كل مبنى في ديره !!! مشاويييييييييييير وضياع وقت المحاضرات

[السيف99]

السلام عليكم ورحمة الله وبركاته


اخواني واخواتي

اصحاب السنه التحضيرية


ليش المباني بعيدة عن بعضها ؟؟!

صراحه شي لا يعقل !!

كل ماده في مبنى يبعد عن الاخر مسافه كبيره

ليش ما يتم جعل المواد في مبنى واحد

صراحه شي غريب

واكثر اللي حاسيين في المشاوير اللي يروحوا مبنى 91 مشوااااااااااااااااار

خاصه اذا كنت في 31

والادهى والامر انهم مو حاسبين اوقات التنقل

اعطيكم مثال

اقوى من 31 و 91


يوم السبت والاثنين والاربعاء

عندي مهارات حاسب في كلية علوم الارض بعيييييييده جداااااااااااااااا عن مباني السنه التحضيريه

احرك من 26 الساعه 9:50 وشووووووووووووووف يا زحمه امة لا اله الا الله زحمه غير طبيعيه

واوصل كلية علوم الارض عشرة وربع احيان 10:20 راحت 20 دقيقه من المحاضره

واخلص منها 10:50 احرك على طووول لان عندي انقلش في 91 وخذ يا زححححححمه شوفوا طول المشوار والزحمة وساعه ادور على موقف وانزل وامشي الييييييييييييييييييييييييييييييييييييييين 91 وريقي ناشف من المشوار وادخل على الانقلش 11:20 راحت برضو 20 دقيقه




ولا احد حاس فالمعاناه 20 دقيقه تعني الكثير في بعض الاحيان

وليتهم مقربين الحاسب مننا مو فعلوم الارض اخر الدنيا


ولا لو يحسبون وقت التنقل في الجدول على الاقل




...



واسف طولت عليكم


مشكورين

[سمينا انت]

السلام عليكم ورحمة الله وبركاته
مشكلة تباعد المباني خصوصا اذا كان الطلاب ليس لديه سيارة واغلب الطلاب ليس لديهم سيارة لماذ تباعد المباني
مثلا تكون كلها بجوار بعض حرام يتعب الطالب في عز الحر والله يجماعة
نزلت المباني 125 81 26 40 75 ليش ياجماعة
تقولي باص باص مايجيك بسرعة ثقيلين دم
ارجو النظر الى الموضوع الهام
نتمنى ان تكون كلها بجوار بعض لكي يسهل على الطلاب
او ان يكون في كل مبنى اومبنيان باص واحد خاص لهم
وفي الاخير اقول ارحمو من في الارض يرحمك من في السماء
تحياتي
ارجو ان يدرس الموضوع بجدية
بحيث يدرس الطالب في مبنى واحد او مبنايان مجاوران
[هذا وانا طالب فكيف الحال اذا كانت طالبة

[سـمـرـرـر..!]

انا ماعرف هدا يعتبر تدخل مني او لا .. لأنكم اولاد كلياتكم غير ..

اخويا متمرمط معاكم كمان ... دايم يشتكي .. وكمان المواقف ..





حتى احنا ااساحات مرا كبيره ومرا متباعده المباني..(كليه التربيه بالفيصليه))

شي يرعب بصراحه.. مافي الا عربه قولف وحده .. تصورو..!!

كل مبنى لازم تمشي كم كيلو عشان توصل .. وياعيني عالساحات مااافي ولا مظله .. اغلب البنات تغير لون بشرتهم مع الشمس .. مرا قرف..

بصراحه مايراعو في اي شي.. اهم شي سوولنا مباني ويمنو كمان..

كلها كوم .. تنظيم اماكن القاعات شي تاني.. هيا انا ايش دخلني اخد ماده نظام حكم في معمل للفيزياء عند الروائح الكيميائيه والمواد الغريبه .. والكراسي محوده لازم نخرج ندور كراسي ونجرها زي الهبل .. وشوفلك الزحمه..

والا الرموز .. يكتبولك رمز .. ماقد مر عليك من 3 سنين.. ..!! نروح نسئل ونتبهدل .. واحيانا تروح علينا المحاضره عشان مافس تفسير للمز الخطير الل يتعبو وهما يفكرو فيه....!! واكتر من مرا الاقي الرمز في مبنى .. واروح يقولولي : هدي القاعات تحولت مكاتب .. هيا باللهي هدا حال؟؟
يحطو رموز ويسيبو البنت تضرب في الأرض زي البقره الضايعه تدور وتدور .. بصراحه انا دايم تتحرق اعصابي .. واتنرفز .. واحيانا ابكي من القهر .. ومن الحال الزفت .. وهدا غير احساسك بانك تبغى شحته او مصلحه من استاده .. لمى تسألها ماتديك وجه .. الا بعد ماترفع نبره الصوت شويا وتديها نظره جهنميه..

وكمان يحطولك مواد جديده في الجدول .. عشان تضيف .. طيف سوو لنا لقاء او استاده تفهمنا بمحتوى كل ماده عشان اشوف اختارها اولا.. مو تخلونا نختار وفي الإخير نتندم .. ونتنكب من الماده وصعوبتها ..

وكولها كوم يجيبو استاده ماده تدرس ماده مالأوما دخل بالل يتعرفو هيا.. ماتعرف تشرح .. ويظهر التناقض في شرحها .. والدرجات خايسه معاهم..
وربي حتزهقو لو حكيت اكتر .. لسى اللي بالقلب شي كتييييييير .. حروفي ماتكفي .

بس مو زيكم بصراحه .. انتو غير .. التمس هدا الشي من اخويا..

وبيني وبينكم .. الإهتمام من المسئولين.. شي تاني.. !!! <<لاتعليق

عزائنا الوحيد انو جهاد في سبيل الله..

ناخد اجر .. حق المشوره اللي هلكتنا ..

[السيف99]

يعطيكم العافية عالمرور


ويا سمر والله اني حااااااااااااااااااااااااسس فيك

حسيت انك بتكسري الكيبورد من القهر والله حتى انا هذا وانا اول اسبوع لي في الجامعه اجل انتي كيف


الله يعيييناا ويعينك اختي

نورتي موضوعي

[أنثى وحيدة]

من جد حتى احنا البنات يعني بين المحاضرات تقريبا 5 دقايق مرة مايكفي والمباني بعيدة
انا عندي مبنى 9 الى مبنى 420 ويادوب 5 دقابق بين المحاضرتين بس يالله تلحقي

[سـمـرـرـر..!]

السيف هههه

انتا المسكين .. على الأقل اخر سنه ورح افتك من الهم .. الموشكله ياليت في وضايف مضمونه ..<<من جنبها

انتا الل باقي لك سنين عشان تتخرج.. هههههه ..

والله رح تتثقف في شي اسمو ملعنه اساتذه .. وتتثقف في شي اسمو انظمه خايسه .. يعني حتااااكل كتير ..

ياعيني عليك .. الله يساعدك يارب ..

بس لاتعارض اي شي .. لانهم انبياء مايرضو احد يوقف بوجههم .. يعتبروها اهانه .. ..

الله يستر .. ويوفقك يارب ..

[اسمـاء محمد]

الحمد الله

ع الاقل مو زي موعاناتكم

صح 10 دقائق تضيع مابين المباني

خصوصا 420

[السيف99]

يسلموووووووو عالمرور

والله يعيننا كلنا

اما من ناحية انهم شايفين انفسهم انبياء ههههههههههههههههههههههههه
حللللللللللللللوه

الله يستر

والله الحين ان بديت اشوف ملعنة الاساتذه وتكبرهم وشرحهم اللي اي كلااااااام

واجي ابغى اذاكر رياضيات ولا فيزيا معرف شي كل ابوه انجليزي :( :( :(

[سـمـرـرـر..!]

السيف .. لاتتذمر ..

جربناها دي.. ما عجبنا الوضع .. ونتذمر ونزعل ونتضايق .. والله ولا تغير شي .. <<وكأنو فرقت عندهم .. انت عندهم زيك زي الطاوله والكرسي ..

مايعيروك اي اهتمام الا في حالتين :

الأولى.. ادا كونت قريب لأحد الساتذه ..

التانيه .. ادا جو يصححو اوراقك اختبارك.. يطلع الإهتمام . ..! قال ايه .. يدققو في التصحيح عشان يدوك حقك في كل حرف كتبتو .. عشان مايظلموك ياعزيزهم وحبيبهم في درجاتك..!!

يلعن ابو العدل اللي كدا .. يرسبونا ..!!

((ندقق في اجوبتكم عشان لايحصل ظلم))

نفاق .. الله عالمحبه اللي تجي ايحاء من الله وقت تصحيح الإختبارات..

قصدهم يدورو اي شي عشان يرسبوك .. وربي في ناس .. مع احترامي للكادر التعليمي ..

انو عقول البزوره انضف من عقولهم...

بعضهم يتناقرو مع الطلاب كانهم بزوره.

السيف .. شد حيلك .. ماينفع التكاسل ..

اما عن الإنقلش .في رياضيات عربي .. ليش ماخدتو ..؟؟

الأدبي يدرسو رياضيات عربي على ماضن .. والعلمي منهجهم رياضيات انلش..

حسب معلوماتي من البنات..

بس حاول تترجم كل صفحه مع الإستاد.. او اي واحد دافور اشبك معاه.. <<يعني صاحبو ههه

الله يوفقك ..

..~

[Sahar yanas]

نفس الشكاااوي ترى كل مادة لها مبنى بعيد عن التاااني ..

بس حليت المشكلة الي كنت اعاني منها وتأخير عن المحاضرات ..و عن الشمس القاتلة

1- toktoks على حظي اذا لقيت .
2- umbrella تحميني من عزاب الشمس .
3- sun cream عشان الشمس القاتلة
4- البس جزمة تساعدني على الجري.
5- وباقي افكر اغير الشنطة عشان تساعدني اكتر على الجري .. يعني اشتري شنطة على الكتفين ..

لأنو بصراااحة مباااني مررررة بعيدة عن بعضها وماعندي سيارة وتحت الشمس لازم امشي ..افتكر كنت لابسة شبشب الله يكرمك وانقطع من الجري فقلت احسن استمر على الشوزات .. وموعيب تجري اهم شي توصل .. وانا في الجامعة مشهوورة بالجري خخخخ..ولاتنسى تعبي موية من عندك في البيت عشان بعد كل جرية اكيد حتتعب ولازم تشربلك وتروح وتدخل المحاضرة مايفووتك شي ..