ممكن مساعدة من بنات الخطة ب

[سوسة المكسوفة]

انا سمعت انو طلاب الانتساب الخطة ب حيكونوا سنترا و طلاب الانتساب الخطة أ هم اللي لهم محاضرات في الجامعة ... فأنا أبغى اسأل هل ده صحيح ؟ و هل لازم اننا نروح الجامعة عشان نشتري كتب ؟؟ و يوم السبت نروح الجامعة ولا كيف الوضع ؟؟


و الله ادري تعبتكم بس و الله خلاص تعبت من النظام ده.. و قالوا فيه برنامج ارشادي ولا استفدت منه شي بس تعبت نفسي على الفاضي

[رهـــووومه]

انتظري التقويم ينزل وبتعرفي كل شي بدون اشاعات وكلام مشكوك فيه

بالتوفيق

[روح متفائله]

8
8
8
نفس كلامها انتظري التقويم الجامعي لان حالنا متل حالك ماندري دوام او سنتره

[طموحي إبداع]

بالنسة للكتب مو لازم تشتريها من الجامعة تقدري تشتريها من مكتبة خوارزم ودار حافظ وممكن جرير يعني مو لازم تروحي الجامعة عشان الكتب

الانتساب السنة التحضيرية سنترا هادا اللي اعرفوا

والدورات التأهيلية تبدأ بذو القعدة وفي بمحرم


وبالنسبة سؤالك عن يوم السبت اللي هوا بكرا تقدري تروحي بس الانتساب دوامهم مو دحين وتقدري تحضري محاضرات مع الانتظام اذا حابة بس لازم تستأذني من أستاذة المادة


وبصراحة اتمنى اكون افدتك وتكون المعلومة وصلت

والأفضل زي ماقالوا البنوتات تستني التقويم الجامعي لين ماينزل وتتأكدي بنفسك

وبالتوفيق