون وتزبط الموضوع ويطلع حلو الولد يكتبه بلون واحد ويصغر الخط ولو الموضوع مهم يصير بااااايخ لابد من المظهر العام يقولون العين تاكل فبل الفم<<<خير أكله ~~~~~~~~ أشكركي صاحبة الموضوع على الموضوع المزخرف ويلكم أخوي ~~~~~~~~ بالنسبة لي أنا ما جهزت ولا شي ولا نزلت للسوق وبأجي الجامعة بثوب وشماغ لأخر الترم وكذا يكون أحلى

وااااال يالطيف

ليش كدا

طيب كم جنز

الثوب بيتعبك كل يوم كوي ودنيا وحوسه وشماغ اعتبره ضد الحركه

الله يوفقك اخوي :)