نتائج زيارتنا للجامعة بخصوص ادارة الاعمال !!!!

[Abdulaziz Al Sufayan]

أولا : يعطيك ألف عافية أخوي سلطان أنت و أحلام على مجهودكم

ثانيا : يا جماعة أنا و الله مستغرب أنتم الحين جالسين تتكلمون في خطابات و وكالات و سفر لجدة و روحه و جيه طيب هذي كلها تاخذ وقت و الدراسة المفروض أنها بادية الأسبوع هذا أو الجاي على الأكثر .

السؤال المهم الآن هو : هل نترك التخصص ما نختار إدارة عامة الحين ؟؟؟

طيب و لو تركناه ما أخترناه وش بيصير الوضع ، هل بيصير كأني حاذف تيرم عادي و أكمل التيرم الجاي لين انحلت المشكله ؟ و إلا فيها مشاكل ثانية إذا ما أخترت التخصص الحين ؟؟؟

و إلا الأفضل أننا نختار الحين إدارة عامة و نتابع المطالبة إذا جت حولنا إدارة أعمال بعدين على راحتنا و إذا ما جت كل واحد يشوف ظروفه عاد يكمل أدارة عامة و إلا يفصل ؟؟؟؟؟؟؟؟؟؟؟؟؟؟؟؟؟

[M!Ss.Dudi]

حسبي الله عليهم ..

[متفائله بقوه]

جزاكم الله الفردوس الاعلى

حسب معلوماتي ان الدراسه في كلية الاعمال بالانجليزي

ومادة الاحصاء والتفكير والاتصال مو من ضمن الخطة الدراسيه للكليه

يمكن هذه الاسباب اللي تمنع التحاق طلاب التعليم عن بعد بالكليه


مع اني اتمنى تخصص ادارة اعمال

[! سلطـــان !]

المشاركة الأصلية كتبت بواسطة 1048834 أولا أحيب أشكر أخوي سلطان وأحلام لا تكتمل وأقول الله يعطيكم العافية وماقصرتوا وكقيتم ووفيتم والله يجزاكم عن تعبكم خير الجزاء ، بس أنا ودي أضيف نقطة اللي هي : إنه يوجد مادة في النظام تسمح بالتوكيل وكالة خاصة لاي شخص لمراجعة الشؤون التعليمية وهذه كثيرا مايستعملها طلاب الانتساب ،، ولذا مفروض أنه نستغل الفرصة وبالنسبة لي أنا ماعندي مانع أنه أعملك توكيل من كتابة العدل وماأتوقع أنه في أي شخص يرغب في التخصص راح يرفض أو يتكاسل ،، لانه الكل يعرف أن في ناس مرتبطين بأعمال وموجودين في مناطق بعيدة وماراح يتمكنوا من التواجد للمطالبة بحقهم ، لذا أنا أقول مافيه حل إلا عمل توكيل لك أخوي سلطان أو أخوي أحلام لا تكتمل ولا راح يكلف الشخص أكثر من نصف ساعة في كتابة العدل ومن ثم يرسلك نسخة بالفاكس ، أنا أتمنى إذا عجبتكم الفكرة وماكان فيه أي ملاحظات ، نعمل خطاب موحد بالتوكيل ويتم تنزيله في المرفقات في موضوع مستقل ومثبت في المواضيع الرئيسية في المنتدى وتذكروا أنه ماضاع حق وراه مطالب ووراهم وراهم إذا مانفع معهم نشوف لوزارة التعليم العالي وإذا مانفع نشوف لديوان المظالم حسبنا الله عليهم ، ولكن أذكركم أنكم أصحاب حق لاتتنازلواعنهم ،، وأنا من وجهة نظري أنه لو بدأنا بعملية التوكيل لرجال يجتهدون ويتعبون ويحترقون ليضيئوا دروبكم فإن الله لن يخيب مسعاهم بإذن الله ،،، أتمنى التعليق لنقيس مدى فعالية الفكرة ولكم تحياتي،،،،، العنيد

يالغالي المسألة مو مسألة وكالة بمعناها المتعارف عليه انا سألت الدكتور اسامة مدير الجامعة وقلت له يعني اسوي وكالة من المحكمة ؟؟

قال لا يعني تجيب لي رقم كل طالب واسمه وتوقيعه عرفت ؟ يعني ما زلنا في الروتين ..

يعني الحين انا خذيت الارقام هذي غصب عن اصحابها او ألفتها مثلا من راسي وقلت له ان الطلاب والطالبات متواصلين معي بالمنتدى وهم الي اعطوني ارقامهم قال تكتب الرقم والاسم وتوقيع كل طالب وطالبه او تقدم الخطاب ويكون شخصي بأسمك فقط .

الوكاله يمكن نحتاجها اذا وصلت الامور الى ديوان المظالم مع اني اتمنى ما توصل بس اذا اجبرونا حنا لها

...................

ثانيا تأسفت جدا لردود بعض الاخوات عموما اقولها للجميع الي يبي يكمل معنا الى اخر رمق اهلا وسهلا والي يبي يشوف له طريق ثاني الله يستر عليه

[سر الوجود]

وعليكم السلام والرحمه

شكراً لكَما اخي سُلطان و اخي أحلام لا تكتمل على جهودكما المبذوله والخدمه العظيمه التي قدمتمها للجميع

جُزيتم كل الخير ونسأل الله لكما التوفيق ياارب

[؛؛وجود؛؛]

اخوي سلطان انتم ماقصرتوا
والنيه واضحه منكم ....

لكن العتب واللوم على اصحاب الاماكن
واللي المفروض يشاطرون بهالشي

اخوي انا من رائيي ماتدخلون في نظام الروتين المعتاد
اخاف تكون وعود من غير تنفيذ ولاتنسى الوقت يمشي
وامور مثل هذي تطووول معاهم ..


انا شخصيا اثر فيني الموضوع عارفه نظام الجامعات وبهذلتها
انتم لاتقصرون ومااحد يقدر يوقفكم عن شي لكم كل الحق فيه


انا لي خبره من مواقف كثيرتعرضت لها
من جامعه ثانيه
جاتني وعود كبيره وعشموني ع الفاضي
قدمت اوراق من ناس كبار وقالت لي الجامعه
تم على ولا شي

هذي وجهة نظري يمكن مو موقف
لكن هنا الجامعه ماادري لو فيه تنفيذ او لا
لكن اشوف لو تجيبونها من تاليها افضل لكم واضمن
وضمان الله اكبر


العمل ادوه على اكمل وجه
الاهم ماتتخلون عن خطوه لكم فيها كل شي
واول وتالي امر الله التام
عسى ولي الكون يسهل امركم
ويكتب لكم التيسير عاجل غير اجل

[الساهر1976]

السلام عليكم ورحمة الله وبركاته:
الاخ سلطان الاخ احلام لاتكتمل صراحة رايتكم بيضاء
كل الاحترام لكل من هو قائم على هذا المنتدى صراحةً شيء محزن جداً اذا كان ذا ردهم بكل بساطه
ابي اسال اي واحد فيهم واتمنى انهم يقرون الموضوع ويقرءون الردود اذا كان فيه ابن احدهم بها التعذيب عن بعد وصار معه ذا الشي اللي صار مع اخواننا بيرضون؟ لا والله قسم بالله ليقومون الدنيا قال الرسول الكريم عليه افضل الصلاة والسلام (لايؤمن احدكم حتى يحب لاخية ما يحب لنفسه)
مو عارفين ان اكثر الطلبه ذولي تعب وعانى الامرين في تسديد الرسوم اللي هي تعتبر اكثر رسوم جامعية على مستوى جامعات المملكه وبكل بساطه لغينا التخصص طيب احلام الناس اللي بنوها اللي تعبو فيها ولو انه من الاول قالو مافي تخصص نقول ماشيء الله يعين لاكن يخصصون الناس ثمن يقولون الغوها بكل بساطه ولا يحسبون له حساب هو اصلا وش هامه انا ومن بعدي الطوفان يعني بالعربي طزززززززز فيكم انا ماسك منصب واي واحد من اولادي لو نسبته ماتجاوزت 60% راح يدخل الجامعه وانتضام بعد ولو يبي كلية طب بعد يبشر وغصب عن اللي يرضى واللي مايرضى ناس ماهما الا انفسها ماهمها تعب هالمساكين واذا قالوقال حنا وفرنا كل شيء مناهج سهلناها افضل الاساتذه عيناهم كله علشان راحة الطالب في جامعة الملك عبد العزيز اقسم بالله يالطالب في هالجامعه انه مهان ومخذول لابعد الحدود لاكن ما اقول الا حسبنا الله ونعم الوكيل في كل واحد له يد بها الموضوع لا ويقول جيب لي توكيل من كل طالب وين ادور الطلبه فيه على باله انو محد فاهم عليه اني يبي يحرجكم ويطلعكم من المولد بلاحمص توكيل وانت عارف وواثق تمام الثقه انو كل طلبة التعليم عن بعد موقريبن من بعض وان كل واحد بمدينة يستبلهون علينا عيب والله عيب اذا انسان في كبر سنك ومنصبك يقوم بحركات مثل ذي يعني انا مسكين مو عارف شيء والله شيء من جد محزن لاكن اقول لكل الطلاب اللي الغي التخصص عليهم لاتقنطو من رحمة الله وصلو الموضوع لاكبر مسئول لو وصل الامر انكم توصلونه الى مقام سيدي خادم الحرمين الشريفين ماعاد نبي نسكت حقوقنا تهضم من هذة الاشكال ومن على شاكلتهم ونسكت وهم يتمادون ليش لاننا ساكتين عليهم وكل ماقالو يمين رحنا يمين واذا قالو شمال على طول معاهم خلاص الى متى وحنا هذي حالتنا اسأل الله العلي القدير انه يوفقكم وينولكم طموحكم في التعذيب هن بعد.

[خجلـ]

ثانيا تأسفت جدا لردود بعض الاخوات عموما اقولها للجميع الي يبي يكمل معنا الى اخر رمق اهلا وسهلا والي يبي يشوف له طريق ثاني الله يستر عليه

اخ سلطان والله ماقصرتوا
وانا والله ماابغى غير تخصص ادارة اعمال-تعليم عن بعد لانه النظام مريح
لكن انا جدا متوترة ومضغوطه من كذا جهة
نفسي ارتاح من ناحية واحدة على الأقل
مو عارفة وضعنا كيف حيكون واذا مااخترنا تخصص اش راح يصير معانا
كل اللي طايلينه دحين وعود كاذبة من ناس ماتخاف الله
وماندري بكرة ايش راح يسووا معانا اذا مااتخصصنا او يفوتني التحويل للانتساب
بجد تعبت وماعدت قادرة افكر باي شي
خصوصا انه ماعندي احد يوديني الجامعة وماني بجده
ولو كتبت الخطاب ووقعت عليه كيف ارسله مو عارفة
شور علي اخ سلطان وباقي الاخوان يعطيكم العافية...

[MAHBOOB]

السلام عليكم واهلا بالجميع ...

مابعد هذا الجهد الا الجزاء فجزاكم الله خيري الدنيا والاخره

اما كلام مدير الجامعه فهو تصريف ومن نوع قديم ومغبررررر ...

واليكم هذه الحلول وساعمل بها

1 - الان يجب اختيار التخصص اداره عامه او اي تخصص اخر من قبل اغلاق الشعب ضروري الان ( مافي وقت )

2- الاستمرار في المطالبه بفتح تخصص ادارة اعمال حتى لو السنه القادمه

3- اذا لم يجد جديد تكمل البكالوريوس في الاداره العامه ثم الحصول على ماجستير ادارة اعمال لمن له رغبه

هذا ما ارى ولكم الاختيار وبالتوفيق

[سر الوجود]

جاء دور الرد والتعقيب على النتاائج

اولاً

اولا اعتذر للجميع عن الخبر السار كما كان يبدو لي ... الي كتبته امس ولكن الله شاهد علي ان كنت حذفت او اضفت حرف واحد من رد العميد

اخي ليس عليك الأعتذار حيث أنك لم تقم بالغلط او وضع كلام من تلقااء نفسك أنما وضعت نص الرساله كما وصلتك
وكما فهمتها انت وأغلب الأعضاء كذلك

عموما هذا الموضوع راح ارسله للدكتور عبد الفتاح مشاط ومستعد اتحمل كل النتائج حتى لو وصلت الفصل من الجامعه مدام معي حق ماراح اتنازل عنه نتبع الطرق القانونية داخل الجامعه واذا ما انصفونا راح انتقل لخارج الجامعه اولها لوزير التعليم العالي ومن بعدها برقية للملك عبد الله والجرائد ومن بعدها اذا انسدت جميع الابواب مافي قدامي غير ديوان المظالم

أخي سلطان لم تذكر شيئ سيئ او كلام كذب ولم تختلق ترهات من عقلك طالبت بحقك بأحلامك وطموحك ورغباتك
لم تقبل الظلم لك ولا لجميع دفعه10 ولن نقدم أحلامنا وطموحنا ورغباتنا على قالب من ذهب في التناازل

> سأعود لأكمل الرد