عاااجل رحم الله والديكم .. والله اخوكم متوهق

[githarah]

يا اخوان انا خريج في الترم الصيفي
لكن جتني ضروف صعبه وانجبرت اني اعتذر

واليوم اشوف الاخوان نزلت جداولهم وانا مكتوب طالب غير مسدد

وش اسوي انا مسدد الترم اللي راح واعتذرت ...؟؟
وش لون ينتقل سدادي للترم هذا .. ارجو الرد بسرعه تكفون

[يآرب مآخآب من ترجآك]

هلا هلا

الطلاب اللي تتكلم عنهم انتظام

بالنسبه لانك سددت لاتخاف ماتضيع فلوسك بس انتظظظظظظظظظر اصلا لادفع يجي بعد اسبوع الى اسبوعين وقتها ان شاء الله راح ينزل لك جدولك عادي

دعواتك =)

[githarah]

الله يرحم والديك وما تمس النار ايديك الله يطمنك والله يستر

انا سبب خوفي لاني سويت طلب الاعتذار اكثر من مره خلال يومين لانه ما طلع عندي انه تم قبول اعتذارك

عشان كذا اخاف يأجلني اكثر من ترم :(

[ولد ملهم]

مرحبا اخوي لاتطمن تتحول فلوسك الى الترم الجاي
بس اهم شي في كشف الدرجات عندك اذا كنت منزل الماده الترم الصيفي كيفها لاتحول مكتوب قدامها انه محروم كذا مشكله

[Hard 2 Reach]

اصبر وتفرج

كلها كم يوم ويتحدث النظام ويفتحون السداد بعدها باسبوع بالكثير يفتح لك الحذف والاضافه

بالتوفيق

[الله كريم الله]

وليش ماتراجع الجامعه احسن تاخذ الخبر اليقين

احسن من حرقه الاعصاب

[تركي جدة]

اعتقد تتحول لـ الترم اللي بعده

على العموم لي قريب موظف في عمادة القبول والتسجيل وهو مسجل معنا في المنتدى هذا او غيره اظن اسمه امير جدة او امير على العموم انا بسأله اليوم لان هالحين جواله مقفل اول ما بتأكد من اعتقادي برد لك خبر

[wewe]

لازم تراجع احسن لك
وفلوسك ماراح تضيع ان شاء الله

[githarah]

الله لا يهينكم اخواني عالاجابه

انا والله في الرياض وصعبه علي مراجعة الجامعه في كل صغيره وكبيره

اخوي تركي جده الله لايهينك تأكد من موضوع اني لما طلبت الاعتذار طلبته اكثر من مره ..
والسبب اني كل ما طلبت اعتذار يعطيني امكانية حذف واضافه من جديد...!

والان اذا فتحت تقرير تسديدات الطالب مكتوب تحتها طالب غير مسدد وتحت بالاسود حروف d كثيره كذا

ddddddddddddd

[تركي جدة]

على بالي انك بجدة على العموم من شوي كان عندي وسألته قال سلمك الله اذا بجدة يروح مكتب وكيل الانتساب عند شخص اسمه احمد الشهري وعلى طول راح يتحول مبلغ السداد لـ الترم اللي يبيه .
وإذا كان يحتاج برنت والا شي قال ابد ما يحتاج الا يشوف السداد متى صار والاعتذار وبس.

ومن حظك سألته اذا كان من برا جده قال يوكل له شخص ويروح لـ الشهري ويسوي الطلب .

وإذا تبي وانا اخوك اسويها لك ابد تأمر وانا موظف بجامعة الملك عبدالعزيز ومقر عملي على قولتهم حذفه حصى عن عمادة القبول والتسجيل
اذا ترسل لي رقم جوالك بالرسائل الخاصة او رقم الجامعي واسمك لجل اعطيه البيانات واقول لك وشـ اللي يصير او اقول لك خلاص كلمة غير مسدد راح تنشال وينزل لك الجدول.