بالنسبة إلي مقدمين على وظائف المعيدية-إقتصاد منزلي

[بنت جدة المنكوبة]

بالنسبة إلي مقدمين على وظائف المعيدية-إقتصاد منزلي
اليوم سألت عن العرض
قالولي لازم الأشياء إلي سويتيها فقط بعد التخرج
يعني اشتغلت شغل في مجال التخصص
وثانيا طالبين الإنجليزي شي أساسي
وبالتوفيق للجميع

[miss hofa]

صراحه احسه تعقيييييييييييييييد وتحطيييييم
طيب اللي توهم متخرجين جدد ايش يسوون ؟؟؟
الله يعوضنا بخير منها يارب
ويعطيك العافية يارب

[sofe]

بنت جدة كيفك ممكن توضحيلى اكتر عن العرض كيف الطريقة وشروطهم ومتى التقديم وجزاك الله خير

[بنت جدة المنكوبة]

المشاركة الأصلية كتبت بواسطة sofe بنت جدة كيفك ممكن توضحيلى اكتر عن العرض كيف الطريقة وشروطهم ومتى التقديم وجزاك الله خير

العرض تكتبي فيه عن أهم أعمالك وانجازتك بعد التخرج وأهم شي يكون في مجال تخصصك
مع إضافة صور.......
يعني بالمختصر المفيد إلي ماعندها خبرات بعد التخرج أو إلي توها متخرجة لا تتعب نفسها ولاتقدم
والتوفل أساسي
لأن المفاضلة حتسير كالتالي:
1-أوراقك تكون جميعها مكتملة حتكون عليها نسية معينة%
2-المعدل بتاع التخصص (يحسبوا بس المعدل التراكمي في مواد التخصص يعني مايدخلوا من ضمن حسابهم المواد العامة) حتكون عليها نسية معينة%
3-المقابلة الشخصية حتكون عليها نسية معينة%

علين ماتسير 100% والي تحصل على دي النسبة هي الي بتنقبل معيدة بإذن الله

[Afaf A]

مرحبا اخواتي

انا ابغى اقدم على هالوظيفه كيف الطريقه اللي يجزاكم خير دلووني

[بنت جدة المنكوبة]

إنتي إيش تخصصك

[S2_MiRa_S2]

اف يعني العرض لازم يكون الاشياء اللي سويتها بعد التخرج؟؟ ولازم يكون من نفس التخصص؟؟ ايش دا بالله؟؟ انا هذي السنه اتخرجت يعني ايش اسوي؟؟ وليه مايكون الاشياء اللي سويتها في الكلية؟؟؟

[بنت جدة المنكوبة]

للأسف هادي السنة غيروا السنوات الي فاتت ماكانو طالبين كدا
دحين ساروا يشترطوا الخبرة

[sofe]

السلام عليكم كيف حالك يابنت جدة المحضوضة اتمنى انك تغيرى لقبك صراحة كل ما اقراة يجينى الضحك اسعدك الله رغم انى زعلانة على هادى التعقيدات الى بتصير عندنا حسبى الله ونعم الوكيل اطلب منك خدمة ادا قدمتى على الوظيفة لازم شرط العمر والتوفل يعني ما يستلموا الملف ارجوكى اسالى قبل ما اروح انا تخصص تربية فنية ولسع اول سنة ماجستير وجزاك الله كل خير لقد خدمتى الكثير الله يوفقك فى الدنيا والاخرة

[بنت جدة المنكوبة]

لللأسفأنا مايبغوا يقبلوا أوراقي
لأنو ناقصة درجة واحدة في لتوفل